ضيجه تذبح القلب

**هـواجس** · 2011-05-18, 10:05

السلام عليكم ورحمه الله وبركاته

بنات انا ميته من الخوف
طول الليل وانا احاتي مب نايمه
غدالي سنه ونص من تزوجت وللحين ماحملت وكان عندي اشياء بسيطه وراحت
الدكتوره كل ماسيرلها تقولي مافيج وابر وكلوميد وحاله واخر شي مايصير حمل مع ان البويضات تكون في حجمها المناسب لكن ماحمل كنا مستغربين
الله وكيلكن مجابله الدكتوره سنه كامله
نصحوني اروح عند مسيحه دايه تمسح سمعت بحمامه ورويه وشمسه رحت عند رويه
اول ماحطت ايدها على بطني قالت فيج تليف قوي يمنع وصول ماي الرجل لج ف مايصير حمل

وانا من قالتلي هالجمله وانا قلبي مقبوض وميت خوف
لاني سامعه التليف علاجه عمليه وسالفه

المزيد من آخر المواضيع من نفس القسم:

**@مبدعه@** · 2011-05-18, 10:06

ان شاء الله البنات يفيدونج اختي

**ابداااع للتصميم** · 2011-05-18, 10:11

ان شاء الله مافيج شي"روحي للدكتورة خليها اتسويلج تصوير "

**وداع الليالي** · 2011-05-18, 10:16

للرفع
الله يشافيج

**amal2011** · 2011-05-18, 11:01

الله يشافيج

**صمت الغلا** · 2011-05-18, 12:10

الله يعافيج اختى

**Um7amod** · 2011-05-18, 12:23

الله يعافيج اختي
انا اول ما تزوجت كملت سنة ونص تقريبا بدون حمل بس ما كنت اراجع عند دكتورةولا شي
متوكله على الله
وسبحان الله الحين ابا اوقف الحمل ما اقدر
عندي 3 والرابع في الدرب

الله يرزقج الذرية الصالحه حبيبتي

**عروس يديدة~** · 2011-05-18, 12:27

يعطيج حل بصراحة سمعته من كذا مجربه
وانا منهم

ودري عنج التفكير فالسالفة وهدي أعصابج ع الاخر
وشغلي عمرج بأشياء ثانية مفاجات حق ريلج مثلا

واستغفري وادعي عيشي حياتج طبيعي

بس اهم شيء تدعين وتستغفرين
كل دقيقة و كل ماتكونين فاضية

وايدات أعرفهم يتعالجن ع ثلاث واربع سنوات يوم وريحن رأسهن شهر شهرين وتلقينهن حمل*

**عمر الفرح** · 2011-05-18, 13:10

حبوبة انا قعدت بعد الزواج ب عشر شهور بدون حمل وبعدين قرأت عن لزقة الظهر بعد الدورة بالاضافة لخلطة كانت عبارة عن كمون وقرفة وفلفل اسود وحلبة وحبة سوداء تطحن ويؤخذ منها مقدار ملعقتين في كوب ماء ساخن ويترك حتى الصباح ويشرب منه على الريق تؤخذ من ثاني يوم دورة ولثلاثة ايام تعمل ثلاث اكواب بنفس الطريقة والحمدلله حملت بنفس الشهر بس ربك ما كتب ويتم الحمل بعدين اجهضت في الثالث بعد الاجهاض توقعت احمل على طول بس اجتني الدورة فقمت استخدمت نفس الطريقة والحمدلله انا هلأ حامل بنفس الشهر بفضل رب العالمين

**أم غزلان** · 2011-05-18, 13:12

عسى ربي يرزقج الذريه الصالحه

**class_lady** · 2011-05-18, 13:30

الله يشفييييج
سيري عند دكتورة شاطرة نفس شيريين في مستشفى النور في بوظبي واايد زينة وفاهمة

**عيون المهاااا** · 2011-05-18, 13:51

الله يرزقج ويرزقني وياج فالقريب العاجل امين

**فديت ضحكتي** · 2011-05-18, 14:11

الله يشفيج أختي

**أم عبادي26** · 2011-05-18, 20:55

مساء الخير
الغاليه انصحج بالمسيحه رويه ما شاء الله عليها شاطرة وفاهمه اذا قالت لج تليف وعطتج علاج له اسمتري على علاجها وبيروح عنج التليف ان شاء الله لانها مجربه في علاج التليف ، ربيعتي عالجتها عن التليف وراح عنها ...
اسمتري على الاعشاب اللي بتقول لج عنها وعن خلطة الشريش اللي تنحط على البطن وبيروح عنج التليف ....

**غربة امراة** · 2011-05-18, 21:48

مثل ما قالت الاخت عروس يديدة استغفري وادعي الله لنه الله لو ارد شي يستوي لو فيج ما فيج انا عندي تليف خمسه سنتي والحمدلله حامل ولا تعالجت عنه ولا شي بس سويت حقن مجهري مع انه الكل يتوقع انه ما بينفع لنه عندي تليف والحمدلله من اول محاوله نجحت عليج بالاستغفار واسعي وراء العلاج تراه سبب

الموضوع: ضيجه تذبح القلب

أدوات الموضوع

عرض

ضيجه تذبح القلب

المزيد من آخر المواضيع من نفس القسم:

المواضيع المتشابهه

فيني ضيجه

فيني ضيجه

فيني ضيجه..