حسبنآ الله سيؤتينا الله من فضله إنا إلى الله رآغبوون.دشن بارك الله فيكن وإقرن معاناتي

[أمـ دويـس]

السلام عليكم ورحمة الله وبركاته
ترددت كثييير قبل لا أكتب معاانآتي وربما ماتكوون معاناه في نظر الغير
انا راح اتكلم عن حياتي وماراح اذكر لي أمي قالته لي والمعاناه لي هي عاشتها بعد

إنتقلنا إلى منزل في وسط المدينه في عام 1997 وكان المنزل صغير ونحن عايلتنا الحمدلله تقريبا 12 فرد بنات واولاد لكن كلنا صغار وكنت احلم انا نعيش فبيت كبييير ولما إنتقلنا لهالبيت حسبآلي انه كبيير
المهم عشنا فيه وكبرنا لدرجه انه انا واختي الكبيره واخوي لي اصغر عني ننااام بغرفة وحده ( قصدي فصالة كانت موجوده امام غرفة امي وابوي !!!!!!
كبرنا وأمي جابت تقريبا 5 ولدين و3 بنات وقام ابوي وسوى غرفتين زيااده وبسسسسس!!
قلنا ماعلييه بدينا مشوار التوسيع.. دشينا الاولفيه 2000 وقلنا رااح تتوزع بيوت ونحن اكيد إلنا نصيب
وظلينا على هالحال البيت شعبي متهااااالك بمعنى الكلمه وكنت اتجنب اعزم صديقااتي مع انهن كانن من كثر مايحبنني وكانت شخصيتي مرررحه وانسانه فرفوشه كانن يحبن نكمل تواصلنا وتكون امبينا زيارات فكنت اخااف واقعد افكر وين راح احطهم مافي مجلس فالبيت اللهم غرفه صغيره ونحن خلينها مجلس !! قعدت اصيييح واقول لأبوي متى راح نتحول من بيتنا لفيلااا او بيت كبير يقول يوم الله يكتب
ومرت السنين يابنات ونحن ننتظر القرض لي أبوي يأملنا فيه وانه لما يطلع راح يعدل فالبيت
وألحين نحن ف 2011 وبيتنا ماتغير مثل ماهوو واي حد يزورنا يقول انتوا مابتطلعون من هالبيت .!!!
( للعلم بيتنا مافيه ولا شي اللهم تكيي في مجلس الرجال ( لي هي عباره عن غرفه ووسعناها شوي )
والغرفه لي بجنبها نفس الشي خلينها اون مجلس حريم ( وهي بعد غرفه صغيره بس حطينا فيها تكيي )
المهم تمينا نقول لأابوي خلاص طلعنا لو حت بإيجار نعيش بس فمكان وسيع وكبير ..الكل كبر مابقى حد صغير والكل محتاج لغرفة خاصه له.. تزوجت أختنا الكبيره وفظى مكاان طلعنا اخوي منها ودخلنا اختي معانا لانه خلاص مايصير يكون اخونا عندنا المهم كملنا حياتنا بس

المصيييييييييييييبه
انه أبوي تكفل يبني بيت اهلوووا كااااااامل وفعلا بنااه وخلص بنياانه ومقسم كل شي بطريقه حلووه وووسيييع المطبخ والستور حقته وقدام صاله كبيره ( للطعام) وأمام هالصاله مكان كبير قال أون إذا تبون تيلسون وتاكلون فالهواء الطلق هذا فقط قسم من المنزل ..والقسم الثاني غرف نوم مع صالتين كبار وكله سراميك وملون ودنياا
وبعد الحين قاعد يبني مجلس رجاجيل كبيير اما البيت ..!!! ( قلنا ماعليش هذيل اهله ومن حقه )

بس لي مش من حقه يسويه انه الحين تكفل يبني أرض اخوووووه وقال حت لو تكلفني بالملايين ببنييها له!!!!!!!!

أبواا حبيبي باباتي ونحن منووو إلناا ليش مخلنا فذا البيت الخرابه ..ليش هالملايين ماتصرفها فبيتك.!!؟؟؟

ناقشنااه ورفض يبني البيت وقال إحمدوا ربكم انكم عايشين فبيت ملك لكم..!!
قلنالها نحن مواطنين وبحكم القانون معقوله ماظهر لنا بيت وإلا أرض ..!!!؟؟
قال ظهرن بس انا رفضتهم..!!!!!
ظهرن إلنا بيت ويوم عرفت المكان والبيت إنصدمت البيوت اللي مساحتها 200×200 تخيلوا والحين ماينلقن هالبيوت ورفضه ..وطلعت إلنا أرض وبعد رفضها ..!!!
قلتله مب مشكله طلعنا ففيلا واجر هالبيت ..قال إنتي تفكيرج غبي وماراح يوديج لمكاان!!!

رمسنا اخونا قال كم وكم رمسته بس لاحياة لمن تنادي !!
والحين نحن 5 بنااات كم وكم إنخطبنا بس ابوي يرفض !! وكم كم وظيفة وصلت لين ريولي قام ابوي ورفضهااا..!!!!

ويوم خلاص تسكرت فوجهي كل الابواب ..ياني وقالي انتي ليش ماتقدمين على وظيفه بدال مايالسه فالبيت لاشغله ولامشغله بس تاكلين وتقولين متنت ..أكيد بتمتنين دامج كله راقده!!
قلتله يوم يتني الوظيفه رفظتها شو اسوي .!!

طبعا أبوي حاليا متقاعد من 3 سنوات وفالسنه الثالثه ابوي بدا يتغير علينا .. اول ماااكان يرقد إلا وهو متأكد انا مب ناقصنا شي لا بيزات ولا أي شي ومستحيل يتعشى ونحن مب قربه ومستحيل يرقد وهو مزعل حد يروح لين عند الشخص يبكي عنده ويقوله عشان خاطري تعال نيلس رباعه نسولف او تعال تعشى ..وإذا ماتعشيت ماراح اتعشى...!!!

وألحين ولا عباله واللي يزعل بالطقاق لي يطقه..!!


وووأيد أشيااء تحصل ..بس خلاص طفح الكيل ..وكل وقتي صلاه وإستغفار عشان ربي يرضي علي ويرضى على ابوي وامي لي ربوونا أحسن تربيه...والكل يشهد بذالك ..ولله الحمد..

لكن إنقطعنا حت عن أهلنا وبسبة بيتنا الصغير ..!!!! ( مع بعض التلميحات انكم انتوا فالدوون ونحن كلنا في فلل ) مرات نتم نبكي نقول مايصير وضعنا جي .. وابوي الحمدلله عنده الخير بس ليش رافض يبني بيتنا انا مب عارفه..!!

وليش رافض يحطلنا دريوليه او دريول كمااان ماني عارفه ..!!!؟؟ مع العلم انه عنده دريول خصوصي أثنين وماخذلهم سياسييير ومأجرنهم على ناس غيرنا ..!!!! ( ونحن لا ممنوووع )

إختي تقول أبوي من زوود التطووع لي فيه (يخدم الناس ونحن اولى بهالخدماات) وإلا كيف يعني..؟؟

أخوي مراات يقولي أبوي كيف يفكر ..!!!؟
اقوله والله ماعرف إنت إحمد ربك وبس !!

بناات ساعدوووني والله حت مب عارفه شو أكتب وإلا شو أخلي ..حد جي ..!؟؟

حد عايش شرااتنا ...؟

المزيد من آخر المواضيع من نفس القسم:

• لأنّه جعل الفقير ييعش مع المؤمنين لا مع...
• الإكتئاب طاعون العصر الحديث بحث مرجعي...
• كيف تكون إيجابيا ؟
• كيف تتعامل مع ذاتك بطريقة صحيحة؟
• كيف تقوي ذاتك؟
• كيفية تطوير الذات بطرق بسيطة
• افضل طرق لتطوير الذات وزيادة الثقة بالنفس
• اهم المهارات التي تحتاجها لتطوير الذات
• طرق تطوير الذات في مجال العمل
• اقتباسات ~ مُهرة القَصر

[أم حمــد3]

الله المستعان
الله يعينكم يارب

[ابداااع للتصميم]

الله يعينكم"الله كريم

["شموخ"]

وين اهلكم عنه ابوه امه خوانه ينصحونه اوك يبا يسوي خير في خوانه مب مشكله شي واحد ماذكرتيه امج وينها ليش ماتعترض ..

اخوج يسوي شي حاسه بيدكم وايد انتو اخذين خاطر ابوكم وماتبغون تزعلونه اوك حق بعد هاي حياتكم

ومن حقه عليكم يوفر لكم حياه كريمه دامه مقتدر وربي عاطيه خير دخلو احد من اهلكم او جيرانكم او شيخ

دين لاتسكتون الشرع والدين وياكم ...

اما سوالج فيه حد عائش شراتكم هيه وايد والانسان مايخلى من الظروف والابتلاء نحن في دار امتحان

والمومن هو الي يصبر ويحتسبه عند الله {ولنبلونكم بشيء من الخوف والجوع ونقص من الأموال والأنفس والثمرات وبشر الصابرين

عندى وجهه نظر يمكن الوالد شايف انكم بتبطرون اذاحطالكم فيلا ودريول وخايف عليكم ماتعرفين شو نظرته

دايما احط في بالي ابحث لااخيك الف عذر لعل له عذر لانعرفه بالعقل امشو وياه وشوفو شو في خاطره وشو سبب تغيره عليكم ؟؟؟؟ يمكن حاس ماتحبونه الا لفلوسه عاند وياكم وبالاخير ها الاب وبالوالدينا احسانا

وربي يسهل اموركم ولايعسرها ويحنن قلبه عليكم ويحنن قلوبكم عليه

[عروسة المملكه]

وين اهلكم عنه ابوه امه خوانه ينصحونه اوك يبا يسوي خير في خوانه مب مشكله شي واحد ماذكرتيه امج وينها ليش ماتعترض ..

اخوج يسوي شي حاسه بيدكم وايد انتو اخذين خاطر ابوكم وماتبغون تزعلونه اوك حق بعد هاي حياتكم

ومن حقه عليكم يوفر لكم حياه كريمه دامه مقتدر وربي عاطيه خير دخلو احد من اهلكم او جيرانكم او شيخ

دين لاتسكتون الشرع والدين وياكم ...

اما سوالج فيه حد عائش شراتكم هيه وايد والانسان مايخلى من الظروف والابتلاء نحن في دار امتحان

والمومن هو الي يصبر ويحتسبه عند الله {ولنبلونكم بشيء من الخوف والجوع ونقص من الأموال والأنفس والثمرات وبشر الصابرين

عندى وجهه نظر يمكن الوالد شايف انكم بتبطرون اذاحطالكم فيلا ودريول وخايف عليكم ماتعرفين شو نظرته

دايما احط في بالي ابحث لااخيك الف عذر لعل له عذر لانعرفه بالعقل امشو وياه وشوفو شو في خاطره وشو سبب تغيره عليكم ؟؟؟؟ يمكن حاس ماتحبونه الا لفلوسه عاند وياكم وبالاخير ها الاب وبالوالدينا احسانا

وربي يسهل اموركم ولايعسرها ويحنن قلبه عليكم ويحنن قلوبكم عليه

دُرار والله دُراااااررررررررررررررررررررر يسلم عقلج^^

[عذآلي كثآر]

لا حول ولا قوة الا بالله ...
سبحان الله فيه اهالي ما يحبون يشوفون عيالهم مستانسين ...
ع بالهم الدنياا بيزات ومصالح ...
ربي يكون ف عونج ...

[ღcute girlღ]

الله يعينكم الغلا ..

[شجون 2009]

الله يكون في عونكم اختي

ترا بعد فيه ناس الله العالم بحالهاا يمكن بعد اخس منكم مع كل هذا يقولون الحمد الله علي كل حاال

الله يفرجها علي كل مسلم ومسلم

والي يطلع ويشوف هالعالم بيقول الحمد الله لي مكان ارتاح فيه يسترني حتي لو كان صغير

فرج الله عليكم اختيه


دمتي بكل خير

[شـــواااقي]

الصراحة الله يكون في عونج

بس ماعرف كيف اوصل لج الكلام بس بعطيج بالمختصر

اول شي ابوج تغيّر لانه كبر في العمر والواحد يوم يكبر يتغيّر وهذا لازم

لكن برد على موضوعج الاساسي

احنا ماطلع لنا بيت للحين والسبب ان امي تعتبر ساكنة في بيت ورثة

خوالي كلهم عندهم بيوت بس محد قال لهم ساكنين في بيت ورثة وحقهم للحين موجود في هالبيت

وهالبيت لو اقول لج شنو صغير يعني لو يوزعونه على الورقة يمكن نصيب امي بيكون باب البيت

مانقدر نبني اي شي والسبب الاهل بيقولون احنا ورثة وياكم وهذا حقنا ولا تتصرفون على كيفكم ويوم البيت بيستوي بتكم بعدين تصرفو

احنا ساكنين مع خالي وخالي طلع له قرض قلنا يالله الحمدلله بنتصرف قام هو ورفض هالقرض

استقال من شغله مع ان بامكانه يتقاعد وقال معاش التقاعد ما ياكّل عيش والفلوس اللي بيعطونه اياها بتكفيه

طبعا يوم دفع ديونه وكل شي ماتم عنده ولا درهم

امي تعبت وهي تروح تقدم على بيت
اول شي قالو لها انها ماتسال وايد ... قالت لهم انها تسافر وايد تعالج بنتها
عقب قالو لها لازم مهندس وسالفة عشان يشوفون البيت والمهندس قال انتو كيف عايشين في هالبيت ووالله كاتب في الاوراق ان البيت آيل للسقوط
تصوري يعني في اي لحظة بنهدم بروحه من كثر ماهو قديم

اخر شي قالو لها تنازلي عن سهمج في البيت ويمكن نطلّع لج بيت بس الحين مانقدر لانج ساكنة في بيت ورثة

وربيعاتج بيقدرونج لان انا ربيعاتي ايلّسهم على السرير وياي وناكل ونشرب فوقه ولا يحطون في بالهم ان بيتنا صغير ومافي مكان

وعن الوظيفة ... للحين ادور على وظيفة مالقيت والسبب ان كل مكان يبون واسطة وانا ولله الحمد واسطتي رب العالمين وللحين موكلة امري له
انا يتني وظيفتين لين عندي وهم اللي يبوني لكن اهلي رفضو لان وحدة في العين ووحدة في دبي وانا من بوظبي وقالو خط عليج ومانباج كل يوم تروحين وتردين

مع اني اوديهم لين الشارجة ومتعودة اسوق لين الفجيرة وراس الخيمة

معلومة: خوالي واسطتهم اكبر عنها ماشي لكنها للغريب مب لنا ... الغريب توّه داخل البلد واييهم انا صديق فلان بيشغلونه في احسن مكان واحنا ولله الحمد يقولون سيرو قدمو تراهم يبون موظفين وايّاكم تييبون اسمنا

الصراحة لو برمس وبكمل لج بتمّين كل يوم تبوسين بيتكم من اول طابوقة لين اخر طابوقة

اقول لج احمدي ربج وحاولي تييبين ابوج بالسياسة لان الرياييل يوم تسايسينهم يسمعون ويقتنعون ويصحصحون ... ادعي ربج ان يعطيه طولة العمر
واسفة طولت عليج بس اتمنى اني خففت عليج

[دانة المنصوري]

لا حول ولا قوة الا بالله ...
سبحان الله فيه اهالي ما يحبون يشوفون عيالهم مستانسين ...
ع بالهم الدنياا بيزات ومصالح ...
ربي يكون ف عونج ...
الله يصبركم وان شاء الله تعرسن ووترتحون

اعرف ناس من قبل جي بس الحين الحمدالله عايشين بنمعيم

[عطر رومانس]

حبيبتي احمدي الله واشكريه على النعمة اللي عايشة فيها .. الحمد لله انتو مب محتاجين لحد. عندكم بيت ملك ومحد يضاربكم على الإيجار كل شهر ولا انتو مهددين بالطرد من البيت ...والحمد لله انتو مستورين فبيتكم وحتى لو كان قرقور ... يمكن ابوج حاط في باله انه اخوانج الشباب بكرة بيعرسون ومحتاجين بيزات وهي راح يساعدهم .. ولنتو البنات بكرة بيي نصيبكم وبتروحون لبيوتكم .. ويمكن اللي تقدموا لكم كانو مب مناسبين من جهة نظر الوالد .. والحين يوم هو يقولج دوري لج شغل خلاص يعني هو الحين راضي وما عنده مانع ..
ولا تستحين من الناس بسبة بيتكم ترى اختي البيوت بناسها مب بوسعها واثاثها .. واخيرا قعدوا مع ابوكم اللي هو جنتكم وناركم واسئلوه :: انت شو حكمتك من هالموضوع .. ؟ يمكن يشوف شي انتو ما تشوفونه .. استفسروا منه بالطيب والهداوه... ولا تنسون مواقفه وياكم .. ولا تنسون دموعه على زعلكم...
الله يهدي الجميع

[-المزروعية -]

حبيبتي احمدي الله واشكريه على النعمة اللي عايشة فيها .. الحمد لله انتو مب محتاجين لحد. عندكم بيت ملك ومحد يضاربكم على الإيجار كل شهر ولا انتو مهددين بالطرد من البيت ...والحمد لله انتو مستورين فبيتكم وحتى لو كان قرقور ...ولا تستحين من الناس بسبة بيتكم ترى اختي البيوت بناسها مب بوسعها واثاثها .. واخيرا قعدوا مع ابوكم اللي هو جنتكم وناركم واسئلوه :: انت شو حكمتك من هالموضوع .. ؟

أنا مع الاخت رومنس بكلامها بس احب اعلق على بعض النقاط..
من ناحية البيت ترى فيه بيوت تهدمت فوق رووس اصحابها لعلمج وللحين محد عوضهم وفيه ناس انهارت الغرف فوق روسهم ووقت الامطار حدث ولا حرج البيوت م بس تتبلل وتقطر لا تغرق من الخاطر بسبة التشققات يعني انتوا تحمدون ربكم وتشكروه غناتي ..

فيه شي ثاني المشكلة انتي ذكرتي ان مواقف ابوج البعض منها حلوة وهالشي يدل على ان ابوج فيه الخير بعده يعني ما قطع عنكم خير شر وانتي بنفسج قلتي انه تقاعد والانسان يوم يتقاعد تتغير نفسيته ويبا حد يهتم فيه مب تنتظرين ان حد يهتم فيكم حتى بعد ما كبر بالسن..دامه وافق على انج تشتغلين وقبل كان يرفض معناتها عنده وجهة نظر سواء بشغلج او زواج ولو ما كان عنده اي سبب لرفض زواجج تقدرين تخلين حد ينوب عنه بالمحكمة وهذا حقج الشرعي عادي بس ما اعتقد الامور توصل لها الدرجة لاني احسس ابوج يتفاهم بس يمكن طريقة تفاهمكم معاه غلط..

وين اعمامج؟ دامهم شايفين حالكم ليش ما يتدخلون ؟
حاولوا وياهم والله يعينكم

[فتاه صابره]

الله يفرج همكم اختي ويصبركم وماعليج ادعي ربج وعسى الله يرزقج بولد الحلال الي يقدر يطلعج من هذا البيت وتعيشين مرتاحه

[MEMOIR]

الله يفرجها عليكم

[غلا القحطاني]

البيت الكبير مابغير فيج شي

تحمدي ربج بيت وكل شي عندج شو ناقصنج الحين مافهمتج !!!

بيت عندج في فلسطين والعراق ماعندهم غرفه ومايرقدون وهم مرتاحين وانتي مهمومه عشان البيت !!! صغير ؟؟

ماشتغللتي صح لكن مب قاصرنج شي !!!!

مانخطبتو مب بايد ابووووج اذا رفض النصيب بايد الله سبحانه وتعالى

وابوج مافيها شي لوو سوا لاهله

ترى العيال يتعوضووون والزوجه تتعووض بداله ايييون عيال وزوجه

بس الاهل ام اب اخ اخت <-- مستحيل يتعوضوون

وانا اشوف ابوج صح اللي يسويه وانتي مكبره الموضوع

ولاتنسين اللي تتكلمين عنه بهالطرييقه تراه ابووج !! ومستانسه بردود البنات عن ابوج

الله يعينج صرااحه