ادورين زوجة حق اخوج ؟

**حــــلاوه** · 2011-05-15, 17:29

لا اله الا الله

المزيد من آخر المواضيع من نفس القسم:

**منطوووق قلبي** · 2011-05-15, 18:24

انا عني ما اعرف ادور او اني ما ببلش عمري بهاي السوالف احلى شي انه امي تختارله او هو اللي يبيها ومختارنها وراضي عنها ..

**عشق ريلهــا** · 2011-05-15, 18:29

والله ما تقدرين تعرفين طبعها وشخصيتها ابدن الا يوم تعاشرونها

بس اهم شي الدين والخلق

وعقبها تكون مناسبة لاخوج من حيث الشكل والطول

موفقهة اختي

**Ms.Creation** · 2011-05-15, 18:37

لا أدور حق حد ..ولا حد يدورلي..

ما يخصني في حد..باجر ما تعيبه بيرد عليي يقولي انتي و انتي

ما فيني على المشاكل..

جان زين أنا لو حد يختارني خخخخخخخ

**$ اماراتيه$** · 2011-05-15, 19:10

استغفرالله استغفرالله
استغفرالله استغفرالله استغفرالله
استغفرالله استغفرالله استغفرالله استغفرالله

**اهلين و سهلين** · 2011-05-15, 19:20

عادي اقوله فلانه جي مواصفاتها و هو يختار

بس اخواني ما يهمهم هي تشتغل ولا ما تشتغل عادي

اهم شي زينة و محترمة و بنت حلال و يقتنع 100 %

**هنادين** · 2011-05-15, 20:02

والله انا اللي اشوفه اول شي وقبل كل شي الدين ومحافظه على صلاتها لانها باجر بتييب عيال وبتعرف اتربيهم عالدين الصحيح بس اغلب الشباب هالايام يبون الجمال ولو انه هالشي زوال الوحده مابتم حلوه على طول
والشي الثاني انها اتكون صبووووووورة لابعد الحدود واتحب ام ريلها وخواته مثل ماتحب امها وخواتها وهالشي ناااادر مانشوفه والله وفوق هذا ماتكون نكديه ولا شكّاكه وطبعا مابتعرفون عنها الا يوم اتعاشرونها

وعلى مسأله ماعندكم اهل او معارف هالشي عادي ان سمعتوا عن وحده زينه شوفوها واتعرفوا عليها وخلاف الله يكتب اللي فيه الخير ان شاء الله

**المعترضة** · 2011-05-15, 20:11

أنا أدور لريلي
تكون ذات خلق ودين ومواضبه على صلاتها وتكون متدينة حبوبة طيبة
طويله ضعيفة شعرها ناعم حنطية لا تفكر تشتغل ولا تسوق سيارة

واهم شي نكون انا وهي اخوات قبل كل شي

^^

**هنادين** · 2011-05-15, 20:46

المشاركة الأصلية كتبت بواسطة المعترضة

أنا أدور لريلي
تكون ذات خلق ودين ومواضبه على صلاتها وتكون متدينة حبوبة طيبة
طويله ضعيفة شعرها ناعم حنطية لا تفكر تشتغل ولا تسوق سيارة

واهم شي نكون انا وهي اخوات قبل كل شي

^^

والله قلبج كبييير ما شا ءالله عليج .. يالله ان شاء الله اتحصلين زوجة لريلج والله يسعدكم ان شاء الله

**Jathebeyah** · 2011-05-15, 20:48

المشاركة الأصلية كتبت بواسطة المعترضة

أنا أدور لريلي
تكون ذات خلق ودين ومواضبه على صلاتها وتكون متدينة حبوبة طيبة
طويله ضعيفة شعرها ناعم حنطية لا تفكر تشتغل ولا تسوق سيارة

واهم شي نكون انا وهي اخوات قبل كل شي

^^

**ام علاوي2007** · 2011-05-15, 21:11

عني انا والله اخوي حاااط شروط
يبى وحده جميله وراعيه فزعه يعني حرمه بيت
يوم تدخل المكان يتغير جوه يعني لهلوبه
وراعيه صلاه ودين طبعا قبل كل شي
يباااها مب من البناات اللي يلبسن قنبوعه نفسي فديتني
ومب من النوع الحاااسر واليدين طالعه جنهااا بتروح تتوضاء
ويباااها برونزيه مب بيضااء
وجمال وشعر بس مب لازم ضعيفه حتى لو مربربه شوي المهم من النوع اللي يعتني بنفسه
والله شروط وايده ما تشتغل ولا تسوق وبس

**هنادين** · 2011-05-15, 22:47

المشاركة الأصلية كتبت بواسطة ام علاوي2007

عني انا والله اخوي حاااط شروط
يبى وحده جميله وراعيه فزعه يعني حرمه بيت
يوم تدخل المكان يتغير جوه يعني لهلوبه
وراعيه صلاه ودين طبعا قبل كل شي
يباااها مب من البناات اللي يلبسن قنبوعه نفسي فديتني
ومب من النوع الحاااسر واليدين طالعه جنهااا بتروح تتوضاء
ويباااها برونزيه مب بيضااء
وجمال وشعر بس مب لازم ضعيفه حتى لو مربربه شوي المهم من النوع اللي يعتني بنفسه
والله شروط وايده ما تشتغل ولا تسوق وبس

ههه والله شروط وحاله ههههه يالله ان شا ءالله اتحصلون بنت الحلال اللي تستاهل اخوكم وتستاهل عايلتكم والله يوفقكم يارب ^^

**روح الشارجه** · 2011-05-15, 21:15

مرحبا الغاليه ..

طبعا الزواج .. ارتباط وثيق .. وعشرة عمر ..
يعني اللي بتختارونها لازم .. ومهم جدا .. جدا ... انكم تحسنون فاختيارها ..
لان .. عقب .. لو لا قدر الله ظهرت مشاكل او شي .. اخوج بييكم وبيقول لكم مب انتو اللي اخترتوها ..
فانتو من الاساس .. لا تيبون المشاكل والبلاوي على روسكم ..

الغاليه .. بالنسبه للبنت الزينه .. لازم تختارون البنت اللي تكون دره نادره من بين البنات ..
وكيف هذا ..
ان تكون انسانه محترمه .. تصلي .. وباره بوالديها ..
ليش لانها لو كانت محترمه .. بتحترم اخوج .. باذن الله .. وترريحه فحياته
ولو كانت مصليه .. معناته انها .. تخاف ربها .. وبتخاف ربها فيه ان شالله ..
و لو كانت باره بوالديها .. بتكون بارها بامها وابوها اليداد .. اللي بالأحرى هم امج وابوج...

اسألي وااااايد عن البنت ..
واصلا بالفطره .. انتي من نفسج .. اكيد .. بتدورين احسن البنات ..

بالنسبه للشكل .. صدقيني المظهر الخارجي ما بقول لج انه مووول مب مهم .. لا هو مهم
لكن لا تخلينه بالدرجه الاولى ..
لان الرسول قال : واظفر بذات الدين تربت يداك ..
ان اهم شي الدين ..
لان شو الفايده تاخذوله وحده حلوه.. بس ما عندها اخلاق .. او ان وحده عندها اخلاق بس مب حلوه ..
ان شو وازنو بين الاثنين .. ان تكون حليوه ومزيونه .. ومقبوله يعني ..
و فنفس الوقت تتوافر فيها مواصفات البنت الصالحه ..

وباذن الله الواحد الاحد .. بتزوجونه خيرت البنات ..
وربي يوفقج فالاختيار الغلا ..

^_^

**غلاتي كيوت** · 2011-05-15, 22:38

فوووووووووووق

**غلاتي كيوت** · 2011-05-15, 22:42

up
up

الموضوع: ادورين زوجة حق اخوج ؟

أدوات الموضوع

عرض

العرض المتطور

المزيد من آخر المواضيع من نفس القسم:

المواضيع المتشابهه

ادورين منيكان ... اتفضلي

اذا قالت لج مرت اخوج انهـــــــا ما تبغـــــــي اخوج او ما تحبه شو بتسويـــن ..!!

تعبتي وانتي ادورين زفه اسلااميه لعرسج او عرس اخوج او اختج ؟!

زوجة الأخ .. وما أدراك ما زوجة الأخ .. آآآآآآآآآآخخخخ ......

كيف هي علاقتكم مع زوجة اخوج - واخت زوجج ( دمج موضوعين)