مشروعي

[night girl84]

هلا الغاليات ^^

نويت باذن الله افتح نادي رياضي للنساء .. وناوية اسوي فيه ايروبيك و الالات و مساج و حمام ساونة

حبيت اخذ رايكم وين ممكن اسوي في بناية والا اي مكان مب شرط بناية؟ وين اتحسون الحريم بيون اكثر؟

من وين اقدر احصل لي مدربة ؟ و اي الجنسيات افضل ؟

تقريبا لافتتاح نادي رياضي جم بيكلفني ؟

ياريت اصحاب الخبرة او اللي عندها فكرة او عندها نادي رياضي تشور علي

انتظر ردكم

المزيد من آخر المواضيع من نفس القسم:

• ابا نصيحتكم ..
• سداد القرض ، القرض الشخصي ، تمويل المشروع.
• أطقم مواليد
• وين القى مخاوير جمله
• مشروع مختص بحقوق المراه
• تصميمات ڤلل و بنايات رائعة
• تاجرة جديدة تبغي فزعتكم
• فرصه عمل مميزه
• طلب من بنات العين
• كيف بدات بزنسي من البيت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الجنة طموحي]

موفقة ان شاء الله

[night girl84]

مشكورة الجنة طموحي

[يهمني وجودك]

ربي يوفقج الغاليه لكل ما فيه خير لج

الغاليه الفكره واااااااايد حلوه .. بس أنا أفضل لو كان في فيلا
بيكون المكان أوسع ... ومريح أكثر للحريم

أما بخصوص الجنسيات .. شرق آسيا خبيرات في الآيروبيكـ
الصين + كوريا + الفلبين ............ ألخ

وعندج بعض البلدان العربيه وفي منهم أصحاب الخبره:
لبنان + مصر + سوريا ............... ألخ

... .. ... ..

للمساج معروفين شرق آسيا بهالشي وبالذات:

الصين + ماليزيا + أندونيسيا + الفلبين + تايلاند + الهند (الماليزيات مسلمات)
وأكبر دليل بلادهم .. وين ما تروحين تلقين مكان للمساج

* معلومه من العصور القديمة والوسطى وممكن تساعدج وتفيدج
وجدت كتابات عن التدليك في كثير من الحضارات القديمة بما في ذلك:
روما، اليونان، الهند، اليابان، الصين، مصر وبلاد ما بين النهرين, جنوب شرق آسيا

ومعروفه أنواع أساليب المساج:
مساج نقاط الطاقة + المساج الطبي + مساج أمريكا الوسطى + مساج متكامل
+ المساج الارتكاسي + مساج شياتسو + مساج الحجر + المساج السويدي
+ المساج التايلندي + المساج التقليدي الصيني + التكامل الهيكلي ... والكثير الكثير من أساليب المساج

... .. ... ..

بخصوص كم بيكلفج .. قبل لا تبدين المشروع
سوي دراسه كامله ... عن :

1- أسعار الأجهزه الرياضيه وملحقاتها كامله

2- المكان اللي بتسوين فيه المشروع
(إذا كان إيجار) إذا الملك الموضوع أسهل شوي

3- رواتب اللي بيشتغلون في المكان
(مدربات + ثنتين أو ثلاث ينظفون + مشرفة أو وحده في الرسبشن لتسجيل .. ألخ)

4- الديكور والأثاث بشكل عام (يعني فكري من وين بتاخذين وكل شي بسعره)

5- لا تنسين توفرين ثلاجة صغيره فيها ماي + أو عصاير

6- لا تنسين توفرين الزيوت المطلوبه + المكملات

7- لا تنسين لازم تضيفين سلسلة من حمامات الاستحمام

8- اللوكرات لكل زبونه .. وممكن اللي تبا لوكر تدفع عليه مبلغ وقدره

امممممممم ووايد أشياء يبالها دراسه كامله قبل لا تبدين .. وربي بوفقج

[ام عمار مصر]

بالتوفيق

[night girl84]

ربي يوفقج الغاليه لكل ما فيه خير لج

الغاليه الفكره واااااااايد حلوه .. بس أنا أفضل لو كان في فيلا
بيكون المكان أوسع ... ومريح أكثر للحريم

أما بخصوص الجنسيات .. شرق آسيا خبيرات في الآيروبيكـ
الصين + كوريا + الفلبين ............ ألخ

وعندج بعض البلدان العربيه وفي منهم أصحاب الخبره:
لبنان + مصر + سوريا ............... ألخ

... .. ... ..

للمساج معروفين شرق آسيا بهالشي وبالذات:

الصين + ماليزيا + أندونيسيا + الفلبين + تايلاند + الهند (الماليزيات مسلمات)
وأكبر دليل بلادهم .. وين ما تروحين تلقين مكان للمساج

* معلومه من العصور القديمة والوسطى وممكن تساعدج وتفيدج
وجدت كتابات عن التدليك في كثير من الحضارات القديمة بما في ذلك:
روما، اليونان، الهند، اليابان، الصين، مصر وبلاد ما بين النهرين, جنوب شرق آسيا

ومعروفه أنواع أساليب المساج:
مساج نقاط الطاقة + المساج الطبي + مساج أمريكا الوسطى + مساج متكامل
+ المساج الارتكاسي + مساج شياتسو + مساج الحجر + المساج السويدي
+ المساج التايلندي + المساج التقليدي الصيني + التكامل الهيكلي ... والكثير الكثير من أساليب المساج

... .. ... ..

بخصوص كم بيكلفج .. قبل لا تبدين المشروع
سوي دراسه كامله ... عن :

1- أسعار الأجهزه الرياضيه وملحقاتها كامله

2- المكان اللي بتسوين فيه المشروع
(إذا كان إيجار) إذا الملك الموضوع أسهل شوي

3- رواتب اللي بيشتغلون في المكان
(مدربات + ثنتين أو ثلاث ينظفون + مشرفة أو وحده في الرسبشن لتسجيل .. ألخ)

4- الديكور والأثاث بشكل عام (يعني فكري من وين بتاخذين وكل شي بسعره)

5- لا تنسين توفرين ثلاجة صغيره فيها ماي + أو عصاير

6- لا تنسين توفرين الزيوت المطلوبه + المكملات

7- لا تنسين لازم تضيفين سلسلة من حمامات الاستحمام

8- اللوكرات لكل زبونه .. وممكن اللي تبا لوكر تدفع عليه مبلغ وقدره

امممممممم ووايد أشياء يبالها دراسه كامله قبل لا تبدين .. وربي بوفقج

مشكورة الغالية على ردج افدتيني فعلا في امور ما فكرت فيها

[مبتسمةمتفائلة]

ما خبرتينا وين عشان نكون زباينج

لا تنسين تسوين حوض سباحة و تسوين حصص اكوا انا اروح نادي جنتي ررررروعة الاكوا عندهم فعلا تريح الجسم

ممكن في الدور اللي فوق تسوين جزي صالون و تاجيره مثلا او تدريه بنفسج

سوي كوفي شوب كل اللى فيه دايت بس اسعاره ما تكون مبالغة برضة تقدرين تاجرينة مثل شركة لايت بريد مثلا

لا تنسين حجرة مخصصة لانتظار الاطفال فيها بعض الالعاب البسيطة و تليفزيون ممكن تنتظر فيها الخدامة ويا الطفل مثلا او تخصصين فلبينية بلساعة تستقبل و الجز مسبقا

افضل زوري نادي جنتي وووووايد احبة و رررراقي بمعنى الكلمة و شوفي كيف نظامهم و شو خدماتهم.

[كيكه اسفنجيه]

فكره رائعه فعلا
واخويه كان مفكر فيها .. .

وصدق وين المكان عسب نكون اول المشتركين

.
انا عن نفسي افضل فيه فيلا , ماحب اروح عماير احس بخنقه والمكان كتمه والريحه عاد يا سلام !

وفيه وايد نقاط حسيت مالها داعي من اللي انذكرت فوق من الاخوات لان فيها تكلفه وعوار راس ويمكن
ماتحتاجينه اساسا . .
مثل الحضانه واستقبال اليهال , ماظني فيه ام بتيب عيالها وياها , هذا اللي انا اشوفه
انا كنت مشتركه في نادي السيدات في بوظبي , وماشاء الله كان روعه لكن للاسف سكروه

وطبعا هذا النادي مابيكون شرات اللي بتسوينه لانه مكلف , فيه مطعم وفيه مسبح وفيه محلات والخ . .
واللي احس فيه انه المحلات خسرانه مليون بالاميه ماشوف حد يشتري من عندهم !! . .

.

عندج نادي صحي في بنايه باريس غاليري
زوريه بتشوفينه والله حلو احسه مرتب
وشكله مش هاك الزود يعني مش مخسرين عليه وايد

لان الصاله عوده ومرتبين الالات كلن على حسب الاستخدام
يعني حاطين 3 سيكل , و3 مال المشي و 3 مال الريول مادري كيف شكله بالضبط بس هذي اصعب اله شفتها .

وياليت لو تحطين تايم معين لكل مشتركه , يعني احيد في نادي السيدات كانوا حاطين يافطه عوده
انه 30 دقيقه للمشي وخلي غيرج يمشي على الاله مش تكثرين وتنسين الباقيين . .
يعني تخلونها تنوع , وعافاني الله في بنات تتحرا عمرها بتضعف لو سوت 10 ساعات ورابعض . .

والله كنت اعاني من ها الشي . .

والله يخليج لا تحطين تلفزيون , لان يقعدون يطالعون تلفزيون وينسون عمارهن , ونحن نتريا الدور عاد !!

ولا تحطين ثلاجه مال عصير ولا شياته , شعنه بعد ها الدلع
حطي هايج الثلاجه اللي يكون فيها ماي بارد وحار , وبس عاد شو يبون به العصير ., مب سزين للوزن
كله سكريات . .

وبالنسبه للمساج وها السوالف
لو تبين زوري مركز الرحمه اللي في شارع حمدان ف بوظبي ( هذا لو كنت في بوظبي )
وشوفي واسأليهم بيفيدونج . . وفيه وايدين يبون يشتغلون برع مساكين بس مش لاقيين . .
مساجهم زوين . .
.

وشو بعد ياربيه ,.,,,, اظني بس جيه . .

.
وياالله يارب العالمين يوفقج يارب وتلاقين اللي يسرج من الرزق الحلال يارب العالمين
وادخيلج قولي لي انج من بوظبي والنادي بيكون في بوظبي
ولا تسوينه برع بوظبي
يعني حدج الين المرور والمشرف
خخخ ( طرار ويتشرط ) . .

.

موفقه غناتي

[night girl84]

ما خبرتينا وين عشان نكون زباينج

لا تنسين تسوين حوض سباحة و تسوين حصص اكوا انا اروح نادي جنتي ررررروعة الاكوا عندهم فعلا تريح الجسم

ممكن في الدور اللي فوق تسوين جزي صالون و تاجيره مثلا او تدريه بنفسج

سوي كوفي شوب كل اللى فيه دايت بس اسعاره ما تكون مبالغة برضة تقدرين تاجرينة مثل شركة لايت بريد مثلا

لا تنسين حجرة مخصصة لانتظار الاطفال فيها بعض الالعاب البسيطة و تليفزيون ممكن تنتظر فيها الخدامة ويا الطفل مثلا او تخصصين فلبينية بلساعة تستقبل و الجز مسبقا

افضل زوري نادي جنتي وووووايد احبة و رررراقي بمعنى الكلمة و شوفي كيف نظامهم و شو خدماتهم.

كان زين بس مشروعي بيكون في الفجيرة
عطيتيني افكار حلوة وان شاء الله اقدر انفذها
مشكورة الغالية

[night girl84]

فكره رائعه فعلا
واخويه كان مفكر فيها .. .

وصدق وين المكان عسب نكون اول المشتركين

.
انا عن نفسي افضل فيه فيلا , ماحب اروح عماير احس بخنقه والمكان كتمه والريحه عاد يا سلام !

وفيه وايد نقاط حسيت مالها داعي من اللي انذكرت فوق من الاخوات لان فيها تكلفه وعوار راس ويمكن
ماتحتاجينه اساسا . .
مثل الحضانه واستقبال اليهال , ماظني فيه ام بتيب عيالها وياها , هذا اللي انا اشوفه
انا كنت مشتركه في نادي السيدات في بوظبي , وماشاء الله كان روعه لكن للاسف سكروه

وطبعا هذا النادي مابيكون شرات اللي بتسوينه لانه مكلف , فيه مطعم وفيه مسبح وفيه محلات والخ . .
واللي احس فيه انه المحلات خسرانه مليون بالاميه ماشوف حد يشتري من عندهم !! . .

.

عندج نادي صحي في بنايه باريس غاليري
زوريه بتشوفينه والله حلو احسه مرتب
وشكله مش هاك الزود يعني مش مخسرين عليه وايد

لان الصاله عوده ومرتبين الالات كلن على حسب الاستخدام
يعني حاطين 3 سيكل , و3 مال المشي و 3 مال الريول مادري كيف شكله بالضبط بس هذي اصعب اله شفتها .

وياليت لو تحطين تايم معين لكل مشتركه , يعني احيد في نادي السيدات كانوا حاطين يافطه عوده
انه 30 دقيقه للمشي وخلي غيرج يمشي على الاله مش تكثرين وتنسين الباقيين . .
يعني تخلونها تنوع , وعافاني الله في بنات تتحرا عمرها بتضعف لو سوت 10 ساعات ورابعض . .

والله كنت اعاني من ها الشي . .

والله يخليج لا تحطين تلفزيون , لان يقعدون يطالعون تلفزيون وينسون عمارهن , ونحن نتريا الدور عاد !!

ولا تحطين ثلاجه مال عصير ولا شياته , شعنه بعد ها الدلع
حطي هايج الثلاجه اللي يكون فيها ماي بارد وحار , وبس عاد شو يبون به العصير ., مب سزين للوزن
كله سكريات . .

وبالنسبه للمساج وها السوالف
لو تبين زوري مركز الرحمه اللي في شارع حمدان ف بوظبي ( هذا لو كنت في بوظبي )
وشوفي واسأليهم بيفيدونج . . وفيه وايدين يبون يشتغلون برع مساكين بس مش لاقيين . .
مساجهم زوين . .
.

وشو بعد ياربيه ,.,,,, اظني بس جيه . .

.
وياالله يارب العالمين يوفقج يارب وتلاقين اللي يسرج من الرزق الحلال يارب العالمين
وادخيلج قولي لي انج من بوظبي والنادي بيكون في بوظبي
ولا تسوينه برع بوظبي
يعني حدج الين المرور والمشرف
خخخ ( طرار ويتشرط ) . .

.

موفقه غناتي

مشكورة كيكة اسفنجية ع المعلومات للاسف بيكون مشروعي في الفجيرة والا خليتج غصب عنج اتشاركين
بحاول قد ما اقدر اسوي الصالة مرتبة اكثر ^^