كيف تتعامل معااه

**عواشهـ** · 2011-05-07, 17:24

اختي كبداااايه هو يبا حرمه من حرييم الاول تكرف و اتسوي و اتشل و اتحط يعني مب من هالزمان انا ريلي و اخواني جي..

و خاصه ريلي ..

بقولج تجربتي..

كبدايه واافقت لى الي يباه كلله لاني اصلا اتزوجت ابا الستر كبنيه و خلاص ها نصيب و الي اتربينا علييه ان الحرمه لازم اتكون الي ريل اربيعتج يباه...
انا وافقت و تمييت يمكن سنه اتلعلم بس و حملت و يبت هجووره و يوم بروحه شاف الدنيا صعبه علييه ياب لي بشكارره و اشوي اشوي الاموور تتسهل مع الاسنينهو يتعلم عليها و هي تتلم عليه بس اهم شي انها تخلص النيه بانها اتكون حرمه بيت و شاريه ريلها بقلبها و عقلها,,,

المزيد من آخر المواضيع من نفس القسم:

**الجوري 44** · 2011-05-07, 17:54

انا اللي اشوفه شي عااادي وحلووو بلعكس وشي ثاااني الكل اللي ف البيت يخدم مو بس هي

**موزة الغفلي** · 2011-05-07, 18:43

((يا حي يا قيوم برحمتك استغيث أصلح لي شأني كله ولا تكلني إلى نفسي طرفة عين ))

**الورد الأحمر** · 2011-05-07, 19:05

هلا عزيزتي
اشحالج
اولا مثل ما قالت وحدة من الأخوات
اذا عجبك كلامي خذيه واذا ما عجبك عقيه ورا ظهرك

عزيزتي اولا عيب ع ربيعتج أتقول انها بتستوي خدامة في بيت اهل ريلها
اولا عمتها في مكانة أمها ... وثانيا التعاون زين ما فيه عيب ودام الشغل مب كله عليها شو تبا اكثر من جذيه
الزواج مب اكل ورقاد
الزواج مسوؤليه

**الورد الأحمر** · 2011-05-07, 19:29

المشاركة الأصلية كتبت بواسطة الورد الأحمر

هلا عزيزتي
اشحالج
اولا مثل ما قالت وحدة من الأخوات
اذا عجبك كلامي خذيه واذا ما عجبك عقيه ورا ظهرك

عزيزتي اولا عيب ع ربيعتج أتقول انها بتستوي خدامة في بيت اهل ريلها
اولا عمتها في مكانة أمها ... وثانيا التعاون زين ما فيه عيب ودام الشغل مب كله عليها شو تبا اكثر من جذيه
الزواج مب اكل ورقاد
الزواج مسوؤليه

ويمكن ريلها حاب يختبرها محد يدري
والله يوفقهاا

**فديت الكيوت** · 2011-05-08, 09:19

خوااتي اشكركم على ردودكم الطيبه..بس خواتي مب سالفه انهاا تعلم وتطبخ..السالفه انه هي عمرهاا 23 وهو 27 وشبه بدووي..يعني هي حتى تقول له في بيت اهلي وربيعاتي ماايشتغلون عندهم شغالات يرد يقول لهاا رياييلهم اونه مب ريياييل ..وهي انصدمت من رده بصرااحه شوو مب ريااييل..والله هو معقد اشوي وشبه عقليه ابيض واسود.هع..والله اربيعتي مرتاحه وهو يحبهاا وهي بعد..بس المششكله هااي بس انهاا مااتردووم تقنعه بشي..يقول مااعندي حرمه ترركب برااسي والا تمشي رايهاا على كل شي بحدود..والله خواتي قولوا لي كييف تاخذه بسيااسه وتخلي يقتنع ويتفهم..

***وردة بيضاء*** · 2011-05-08, 10:25

استغرب يوم اشوف بنية بتعرس ونقول ما احب اطبخ وما أحب أنظف وانا ما تعودت على الشغل ببيت ابوي

احس انها هب فاهمة شو يعني زواج

الزواج اختي تكوين عائلة وتحمل مسؤولية وتكاثف

اختي كلنا كنا ما نشتغل ببيوت اهالينا

تعرفين ليش اختي

هذا لأن بيت ابوج انتي مجرد ضيفة فيه لكن بيت زوجج هذا هو بيتج

و اكيد اذا حبيتي زوجج راح اتحبين انج تخدمينه و تريحينه

والله صدقيني انها متعة ما بعدها متعة وانتي تطبخين وتنظفين و تفكرين اذا كان هالشي بيخلي زوجج يرتاح عقب ما يرد من دوامه تعبان

ولا تنسي اختي انج بتكونين مأجورة ان شاء الله على هالشي

والخدامة ممكن اتيي عقب اذا عندج اولاد (للمساعدة فقط)

والله يجمع بينهما في خير و يسعدهم ان شاء الله

أما عن أهله فانتي قلتي يساعدون امه

يعني هب يالسين و هي بتخدمهم

لا بيساعدون بعض يعني أسلوبهم فالحياة صح و حلو والله يحنن قلبهم عليها و يطرح محبتها فقلوبهم

**sa7el** · 2011-05-08, 15:09

بصراحة،،، أنا منها ما بتزوج هالشخص،،، مب عشان الطبخ،، لا،، شكله واايد معقد واايد بيحرمني،،، بس عناد،، أو مضطهد الحريم،، ماعرف شو مشكلته،، المهم ما تتزوجه أحسن،، و هو مجرد خطيبها ،، يعني لو انفصلوا الحين أحسن على الأقل اسمها ما بيكون مطلقة،، خلها تفكر عدل في الكلام،، باجر بتندم و بتتمنى الوقت يرجع ورا عشان ما تتزوج هالإنسان

**جرح وحداوي** · 2011-05-09, 11:58

مخطووبيين وترمسة..

علعمووم انا من رااي مااتستعجل لووهي حااطة هالافكاار فرااسها..ولااتنسى الاستخاارة اتصلييها قبل الارتبااط..

الموضوع: كيف تتعامل معااه

أدوات الموضوع

عرض

العرض المتطور

المزيد من آخر المواضيع من نفس القسم:

المواضيع المتشابهه

رجعت معاناتي معااه ..:(

محتارة معااه ؟!؟!؟!؟!

كيف تتعامل مع؟؟؟

أحــبـابي الاطفال شرااشف بشخصيات كرتوونيه حيااكم دور شخصيتك المفضله وناام معااه