شي غريب

**Perfetto** · 2011-05-06, 19:36

السبب لأنه الوحده من تصير له مشكله .. تفكر في عمرها !
هب مرتاحه .. وريلها بخيل .. ووو .. كلها جمل تدل على إنها هي تبا تعيش وياه .. وهي مرتاحه !!
فكرة الطرف الآخر .. ملغيه من عندنا ..
البعض يطرحن مشكلتهن .. ويبن حل عسب يردن شرات قبل !
حد يهتم فيهن 24 ساعه .. ومن هالأمور .. وياج ها حق لكل وحده وعلى كل ريال !!
بس لو هو تغير .. هل أنا بهتم لحياتي لقبليه .. ولا له هو إلي تغير !!

الريال يدخن ولا يسوي منكر .. غيريه هب لأنج تبينه يعاملج بذوق شرات ما هلج يعاملونج ..
هب لأنه الحريم رياييلهن مريحينهم ..
تغيره لأنها تحبه .. لأنها مهتمه لأمره .. المنكرات بييب له المصايب عقب !!
كم وحده تفكر في هالأمر .. إن ما كانن نادرات بيكون وحده ولا ثنتين من عشر !!

ليش الوحده ما تدفع ريلها يصير ملتزم بالدين .. وحده أعرفها تقول أخاف يصير متشدد !؟
الحينه الدين صار يخوف ؟! الله المستعان ..
الأجانب ما يسوون سالفه حق رياييلهم .. بس عندهم أمثله تهز من الوفاء للزوج ولا للزوجه !!
على إنهم كفره .. ودنياهم تخزيهم ..!

نحن الحريم محتايين لإسلوب مختلف .. ولعقليه مختلفه .!!
لأني مستحيل أحل مشكله بعصبيه .. جيه بزيد العقد فيها .. طبيعي الحبل بتفجينه بهدوء عسب ما يرص على إيديج ولا يتعقد زياده ..

**كلمة المرور** · 2011-05-06, 20:41

كلامج صح ميه ميه

**دلوعةAحبيبي** · 2011-05-06, 21:27

كلامج صح 100%
^___^

الرياييل مايحبووووون الحرمه الضعيفه المقلوبه على امرها خخخخ
يحبون ويركضون ورا الحرمه الي مسويه لها هيبه ويخاف منها ويحسب لها الف حساب>>من الواقع

عشان جي الوحده ماتسكت عن حقها من اول مره
لو سامحت وسكتت مره عادي يتمادى ويزودها
انا معاااج اختي وكلاااااااااامج صح صح صح

**lara** · 2011-05-06, 22:25

صح السانج
وانا من راي نسوي ثورة على الرياييل

يسلموووو

**فجــر الليالي** · 2011-05-06, 22:37

أنا ويآج ١٠٠٠٪ / بـــس !
{الحد} لازم ينحط بـسسس فـ الأمور الكبيـــــــره
وايد وايد وااااااايد ..
مب جان الحرمه جكت ريلها يطالع مني مناك ، اتقوله
طلقنــــي !
و اتقيم عليه الحد / بـ الطلاق ، خخخ ..

عزيزتي ..
الزواج مسؤولية و تضحيآآآآت ..
للأســـف / مجمل كلامج واقعي ..
و جواب {ليش} ؟
لنه {مجتمعنـــا} يعطي الريال
الحق انه (مآ) يقدم تنازلآآآآت كبيره بالمجمل ..
لكن الحرمه {مفروووض} عليها تتنازل بين فتره و فتره ..
و عن الصغير ، و الشبه كبيـــر ..

لكـن كلامح المفروض يتطبق بــــس فـ الأمور العوووده ..
لنه لو ع كل شي الحرمه قامت اتواجع الريال ..
هو بيطفر منها / و عاااادي عنده يطلقها ، و يستبدلها
بكللللل سهوله بـ ٢ ولا ٣ ..
لكن عاد هيه ، بيطيحون العيال فـ جبدها ..
و حتى أهلها / ما بيراعونهـــا !

الريال يروم {يتحوط} بين الحريم بكلللل سهوله ..
جان طلق ، محد بيحط العيب فيه ..
ولا بيقول ليييييش طلق ..
لا و بعد يروم يتخيرررر الحريم من اي بلاد ..
بس عاد جوفي وضع الحرمه فـ هـ النواحي كيييف !
فررررق !

**فيفي1985** · 2011-05-06, 22:46

انا عن نفسي ماسكت له قلبت الدنيا فوق راسه لانه هالشي صدق يقهر مستحيل وحده تشوف ريلها يخونها وتصبر صعبه
الكلام سهل ولكن يوم بتعيشين يومه الله لاييب هاليوم صدقيني مابتتحملين ولادقيقه لازم تادبينه
وانا عن نفسي حسست ريلي اني اقدر استغنى عنه لو غلط اقوله ان مسكتك تخوني ثاني مره بروح بيت اهلي وبتنازل عن عيالي (طبعا مافي وحده تقدر تستغني عن عيالها ) بس حطيت هالفكره فراسه وقلت له بكره عيشتك مثل ماكرهت عيشتي لين ماتطلقني وانا بشوف حياتي وبتزوج لاني بعدني صغيره وعيالي انت ربيهم
والله من عقب هالكلام فتح قفل اللي كان عالتلفون والحمدالله تغير وايد كله قعدته في البيت ويخاف يطري زواج من الثانيه لانه كان دوم ينرفزني يقولي بتزوج عليج هههههههه
بس مب كل وحده تجرب تجربتي ف ريلها انا غير مسؤوله لو حصلتي سطار ولابوكس على عينها
اخلي مسؤليتي اذا وحده طبقت كلامي هههه نذله

**بنت بحور** · 2011-05-06, 22:49

يعني الريال اذا شاف الحرمه تخونه او شي ردها بيت اهلها او طلقها او يمكن يضربها ونحن بنسويه جيه مثلااا اكيد لا
ترا هاذي الحياه ولازم نتحمل يعني شو بنسوي والواحد يغلط مافيها شي بس كل شي ينحل بالتفاهم مابوديه بيت اهله وبقول ماعرفتو تربون ولدكم
سوري بس هاذي الحياه ونحن الزوجات لازم نصبر ونتحمل والله يوفق الجمييييع ..

**عذآلي كثآر** · 2011-05-07, 01:02

انا اوافقج الراي
لو الحرمة اتخذت موقف جدي تجاه ريلها جان ما تمادوا
مب لما يخونها تقول مني النقص و تسير اتغير من استايلها وشكلها وتذبح نفسها عسبه
وهو ما ياثر فيه شيء !!!

**Green Life** · 2011-05-07, 01:21

كلآمج صحيح أختي .., بس بعد شي حريم وآيد يخونن ريآييلهن .. ووآآآآيد بعد

لكن هالمنتدى .. أو هالقسم بالأحرى حق مشآكل الزوجآت .. وطبعآ أكثر المشآكل تكون خيآنه و الخ الخ

أنآ من رآيي أنه اللي تشتكي فهالقسم .. يأ أنهآ تبآ الحل ومآتعرفه.. والشي الثآني أنه شخصيتهآ شوي مهزوزه.. سوري ع هالكلآإم...

بس جد .. وآيد شفنآ موآضيع يشتكن .. وحده ريلهآ يخونهآ.. ويعترفلهآ ويغيآضهآ بهالشي

والثآنيه ريلهآ يسهر لين الصبح برآ

والثآلثه . . ريلهآ كله صور بنآت

والرآبعه ريلهآ مآدري شو مسوي ..

ووتصبر وتتحمل.. وتقول انآ تفآهمت ويآه ومآوصلنآ لنتيجه .. وسويت وسويت ومآفآد..

حبآيبي .. لو وآجهتي أكثر من مره اغسلي أيدج بيتم يغآيض ويعآند

بس لو لبستييييييييييه <<< يعني طآآآآف من الخآطر.. تمحين وجوده

هالشي بيخليه يتحرك شوي.. ويستحي ع ويهه ويي شرآت القطو يعتذر << شدخل القطو خخ

المهم أنه بتعرفينه لو فيه ضمير حي..

وترآ الحرمه الصعبببببه تعرف كيف تخلي ريلهآ يمشي مثل مآتبآ

والحرمه الضعييفه واللي شخصيتهآ مهزوزه مآبتروم تسوي شي لو تموت

وصحيييح .. مآشي مثل الموآطنآت حليلهن .. مآبعمم لكن بقول الاأغلبييه مآتحب الفضآيح وسيرآت المحآكم عشآن جي بيسكتن عن حقهن وهن الخسرآنآت ..

لكن لو وحده من طبش ثآني.. والله لتذله وتيرره فالمحآآكم .. عشآن تآخذ حقهآ وهو مآيروم يقول حرف وآحد..

أنآ مب قصدي تكونن وحوش .. بس فكرن شوي.. يعني قليل من التفكير والاراده والقوه .. ترومين تيبين رآسه بدون مشآكل وفضآيح.. ومثل مآتعرفون ترآ الريآل شرآت اليآهل.. بيشوف شي يعيبه بيقول اباه .. وانتن وفرله هالشي ! قبل لايدورله من مكآن ثآني ..

**زمـــن هموم** · 2011-05-07, 01:29

انا بعد هالشي وااايد مستغربة منه

المشكلة انه هالفئة من الحريم يخربن على غيرهم من الحريم الحين الرياييل كلهم حاطني في بالهم انهم لو خانوا حريمهم حريمهمه بيسكتون وبيصربون ع خياناتهم ترا كل واحد يقول للثاني اخون وحرمتي عادي عدها ولا يقرون في المنتديات ويشوفون السوالف والمشاكل والحريم كيف ساكتات

لو يشوفون بس الجنسيات الثانية كيف ريايييلهم يحبون حريمهم وما يخونونهم هذا كله لانه الحريم في الجنسيات الثانية ما عدهم ون تو الريال لو غلط بشي لو بسيط بتوريه العين الحمرا ويسوي لها الف حساب قبل لا يقدم على اي شي والله واايد استغرب اشوف الريال كيف يحب حرمته ويداريها ويضحك معاها مع انها مب انها حلوة وانيقة ولا شي عاااادية واقل من عادية بس تستغربين من الحب اللي امبينهم حتى تشوفينه يساعدها في تربية العيال وحتى في لبسهم وهو اللي يشيلهم ويلعبهم وينظفهم

كم مرة بتكلم انا واقول انه لاااازم الحرمة ما تسكت عن ريلها لو غلط ولو غلط بسيط اهني بيحسب لها الف حساب زواج هذا مب لعبة والله يخوني اسكت عنه يمكن ها يمكن يصطلب

**{ .. مذهلــهـ** · 2011-05-07, 15:19

تعرفين انا كنت وايد اسال نفسي هالاسئلة

بس بعد ... عرفت مع الوقت اشيا خلتني اغير قناعاتي نوعا ما ..

عرفت ان الريال غريزته فظيعة .. ويمكن عشان جي الله حلل له اربع زوجات

وعرفت ان زمننا ما يرحم .. الواحد حتى وهو في نص بيته تييه المغريات من كل صوب ..

في رياييل قلبهم قوي .. ويتحملون .. او يطنشون .. وفي رياييل من اتفه شي يتلعوز >_<"

نحن الحريم غير .. نفسيتنا .. رغباتنا .. نحن كل شي فينا غير .. عشان جي نستغرب منهم ونقول لو نحن بدالهم ما بيسامحونا .!

اللي اعرفه .. ان خصوصا اللي عندها عيال .. تحاول تحافظ على بيتها

مب عشانه ... لا عشان عيالها .. لان تمزق العيال في حياة الاب فيها موجود و غير موجود .. شي وايد صعب ..!

تحاول تكسبه عشانهم .. و تحاول تكبرهم بوجوده قدام عينهم ..

وفالاخير الاغلب ينجح في هالشي .. وتكسب ضد نزوات زوجها .. و تحفظ بيتها

**فنون الحب** · 2011-05-07, 16:52

هيه والله صدقتي الحرمة مب حيوانة ولاعديمة احساس

عشان تتحمل وتصبر على خيانته وسواد ويهه

مافي شي بالغصب

طز بكل الرياييل مايملا عيونهم الا التراب

حتى وهم معرسين وعندهم حريم يلعبون بذيلهم

وليش انعرس اصلن خلنا جي مرتاحين وآآيد

بلا زواج بلا ويع قلب

**ترانيم المحبه** · 2011-05-07, 20:59

هو مب سكووت عن الحق

بس غيرت الريال ماتسمح له يشووف مرته تخوون

فيكوون رده تفجييري

بس الحرمة لو خانهاا زوجها لازم تهدى وتفكر تحل المشكلة بهدوء

مب عشان هي مكسورة او ضعيفه او لانها حرمة وخلاص

بس لان عندها بيت وتحب زوجهاا وماتبي تخسره واذا تعاملت وياه مثل مايتعامل الريال

هي اول وحده بتخسرر بيتهاا ..

**عالية الغالية** · 2011-05-07, 21:16

المجتمع يعذر الريال

لكن عمره ما بيعذر الحرمة

**تسونامي** · 2011-05-07, 22:03

الله لايبلانااا

الموضوع: شي غريب

أدوات الموضوع

عرض

المواضيع المتشابهه

شئ غريب ... والله غريب... تعالوا شوفوا وقولو رايكم

أشياء لا تعلمها يستطيع جهازك النقال فعلها غريب غريب غريب ..

العثور على حيوان غريب بعوالي‏...((صدق غريب ))

شي غريب

اليوم شفت شي غريب لالالا سمعت شي غريب