عروس جديده؟؟؟

**عهودksa** · 2011-05-06, 04:10

السلام عليكم ورحمة الله وبركاته

انا عضوه جديده معكم هنا بس دووم اقراء مواضيعكم
ومرره استفدت منها ربي يجزاكم كل خير
انا بدخل في موضوعي وابغى منكم مساعده الله يرضى عليكم

انا راح اتزوج ان شاء الله قرريب انا من السعوديه وزوجي من (الامارات)

وحابه اسئلكم بما اني جديده على اهل الامارات وراح اسكن في ابو ظبي
وانا اول مره ازورها وخايفه شوي ومتوتره والله وشاله هم مرره
فحبيت تعطوني فكره عن العادات اللي عندكم من ناحية اللبس والمعيشه وهالامور
لاني مو عارفه شي ابداا وماعندي حد اسئله الا انتم خواتي ربي يخليكم
وابغى اعرف كل شي عشان اذا جيت يكون عندي فكره
وانا لسى ماتجرات على زوجي عشان اسئله لاني ماكلمته غير مرتين

ودعواتكم لي بالتوفيق وتيسر اموري
ربي يرزق كل وحده بالزوج الصالح يااارب

اختكم (عهود)

المزيد من آخر المواضيع من نفس القسم:

**فلونه 2008** · 2011-05-06, 04:43

وعليكم السلام ورحمة الله وبركاته

مبررووووك مقدما يا عروووس

هلا فيج في بلدج الثاني الامارات لا تشيلين هم اختي بخصوص العادات اعتقد بخصوص اللبس والعابايات اعتقد ماشي فرق بس نحن عندنا مثلا الكنادير المخور حلو العروس تكشخ فيهم بس مب شرط تتقيدين انتي وذوقج في اللبس

والله يوفقج

**عهودksa** · 2011-05-06, 04:50

هلا فيك فلونه فديتك ابي توضحين لي شو يعني الكنادير المخور
وربي يسعدك

**بطاقه** · 2011-05-06, 06:01

البسي اللي يناسبج اختي واذا كنتي ضعيفه أنصحج لا تلبسين

مخور ولا مغربي لانه يناسب الحرمه المتينه أكثر ،،

**ابداااع للتصميم** · 2011-05-06, 10:06

يا مرحبابج الساع":": ولا تشلين هم احس اهل الخليج عادتهم جريب من بعض ومع الايام بتتاقلمين ويا عادات الامارات لان صعب تتعلمين بين يوم وليله""

**عهودksa** · 2011-05-06, 23:48

المشاركة الأصلية كتبت بواسطة ღღالزهراءღღ

يا مرحبابج الساع":": ولا تشلين هم احس اهل الخليج عادتهم جريب من بعض ومع الايام بتتاقلمين ويا عادات الامارات لان صعب تتعلمين بين يوم وليله""

مرحبا ملايين مايسدن
شو رايك فيني تعلمتها خخخخخخخخخخخخخخخ
مشكوره فديتك على الرد

**عواشهـ** · 2011-05-06, 10:11

دشي مواضيعي و بتحصلين خاوير انا كنت ابيعهم قبل... هاييله المخاااوير تلبسينهم يووم اتسيرين بيت اهل ريلج و لا يوم زيارة اهله عندج يعني شي محتشم و جي...

و افا علييج انتي مب غريييبه و لو تبين انا اول وحده بتعرف علييج و بستوي صديقتج بالتيلفون..بس انا من اماره ثااانيه...

**عهودksa** · 2011-05-06, 23:50

المشاركة الأصلية كتبت بواسطة عواشهـ

دشي مواضيعي و بتحصلين خاوير انا كنت ابيعهم قبل... هاييله المخاااوير تلبسينهم يووم اتسيرين بيت اهل ريلج و لا يوم زيارة اهله عندج يعني شي محتشم و جي...

و افا علييج انتي مب غريييبه و لو تبين انا اول وحده بتعرف علييج و بستوي صديقتج بالتيلفون..بس انا من اماره ثااانيه...

مشكوره حبيبتي على المساعده
ربي يوفقك ياارب
على كذا يبي لي اجهز مخاوير على قولتكم مع اني ماعمري لبستها

**دلع الحوامد** · 2011-05-06, 10:37

يا مرحبا الساع فيج حبيبتي ماشي فرق بس أن شاء الله باجر بتعودين يا هلا والله بأهل السعوديه

**عهودksa** · 2011-05-06, 23:51

المشاركة الأصلية كتبت بواسطة دلع الحوامد

يا مرحبا الساع فيج حبيبتي ماشي فرق بس أن شاء الله باجر بتعودين يا هلا والله بأهل السعوديه

مرحبا مليون ياهلا بك
تسلمين

**مس مزيونه** · 2011-05-06, 10:46

هلا بج فبلدج الثاني الامارات

طبعا نحن نفس عاداتكم وتقاليدكم بس ماقالت لج الاخت انه الجلابيات المخوره هاي العروس تقريبا تكون لابستنها يعني لما تطلع يدم هله وجذا

**ايام حلوة** · 2011-05-06, 11:15

الله يوفقج الغاليه

**الحلوه 2011** · 2011-05-06, 11:59

مرحبابج الغاليه في بلادج
ختيه هل الامارات بيكرمونج بطيبتهم واصلهم الطيب ولا تحاتين
ان شاء الله بترتاحين عندنا في البلاد

**نم نم مي** · 2011-05-06, 12:01

السلام عليكم ..

لا إله إلا الله ..

مرحبـــا بج أختي الفاضلهـ بالإمـــارات وإنتي ما رحتي بعيد بحكم الجوار والعادات والتقاليـــد ولله الحمد وحده ..
وأنــــا أعرف السعوديـــات كشيخــــات من تحت العبـــاه الساتره المحتشمه ..
كثري من الجلاليــــب أي الدرعات ..
خذي راحتج وبعون الله بتتعودين سريع ..

حفظج ربي أينما كنتي ..

**{ آحلى دلع ..** · 2011-05-06, 12:29

هذي مخـ’ـوره ..

بس طبعآ الديزآينآت تختلف وفيه آرقى عن جي بوآيـ’ـد ..

بس عطيتج مثآل ..

والرمسه لآتنسين تدرجين حرف الـج مثلآ آخبآرج بدل آخبآرك

هذآ آللي يحضرن’ـي حآليآ

موفقه

الموضوع: عروس جديده؟؟؟

أدوات الموضوع

عرض

العرض المتطور

عروس جديده؟؟؟

المزيد من آخر المواضيع من نفس القسم:

المواضيع المتشابهه

عروس جديده محتاجتكم اخواتي ساعدوني

عروس وتبين توزيعات جديده ادخلي وشوفي

عروس جديده

عروس جديده محتاره وحايسه بالتجهيز؟

عروس جديده تبي مساعده منكم