ليتني ماتزوجت

**روح الزعامه** · 2011-05-05, 18:51

مرحبا بنات

شحالكن ربكن بخير وسهاله

اممم حبيت أخبركن مشكلة ربيعتي حليلها غامضتني

الله يسلمكم ربيعتي بغت تسوي حفله لريلها عند أهل ريلها وكذا وحده قالت سويها بينج وبين ريلج وعاد الحبيبه قالت بفاجىء ريلي وسارت وحجزت بفندق ؤخذت له هديه من باريس غاليري وحجزت له كيك وباقه من المؤل لأنه عدال الفندق المهم ريلها مسولها حساب في البنك وفيسا كارد كل ماتسحب ولا شيء يطرشون مسج لريلها المهم

قبل كمن يوم اتصلو به الفندق وقالو شيء حجز واتصل بها وقال لها جان تقول حجزت لاختي المهم عسب ماتحرق المفاجأة

البارحه راحت الصالون وتعدلت وتحنت وهو ياي اليوم من الدوام المهم بعد مارجعت من الدوام قالت له ممكن تخطفني ع المؤل قالها لا أنا أبا أسير عند هلي المره اليائه تمت تحايله بس ماشي فائدة وعقب قالت له أنا حاجزه وأبا احتفل وياك قام عصب وسبها وسب أهلها ويزاعق بصوت عالي خسرتي الفلوس ع شيء تافه تحجزين في منطقتنا شو فرقت هناك غرفة وهني غرفة وتمت تحاول معاه تقول جرحن إهان كرامتي وأنا عذرته قلت غضب عشان الويكند بس أهله مابيطيرون هذا يزاتي أسويلك حركات ومخبره الفندق يرتبون كل شيء المهم قالها أباج ترجعين الفلوس و راح عند هله وشلها قالها أباج ترجعين لي الفلوس خلال يومين يبي من هلج ولا بيعي ذهبج وهي وحليلها ماتوقعت منه أبدا تحرته بيستانس والله تصيح تقول معاملته معاها زفت هاليوم

الله يعينها هي تحبه وهو يموت فيها بس اليوم وحليلها تقول كرهته كان خاطري أموت ولا اشوف هاليوم

وفوق هذا كله راح قال حق نسيبه سير انت وحرمتك أنا حجزت ومابا أسير قهر والله

تبا رأيكم شو تسوي معاه مايعبرها ومعاملته جافه قدام هله

حبيبتي والله الله يعينها •

السموحه إذا الكلام هب مرتب لأني داخله من البيبي

المزيد من آخر المواضيع من نفس القسم:

**شيكي** · 2011-05-05, 18:58

الله يهديه كسر خاطرها فقيره

**umsa3ed** · 2011-05-05, 19:03

الله يهديه شكله بديوي وبخيل مب ويه حركات ودلع مسكيه كسر بخاطرها

**el_k7eela** · 2011-05-05, 19:07

حرام موقف فضييييييع
بس بعد سبحان الله يمكن خيره

**meme111** · 2011-05-05, 19:11

قهرني لو بدالها عسب ما احس بالقفطه برقد في الفندق و بقص الكيكة و بصورها و بطرشها له و بقله ما تبى خخخخخ

**منطوووق قلبي** · 2011-05-05, 19:18

انا بعد بسوي شرات meme111 .. حرام كسر بخاطرها مسويه له وتبي تدلعه وآخر شي والله ما ابي ولا ردي بيزاتي .. حراااااااااااااااااااااااااااااااااام والله ما اتخيل عمري بمكانها ..

**class_lady** · 2011-05-05, 19:21

خخخخخخخخخخخخخ شكله زطي ولح وما يخصه فهسوالف لو انا اسوي جي ريلي بتم يحب ريولي طول الليل شوووو هاااا والله تكسر الخاطر وحليلها بس هذا درس عسب لا تعطيه ويه مرة ثانية هذا اتسويلا صينية عيش ولحم اتسدا حق نكست تااايم

**مجنونة و تجنن** · 2011-05-05, 19:21

عفان الله
يحليلها شو سوت كفرت و لا شو
اللي هي مفاجأة صغيرة جزاتها الفقيرة
الله يهديه و يصلحه

**العنود 666** · 2011-05-05, 19:25

الله يعينها صدق قهر

**مشوطه** · 2011-05-05, 19:28

اوووويه حراااااااااااااااااااااااااااااااااااااااام كسر خاطرها بس هب حلوه الحركه ان سيري ورجعي الفلوس
لو بدالها برجع له الفلوس وفوقه كرت الفيزا

**عالية الغالية** · 2011-05-05, 19:39

عنبو يبغي بيزات

وبيخلي نسيبه يسير يبات

تعطيه بيزاته وتخلي حد من طرفها يسير والا تكنسل الحجز بكبره ونفاد البيزات

**يدوه صغيره** · 2011-05-05, 19:52

عافان الله

بس حرااااام والله ما يرزى عليها سوتله سربرايز مسكييينه والله

يمكن ريلها زطي عافان الله

**$عيون عليا$** · 2011-05-05, 19:57

حراااام والله كسر بخااطرهاااا والله يعنيها

**Alya Sharjah** · 2011-05-05, 20:06

عنبوووووووووووووووو شو ها شح الي فيه صدق مايستاهل وماينعطه ويه

على عموووم الله يكون في عونها والله يصبرها عليه ^^

**بطاقه** · 2011-05-05, 20:10

شوفي اختي انا أعرف اثنين من أهلنا كل واحد منهم حرمته تسويله هالحركات

يعني هدايا وشموع وورود ويتلبسن وقص شعر وصبغات وآآآخر شي كل واحد منهم

سار خطبله وحده ، واحد خطب زميلته في العمل والثاني بعد خطب اخت ربيعه أعتقد .

الموضوع: ليتني ماتزوجت

أدوات الموضوع

عرض

ليتني ماتزوجت

المزيد من آخر المواضيع من نفس القسم:

المواضيع المتشابهه

ليتني ماتزوجت الزواج مرض وهم

ياليتنـــــــــــــــــــــــــــــي ماتزوجت ..!!!!!!!!!!!

الي ماتزوجت تعالي ((أباج بكلمه راس))