فندق بالعين

**دموع الشوق..** · 2011-05-05, 01:32

السلام عليكم ورحمة الله

اليوم بقولكم موضوع بصراحه استغربت منه ما ادري هل هو عادي الحين ولا انا مكبره السالفه لاني بصراحه اول مره اشوف هالشي المهم ..

من يومين سرت العين انا وريلي وتأخر الوقت علينا قلنا خلاص بنيلس بفندق ما بنمسك خط اخر الليل

المهم نزل ريلي يخلص امور الحجز وانا يالسه بالسياره ..فجأه شفت بنت لابسه عباه ومتغشيه طالعه من الفندق طبعاا بسرعه ركبت تكسي استغربت حسيت الوقت وايد متاخر وهذي بروحها وبعدين ما اهتميت للموضوع وايد .بعد شوي اشوف واحد ثاني نازل وبيده وحده لابسه عباه ومتغشيه قلت يمكن زوجته بس يا ناااس شكلهم ما يوحي ان هذيلاا اثنين متزوجين يعني الي عنده لابسه عباااااايه ضااغطه ع الجسم وااايد وهو شعره بيوصل ظهره من طوله ..المهم رجع ريلي ونزلت انا واشوف شباب داخلين وطالعين من الفندق بصراحه خفت وما تطمنت للمكان ودخلنا الغرفه واسمع كل شوي باب ينفتح بعد شوي صار عندنا ظرف وقلنا لازم نرجع واحنا نازلين انصدمت اشوف بنات متغشيات ولابسات عبايه وقصير من تحت ريولهن تبين وراهن شباب طالعين فوق ..ودخلت الثاانيه هي واحد مواطن سكران وكانت متغشيه وتقوله بسرعه نبا غرفه والله اني خفت ومسكت ريلي واقوله بسرعه خلنا نطلع واول ما طلعنا اشوف شباب متجمعين وكل شوي واحد يدخل .. يوم سألنا تعرفوووون شو طلع هالفندق ارخص فندق بالعين ومكان ........ استغفرالله .والله اني حمدت ربي اني طلعت من هالمكان وكان خاطري ابلغ عليهم ..انتوا لو شفتوا اشكالهم بتخافوا ما ادري هل الموضوع عادي ولا شو صاير بالدنيا .

المزيد من آخر المواضيع من نفس القسم:

**سوارة** · 2011-05-05, 01:37

**mousy** · 2011-05-05, 01:49

حبيبتي من الأفضل أنج تبلغين ,,, قولي للشرطة إللي شفتوه وهم بيقولولكم حزتها هالشي عاادي وإلا مسموح فيه في الفنادق

عني أنا أشوفه شي كبيييير الصـــرااااحة ,,,, بس ما أدري شو نظام وقوانين الفنادق في الدولة

الله يـــعين بس

**دموع الشوق..** · 2011-05-05, 02:05

وانا نفس الشي الي اعرفه ما يعطوون غرف لحد ما يتأكدون الي معه زووجته ولا ...بس انصدمت عادي بالمره يعطووهم غرف

**zezenya** · 2011-05-05, 02:54

الله يهدي شباب المسلمين

**bellegirl** · 2011-05-05, 03:38

لا حول ولا قوة إلا بالله

بلغي أختي وسوي الي عليج

والله يهديهم ويصلح حالهم

**أم عبادي وحسوني** · 2011-05-05, 07:04

عندنا وعندكم الخير

الظاهر في تشجيع لهالسوالف ومحد يتكلم الكل يدري بس محد يتكلم مب عارفه ليش

**اليامي مريامي** · 2011-05-05, 08:35

المشاركة الأصلية كتبت بواسطة أم عبادي وحسوني

عندنا وعندكم الخير

الظاهر في تشجيع لهالسوالف ومحد يتكلم الكل يدري بس محد يتكلم مب عارفه ليش

**bissanza** · 2011-05-05, 07:46

لا حول ولا قوة إلا بالله

**M!SS UAE** · 2011-05-05, 07:48

الموضوع ماينسكت عنه ..لو بلغتوا الشرطة كان احسن

**العنود 666** · 2011-05-05, 07:52

استغفر الله

**علـآآآيه** · 2011-05-05, 08:16

الله يهديهم
><

**سرب المعاني** · 2011-05-05, 08:23

غريبه فنادق دبي مايعطونج غرفه الا اذا يبتي اثبات اذا انتو اثنينه اما اذا عايله يطلبون الجاوز او الهويه

**بنت قانون** · 2011-05-05, 08:45

اختي لازم تبلغين اقل شي تقديرين تسوينه دام ان الفنادق ما تعطي الغرف الا للمتزوجين ><

هده ابسط شي تقدرين تسوينه و تنهين عن المنكر
و ان شاء الله الشرطة ما بيقصرون يمكن يسون لهم كمين و بيمسكونهم ان شاء الله

**@shosho@** · 2011-05-05, 08:46

اختي ارجو عدم السكوت على ها الموضوع وساهمي في حله الله يجزيك خير

الموضوع: فندق بالعين

أدوات الموضوع

عرض

العرض المتطور

فندق بالعين

المزيد من آخر المواضيع من نفس القسم:

المواضيع المتشابهه

سؤال بخصوص فندق القصر - دبي مول .. & فندق العنوان مرسى دبي

فندق الخالدية بالاس او فندق روتانا بيتش لويكند لا ينسى ...~

شو رايكم في فندق ابروتيل ميرامار شاطى القعه و فندق كونكورد

{ فندق دار زايد للشقق المفروشه - أول فندق عربي في بانكوك ~