تجربتي!؟!؟!

**القلب الماسي** · 2007-07-15, 02:04

أخواتي بنات المنتدى الغالي فكرت اكتب هالموضوع والسبب اكثر من تجربة مريت بها مع محلات واماكن تعاملنا معهم ،وحبيت اطرح هالمواضيع عشان الكل يستفيد وممكن اي وحده عندها مداخلة لنفس القضية تفيدنا من تجربتها ،، انا الصراحة تعاملت مع شركات مختلفة ومحلات متنوعة وحست اني انقص علي ومريت بموقف نصب واحتيال ، ما اعتقد ان في اي غلط من ناحيتي بالعكس الانسان دايما يتحرى الحرام والحلال ، ويبتعد عن الشي المشكوك فيه او ممكن يسبب لها مشاكل...

اكثر من تجربة مريت بها فعلا وضايقت بي وايد،، وحابة الكل يشاركنا برايه ،ونفيد غيرنا عشان ما يمر بنفس الموقف ،

الموقف الأول:
مكتب للخدم في عجمان..
في البداية طبعا دخلنا للمكتب وهو في منطقة تزدحم فيها مكاتب الخدم من مختلف الجنسيات، اخترنا الخادمة الفلبينية من نفس المكتب عندهم اكثر من قسم واكثر من موظف ، كان تعاملنا للأسف مع شخص مواطن واكد لنا كفاءة الخدم اللي عنده وفترة الضمان اطول وسرعة وصول الخادمة وجميع المواصفات المغرية، على طول بدون تردد اخترناها وبعد اسبوعين استلمنا الخادمة، من المفاجآت ان تعليمها متوسط ونحن كنا طالبينها جامعية مثل البيانات الموجودة في الطلب، والعمر مختلف، واشياء ممكن بعض الاشخاص يسكتون عنها، المهم كانت عندنا خادمة ثانيه رفضت تشتغل عندنا بعذر ان البيت كبير وهي ما تقدر عليه بالرغم من وجود عاملات ثانيات معاها ، طلب صاحب المكتب استرجاعها للمكتب مقابل خادمة ثانيه بالرغم من انتهاء فترة الضمان بنصف شهر فقط (شكله مرتب معاها) وصلنا للمكتب برفقة الخادمة الثانية خذها عنده باليوم الثاني سلمنا الخادمة الثانية بس كلامه تغير قال لا لازم تدفعون نص القيمة بالاضافة الى..... والى.... ( المهم اخذ تقريبا 3000 درهم) يعني هو ربح خادمة مجانا و3000 درهم ، اللي قهرني صراحة كان يسأل الخادمة السابقة عن الاشياء اللي كانت اضيقها في البيت وهي تخبره عن اسرار المفروض ما تطلع من البيت ، بعد كم يوم اتصل وطلب نقل للكفالة واكتشفنا ان ورانا مصاريف ثانية وان الخادمة اللي عطانا اياها كانت اساسا مشتغلة في الامارات بس هي طلعت من بيت كفيلة لانها تتعرض للضرب ( طلع كل شي جذب) طلب اجراءات ثانية وصرفنا عليها حوالي 2000 درهم اضافية مع الفحوصات اليديدة للخادمة مره ثانية وهي تقريبا ب 1000 درهم.. \\ صاحب المكتب ما صرف ولا درهم ..
اكتشفنا انا الخادمة اللي عندنا من النوع اللي لسانها وايد طويل وتفهم كلامنا عدل يعني مشتغلة فترة طويلة ، بس المفاجأة الاكبر ان الخادمة شردت بعد شهرين بالضبط، وقدمنا بلاغ بالشرطة
اتصلنا بصاحب المكتب وخبرناه بالرغم انه كان يقول هاي خادمة فقيرة وعلى ضمانتي الشخصية وهي محتاجه للشغل وللفلوس ومستحيل تسوي مشاكل ،طلعت عندها ربع وشلة كبيرة وموبايلات اثنين وسبق الها الشغل في بوظبي وشردت ورجعت للمكتب، وبعيدن لصقها لعائلة في دبا اشتغلت بعد كم شهر وشردت ، وبعدين بلانا احنا فيها وشردت، بعد فترة اتصل وقال الخادمة اتصلت بالمكتب وتقول ما تقدر تشتغل عندكم وانا اتمنى انكم تسوون الها كنسل بدون حرمان عشان حرام خلوها تترزق وراها عائلة تعيشهم

_ رفضنا طلبه طبعا وخلصنا اجراءات الكانسل والحرمان لانها وحده مثل هذي ما تستحق تعيش في بلادنا ولا ندخلها بيوتنا، ومثل هالمواطن ما اتمنى له التوفيق في عمله لانه ينصب على المواطنين ويستغل طيبتهم ، يعني من وراء خادمة وحده ربح اكثر من 12 الف كله نصب واحتيال على الناس يرتب مع الخادمة تشتغل الى ان تنتهي فترة الضمان وتشرد ويروح يعطيها لعائلة ثانية ونفس الكرة لكل حد يروح عنده المحل ....
الله يسامحه
خواتي عندي تجربة ثانية مع محل ما اتمنى تمرن بنفس الموقف لانه كله غش ونصب
اتمنى اسمع مشاركتكن وردودكن

الموضوع: تجربتي!؟!؟!

أدوات الموضوع

عرض

العرض المتطور

تجربتي!؟!؟!

المزيد من آخر المواضيع من نفس القسم:

المواضيع المتشابهه

مريتي بتجربة اجهاض ... خبرينا عن تجربتي وشوفي تجربتي انا...

تجربتي ...