nail art مع دبي العز << تصويري

[دبي العز]

السلام عليكم ورحمة الله وبركاته


شحالكم بنوووتات ؟ عساكم بخير وصحة وسلامه؟


من فترة طويلة وانا ودي احط هالموضوع بس اخر شي اغير رايي بس بما اني نزلته في منتدى ثاني قلت بنزله هني بعد مره وحدة

و ماكان لي مزاج للفوتوشوب وترتيب الصور بس الا غصب <<< ليش انزين خخخخخخخ

المهم ولله الحمد والشكر خلصته وبحط موضوعي


اول شي وقبل كل شي قولوا ماشاء الله لا قوة الا بالله تبارك الرحمن

فن الرسم عالاظافر صارلي 4 سنين وفوق وانا اتعلمه واحاول اتفنن فيه والحمدلله وصلت مرحلة اني اشوف نفسي اقدر اطبق كل شي الحمدلله واعشق هالفن بشكل جنوني << بس الحين مسويه طاف شوي طايحة بالمكياج خخخخخخ


كان ودي اصورلكم اغراضي بس جد تعايزت لان مجموعتي كبيرة فوووووق الــ 200 صبغ وغير باقي الادوات ... واصلاً الفترة الاخيره شوي اغراضي طايره يمين يسار خخخخخخ

الصور مب يديدة وفي اليديدة الي ماصارلها اسبوعين في صور لقبل 3 سنين يعني طوفوا بعض الصور

وفي صور ظفوري طويله فيهم قمة القرف اللهم لا شماته ما ادري كنت ماخذه مقلب بنفسي ما ادري كييف كنت مطولتنهم جييييه بس الحين الحمدلله قصار

وفي صور مب لايدي بس كل الصور لشغلي انا

اصلاً في واييد اشياء حلوه سويتها وما صورتها اصلاً كنت مستهينه بهالشي ليين ما شفت اعجاب الناس والكل يسألني عن ظفوري ويمسكوني البنات وانا امشي وصدقت عمري


<<<<<<<<<< ما بتخلص سوالفها


المهم بحط الصور بس قبل لازم احط ملاحظاتي المهمة

ما احلل اي وحده تصرق الصور او تستغلهم << مشخبطة عالصور من بياخذهم خخخخخخخخ
وحرام عليها الي تنقل موضوعي << مصدقه عمرها
وما احلل بعد اي وحده تتعلم او تستغل موضوعي في ما لا يرضي الله وجدام الرياييل ......ألخ

وانا مشخبطة عالصور لا بعد مب مموهه مب متفيجه خخخخخ عشان سبحان الله اذا دخل واحد من الجنس الغير لطيف بعد ما يندرى يعني ما تكون في فتنه ان شاء الله <<< عدال خخخخ


المهم خلصنا سوالفنا نبتدي

بتلقون اني مستخدمه في صورتين شي اسمه nail foils الظفر العاكس مثل ما تسمونه
في عضوه في المنتدى توفره حبيت تشوفون تطبيقي لهالشي وتفهمونه اكثر اسمها مشاعر انثى


يالله بعد مره ماشاء الله << ذلت الناس مب موضوع هذا












<<< كله ولا صور محمد بن راشد الا مطلعتنها ما اقدر اشخبط على ويه ما يطاوعني قلبي الله يحفظه ويخليه لازم يكون موجود ينورلي موضوعي




واترقب رايكم بشغلي واسمحولي على سوء ترتيبي وتظليلي للصور واللخبطة شوهت المنظر خخخخخخخخخ

المزيد من آخر المواضيع من نفس القسم:

• كل ما تحتاجين لمعرفته عن عطر كلوي نرسيس...
• حل مشكلة تكتل كريم الاساس بخطوات بسيطة وفعالة
• خطوات تطبيق مكياج شتوي ساحر للسهرات
• اخطاء في تطيق البرايمر انتبهي لها
• طريقة عمل مزيل مناكير طبيعي في البيت حصري
• طريقة عمل منظف فرش مكياج سهل وفعال في المنزل
• طريقة عمل منايل ازالة المكياج في البيت
• كيفية تنظيف فرش المكياج بفاعلية
• خطوات بسيطة وفعالة لتثبيت العطر
• نصائح هامة قبل شراء العدسات اللاصقة