شو ممكن يكون ؟؟؟

**أمونة2008** · 2011-04-18, 00:32

السلام عليكم بنات

أنا حامل الحين في الشهر السابع ومن امس ياني ويع فضيع في بطني نفس المغص أعلى المعدة وفي ظهري على الينبين اليمين واليسار تقريبا نفس ويع الدورة وطبعا مب طلق لاني أعرف كيف ويع الولادة

أنا توقعت ان جرثومة المعدة ردتلي مرة ثانية عقب ما تعالجت منها قبل لا أحمل لانها تقريبا نفس الأعراض
وأحس ان بطني متروس ومالي خاطر أكل غير الغازات والاصوات اللي أسمعها من بطني وأحس بلوعة وفيني حرقان اييني بس حزة النوم

انزين سؤالي منو استوالها جي وشو طلع السبب؟
شو ممكن أسوي عشان أخفف الويع لانه فضيع وما أقدر أنام منه؟
أنا فكرت اني اخذ (خيلة) لانها وايد فادتني قبل بس لاني الحين حامل فأخاف اخذها
واخر شي أقدر أحط على بطني ماي حار لاني يوم تسبحت ورشيت بطني بالماي الدافي حسيت الويع راح بس عقب ردلي

المزيد من آخر المواضيع من نفس القسم:

**FoOo** · 2011-04-18, 00:45

اذا الوجع فوق ممكن يكون من المعدة

**الزوجة البارة** · 2011-04-18, 00:46

الله يشفيج اختي ..انصحج اتسيرين العيادة ..

**um 7am00dy** · 2011-04-18, 00:51

حاولي تمتنعين عن اكل السبايسي واي شي حاار والليمون والحوامض

وبعد وانتي تاكلين خلي عدالج دبة ماي بعد لقمه او لقميتن تشربين ماي

وو ماتشوفين شر والافضل تسيرين المستشفى

**نسيم الشرق 99** · 2011-04-18, 00:57

اشربي سنوت وميثيبه..مسكن مركز للمعده وطارده للغازات..

**أمونة2008** · 2011-04-18, 15:26

بنات أنا من كثر الألم تهورت وخذت كسرة صغيرة وايد من الخيلة والحين الحمدلله الويع راح ولا كانه فيني شي
بس خايفة على البيبي واليوم انشاءالله بروح اتطمن عليه ادعولي

**أمونة2008** · 2011-04-18, 15:26

مشكورات خواتي على ردودكم الطيبة ومروركم العطر

**ام هزاع و غلا** · 2011-04-18, 17:00

للرفع

الموضوع: شو ممكن يكون ؟؟؟

أدوات الموضوع

عرض

العرض المتطور

شو ممكن يكون ؟؟؟

المزيد من آخر المواضيع من نفس القسم:

المواضيع المتشابهه

هل ممكن يكون عين ولا حسد ؟؟!!

السونارالملون ممكن يكون فيه غلط

ممكن يكون الجديري.......؟

::::::هل ممكن يكون هذا هو السبب؟؟؟؟:::::::::::