مشكلتي عكج اختي Dubai's pearl

**نبضي استغفاري** · 2011-04-17, 22:21

هلا خواتي انا شفت موضوع الاخت عن اللي يحكمون على مظهرها انها راعيه شردات ع كلامهم

انا مااحب موليه ان اتمكيج اذا طلعت حتى كريم ولا جحال مااحط احس انه مايجوز واكد لي هالكلام لما سمعته من الشيخ محمد العريفي

بس معاناتي مع امي ان لما ابا اطلع بعباه وشيله سودا وبدون نقطه مكياج تضاربني والسبب ان تبا احط كريم وجحال والبس شيله ملونه اقولها حرام مايجوز تخيلي وانا لابسه جي اموت وربي يقبض روحي كيف بقابله تعصب وتقول ليش تخلين عمرج عيوز ومب مثل بنات جيلج ولما تشوف ربيعاتي لما يون يوقفون عند الباب اسلمهم اغراضهم تقولي شوفي فلانه كيف كاشخه مب انتي اقولها فلانه وعلانه يايات بالسياره ومخفي ومب رايحات مكان مكشوف وحتى لو رايحات هن احرار انا مقتنع بشكلي جي

والحمدلله لما اسير عرس ولا حد من ربيعاتي او ربيعاتها اكشخ والبس اذا بسياره اخوي شيل ملونه كشخه واحط مكياج

بس دوم امي تردد ان الله جميل يحب الجمال اقولها امي مب بالحرام مب استعرض للرياييل

كفايه الذنوب اللي علينا نروح نزيدها بعد

بنات هل انا غلطانه؟

المزيد من آخر المواضيع من نفس القسم:

**وفــــــيه** · 2011-04-17, 22:26

اختي تمي على الي يرضي الله ويرضيج
ربي يسعدج ويوفقج ويرزقج بولد الحلال اللهم اميين

**حبيته بجنون** · 2011-04-17, 22:33

لا طاعة لمخلوق في معصية الخالق

**جوزفين مارش** · 2011-04-17, 22:36

انتي الصح أكييد ،،، بس لاتستغربين من الوالدة ترا في واايد أمهااات مثلهااا ودايما قوليلهاااا وذكريهاا بالدين ورمسيها بالزين الغاليه ،،،، تدرين توني فهمت عنوان موضوعج انتي قصدج عكسج صح ههه تراني كنت اقول شو يعني عكج هههه

**bellegirl** · 2011-04-17, 22:54

لا حول ولا قوة إلا بالله

غاليتي

يقول الرسول صلى الله عليه وسلم : ( لا طاعة لمخلوق في معصية الخالق ) حديث صحيح

أمج على العين والراس

لكن انها تحثج على الغلط أختي

ارفضي بكل احترام

وانتي الصح والباقي غلط

- قال رسول الله صلى الله عليه وسلم:
(سيأتى زمان على أمتى القابض فيه على دينه كالقابض على جمرة من النار )

خليج منهم غاليتي

ولا يهزج كلام الناس مهما كانت قرابتهم

وأمـج الله يهديها ويوعيها

لو عرفت قيمة ديننا ما قصرت فيه

**درة دار زايد** · 2011-04-17, 22:56

ما اشوفج غلطانه
الله يثبتج عزيزتي =)

**أم خلوفي..~** · 2011-04-17, 22:58

فدييتج والله خلج مثل ما انتي ^^

وربي يوفقج ويرزقج بالزوج الصالح يارب

و الله يهدي امج ان شآءآلله ..~

**سمية عبدالله** · 2011-04-17, 22:58

انا مااشوفج غلطانه
ولاطاعة لمخلوق في معصيه الخالق

***أم شهد*** · 2011-04-17, 23:01

الله يثبتج ،،،، ويهدي الوالده ،،،،

**يارب وفقني** · 2011-04-17, 23:02

صدقتي والله
بصراحة البنت اللي تتمكيج وتتعطر وتكشخ وسايرة السوق بصراحة موو محد يحترمها
حتى لو شافت نظرات الاعجاب دائما الواحد لمن يشوف وحدة متسترة وخايفة ربها في ادق التفاصيل يحترمها
ومااقول هالشي عسب الناس لا والله عشان اعمارنا
الوحدة تكون مرتاحة من داخلها وخايفة ربها حتى لو الوحدة ماتقصد شي تراه حرام وواضح في الدين
المكياج والعطور والشيل الملونة والعبي اللي لها قصات ليش كل هالشي !!!!!!!!!!!!!!!!!

وفي النهاية قبر وحساب الناس ماتستاهل نقعد نيمع سيئات وكل من هب ودب يشوف كشختنا
اللي يستاهل واللي مايستاهل ليش البنت ماتحافظ على عمرها وتتقي ربها
والله يوفقج اختي

**بنت الشوامس 2** · 2011-04-17, 23:02

كفو عليج ^^ اناا ويااج

**فجر_دبي** · 2011-04-17, 23:35

عيني عليج بارده يالغلا...

**ashash** · 2011-04-17, 23:36

مااا شاءالله عليج ^^

و اكييييييد مب غلطانة

الله يثبتج يا رب ^^

**Qalb7sas** · 2011-04-18, 00:19

مشاءالله علييييج بارك الله فييييييييييييييييج حياتي

والله يكثر من امثاااااااالج ياليت كل البنات مثلج جان الدنيا بخييييير

والله يهدي الاخت Dubai's pearl

**ريتااااال** · 2011-04-18, 00:35

ربي يرزقج الجنه على صبرج

الموضوع: مشكلتي عكج اختي Dubai's pearl

أدوات الموضوع

عرض

مشكلتي عكج اختي Dubai's pearl

المزيد من آخر المواضيع من نفس القسم:

المواضيع المتشابهه

مشكلتي مع اختي