ما اعرف البس

**Ms anime** · 2011-04-16, 08:42

مرحبا اخواتي انامحتاجه مساعدتكن ابغي اعرف شو البس تحت العباه المسكره انا البس ملابس البيت واحس هالشي يبين للناس اني متينه وايد و غير مرتبه, ما اعرف شو البس ابغي شي مرتب وعملي على فكره انا البس عبي استرج ساده وانا متينه ا, ويوم اسير السوق ما اعرف اشتري من محلات او من سبلاش وغيره دخيلكن يعني الوحده المفروض شو تلبس من فوق مثل القمصان وغيره؟ وشو تلبس تحت ؟
دخيلكن لو في مواقع تعلم الواحد كيف يلبس تطرشلي و لو في صور بعد حطو خلونا نفيد ونستفيد

المزيد من آخر المواضيع من نفس القسم:

**دلوعة البابا_20** · 2011-04-16, 09:08

ملابس البيت ما تلم الجسم وها غلط يطيحون فيه كل المليانات باعتبار انها اريح وما تضايق بس تبين الجسم احسن شي تلبسين بناطلين جينز تحت العباه ويا تشيرتات او بديات طبعا العباه المسكره وابتعدي عن العبي الستريج امممم لو حلوه باللبس بس ما بتكون حلوه عليج تدرين اصلا الضعاف السلق يوم يلبسونها تبين مفاتنهم فكيف وحده مليانه وانا بصراحه ضد هالعبي ما تعيبني المحلات سبلاش وغيره عندهم سايزات كبيره بتحصلي لبس حقج عندهم ورووعه بيطلع عليج يعني حاولي تاخذين قمصان طويله لبس كويتي يعني تدرين ما شاء الكويتيات اغلبهن مليانات بس لبسهم يطلع عليهم حلو العبي ممكن تاخذين اللي فيهم شغل عالايد انعم ممكن تلبسين سلاسل طويله عالرقبه عالعبي الساده الهاينك بيطلع شكلهم كيوت اكسسوارات سوع طقمي الشوز ويا الشنطه والاكسيسوريز حاولي دايما تلبسين كعب يعطيج طول ويضعف البسي بديات ما تكون ضاغطه على اي جزه مليان من جسمج عشان ما تببين طبقات دايما البس مشد اندونيسي او كورسيه تحت اللبس ترى غير انه ينحت الجسم يساعد استخدامه انه يضعف هالمناطق وشورت ضاغط اذا عندج مشكله فالارداف وفوق ها البسي لبسج العادي ويفضل بناطلين بيبين جسمج احلى واهم شي اذا كان عندج تركز شحوم فالظهر انج تختارين الستيان المناسب يعني ممكن يكون صدرج صغير بس محيط الظهر اهم شي ويفضل تاخذين مقاسج الانسب عند محلات الملابس الداخليه البنت بتقيس لج وبتقول لج انسب سايز جيه بتكونين خشيتي اغلب الديفوو اللي في جسمج وطلعتي انيقه وشيك وكلاس اخفي عيوب جسمج بالميكب الخفيف الناعم العبي بالفونديشن اذا كان ويهج مليان يعني لون اغمق مكان الفك وعند الخشم اذا لايت كلر على الخشم نفسه عظمتي الخد حاولي تبرزينهم بطريقه حلوه ابتعدي عن الالوان الغامقه خلج عالفواتح ويفضل احطين بس بيس تحت الحواجب ولون فاتح جدا ايشدو والاكسسوريز الشنطه والشوز دااايما يعطون منظر انيق ويغطون على عيوب الجسم ان شاء الله اكون فدتج واي شي ثاني حاضرين

**فيتامين سي** · 2011-04-16, 09:17

الله يعينج ويعينا ع هالمتن ههههههه

شوفي الغاليه العبايا الاسترتش دوم تلصق ع الجسم وتبرزه وتخلي يبين متنج

غيري عباياج لبسي عبايا انترنت مع استرتش يعني حطي بالاكمام استرتش والعبايه انترنت

وخليها شويه فضفاضه عليج لاتخليها مخصره وايد

شوفي اذا المتن في ايدج خلي الاكمام وايد واسعه ولابتبرز متن ايدج واذا المتن في الارداف خلي العبايه اكمامها ضيقه وتحت واسعه

ودامج تلبسين عبايه مسكره عاادي تلبسين ملابس البيت

جلابيه ولابجامه بس اذا بتسيرين زياره حق حد لبسي شي حلو مثل تنوره وقميص وجيه اكشخي

ركزي ع الالوان الغامقه مقل الازرق الغامق والبنفسجي والاسود

هذي الالوان تخلي جسمج مايبين عليه المتن وايد

هذا اللي اعرفه وسموحه منج غلايه

**Ms anime** · 2011-04-16, 09:23

ماشاء الله عليكن الصراحه حبيت ردودكن و عندي اساله وايد خاطري اسال

**نوف الطائي** · 2011-04-16, 10:07

ما اعرف شو تحبون في العبايات السترتج
انا مول ما اادنيها من رغم جسمي الحمد لله لا ضعيفه ولا سمينه بس في الكم مرات
وبالاخص البنات السلك هي ضعيفه و تلبس ستريتج بتضعفها زيادها احسها بنتقطع هههههه

حياتي فديتج لا تلبسين السترتج مثل ما اقالو البنات والبسي تحت العباة بديات تلم الجسم تضعفه احس و بناطلين دام عباياتج مسكره و حاولي تلبسين مشد اعرف انه ممل بس تحملي اهم شئ الحلاة هههه
ولا تلبسين عباياة وايد ضيقه ولا وايد عريضه الضيقه تبين طبقات الجسم السمينه والعريضه تسمن اكثر
البسي شئ مناسب وحسب اماكن السمن الي عندج

واي سؤال اسالي غناتي

**حــــلاوه** · 2011-04-16, 10:16

للرفع

**βĔŇt ûǻĘ** · 2011-04-16, 10:18

ربي يوفقج اختي

**دلوعة البابا_20** · 2011-04-16, 10:21

صح نسيت اقول احسن شي العبي البحرنيه والفراشه تكون وسيعه وما تبين الجسم واللي تكون ستريج عند الايد والفراشه اللي تكون ملمومه عند الصدر وتحطين عليها بروش هاي صج تضعف

**sakura-san** · 2011-04-16, 11:19

البسي تي شيرت وتنانير ولاتلبسين العبي الاستريش وحاولي بعد تخففين من وزنج لان في موديلات حلوووة وصعب تلقين بالسايز الكبير

انا كنت شراتج البس كنادير البيت واطلع منتفخة بس عقب مانقصت قمت البس تي شيرت وجينزات والعباءة مصكرة وسادة

**حبة البركة** · 2011-04-16, 11:24

ههههه بعد يباالة موضووع اختي لبس تحت العباااة شو ينلبس لبسي اي شيء

**~شوق~** · 2011-04-16, 12:09

احلى قصات وماتبين المتن

قصه السمكه
جربتهااا تخليج ضعيفه ^^

ومثل ماقلن العبي البحرنيه بعد حلووه فضفاضه
اما الاسترج مادري شو تعجبكن فيهااا
عباه كلها استرج تبين الجسم صدج هذي وعيوبه
طبي هالنوعيه

كلما كان نوعيه القماش ثقيله كلما كانت غطت ع الجسم ومابنت المتن
اذا تحبين الاسترج بس سويه ع اليدين من الرسغ لين الكوع

تره يبين المتن الاسترج

وصح والملابس لي تحت العباه البس جلابيات نص كم احلى شي خاصه ع شكل حرير مريحات او قطن
والسموحه منج

**بنت بحور** · 2011-04-16, 15:43

تحت العباه المسكره الغالي عادي البسي اي شي مريح دام انج مابتفصخينها بس اذا بتفصخينها البسي لج تنوره حلوه او كويتي حلو ..

الموضوع: ما اعرف البس

أدوات الموضوع

عرض

ما اعرف البس

المزيد من آخر المواضيع من نفس القسم:

المواضيع المتشابهه

مشكلتي ما اعرف البس كعب كل نعولي فلات اهىء اهىء :"(

ساعدوني ما اعرف شو البس في عرس أخوي

ساعدوني ما اعرف البس ولا اكشخ شو اشتري

بناات حفلت تخرجي يت وما اعرف شو البس؟؟؟؟ساعدوني

ابى البس عدسات ملونه بس ما اعرف اي لون ممكن تساعدوني؟؟؟