ما عرف شو مشكلتي في الحياآة

**MisS.Katkota** · 2011-04-15, 20:25

السلام عليكم ورحمة الله وبركاته

بدش عالموضوع على طول

ما عرف شو مشكلتي في الحياة !
انا واآيد ألف وآدور ، اصلا ما عرف بالاساس انا شو آبغي بالضبط ، وهالشي مسبب لي حساسية ويا بعض الناس ، وينآكل حقي مع معظم الناس ..وانا وايد وايد وايد ينقص علي من الناس اللي كلامهم معسول ويعرفون يلعبون بالكلام ،!

بعطيكم آمثلة مع الاشياء اللي تسويلي حساسية ويا الناس
\
مثلآ انا اخويه كل مرة ياخذ لابتوبي، بس ساعات اتضايج والله لان هذا لابتوبي وانا مب ملزومة اعطيه كل مرة ،! وهو من النوع اللي يلعب بالكلام ويقنعني لييـــــن ما اقتنع ، بس والله عقب اندم ، لان الصراحة يتآخر وما يردلي بنفس اليوم ، وانذل عقب الصراحة لين ما احصله.!!والصراحة كم من مرة تميت ساكتتة على هالشي ..!! واليوم قالي نفس الشي يبغي لابتوب ،قلتله ما اقدر اعطيك مشغولة ، جان يقولي بعطيج لابتوبي وباخذ لابتوبج لان مب حلوة اودي لابتوبي جدام ناس " ترا هو عنده لابتوب بس مخترب ومتكسر شوي" ، فانا قلتله الصراحة ما احب اني استخدم لابتوبك وانته وايد تتآخر وما تييب لابتوبي بسرعة ، جان يقولي ها ما يسمونه عذر لاني ساعات يكون عندي ظروف عسب جي ما اقدر ارده بنفس الوقت !! وانا عقب اقتنعت بكلامه بس والله ما ابيه ياخذ لابتوبي ويتعود على هالشي ! احس ما اقدر اوصله هالمعلومة !!! اعطيه مليون عذر بس ما اقوله اني مب ملزومة اعطيك لابتوبي!

ومرات في البيت اكون جي يالسه يقولون لي تعالي اطلعي ويانا ، على طول اقولهم اوكيه ، مع اني اكون تعبانة وهلكانة

ويوم بديت ارفض ، يعني الحينة يوم بدوا يقولون لي فلانة تعالي اطلعي ويانا وانا ما ابغي اطلع بالاساس ، اقولهم وين بتسيرين ، يقولون مكان الفلاني عقب اقولهم ليش ، وهم يردون علي وعقب اقولهم ما اقدر ، عقب يزعلون ويقولون ليش ما اتقدرين اقولهم مالي نفس مع انهم يقنعوني وجي اقولهم مب متفيجة وعقب يزعلون يقولون لي عيل لا تلفين وتدورين مرة ثانية وتضيعين وقتنا

وحتى في المحلات ساعات ادش اقولهم كم السعر هالشي يقولون لي بالسعر فلاني اقولهم نقصوا وينقصون عقب اقول في خاطري انا مب محتاية حق هالشي اقوله خلاص ما ابي اشتريه ! وهم يستغربون

هالشي اللي يسوي حساسيات ويا الناس| لاني دايما اعطيهم اعذار لو ما ابغي شي بس ما اقولهم اني ما ابغي اعطيكم ..مب متعوده على هالشي احس بكسر خاطرهم لو عطيتهم كاش

الشي الثاني / حقي ينآكل وخصوصا في الدوام !

مسؤولي زلمة ,,انا من النوع اللي ما اتكلم وايد في الدوام ، بس الصراحة معروفة جدام الكل اني انا وايد شغولة وانا توني مكملة سنة ونص ، والكل يتمدح فيني ، بس الصراحة في الاونة الاخيرة لاحظت شي ما يعيبني .!!

يعني اشتغل على شغلة ...واكمل فيها ..وشغلي فيه تواصل ويا الناس والاقسام ، ومرة كنت غايبة ويوم رديت الدوام قمت اتواصل ويا الناس واكمل وياهم الشغل ، ولا اشوف مسؤولي يقولي فلانة لا تكملين لاني فلان ثاني بيكمل عليه !!!!!! (( انا انصدمت وتمييييت ساكتة وقلت اوكيه )) مع انه الصراحة ظلم ليش يعطي حق فلان وانا موجودة بكمل الشغل !!!

وتميت افكر مرة ثانية لو مريت بهالموقف جي بيكون ردة فعلي /
- مسؤولي بيقولي : بعطي الشغل حق فلان
انا برد عليه بقوله ليش؟ وهو بيقولي هو عارف الشغل عدل ويقدر يشتغل عليه وبيسوي احسن خلاص خليه يشتغل على هالشغل !!

بصراحة بيقنعني بجوابه ، بس لااااا هاي شغلتي انا بديت فيها ليش اسم واحد ثاني يروح عليه! بس الصراحة ما عرف كيف اوصله هالمعلومة البسيطة !! وخصوصا انا ما احب اشتغل على شي وعقب بدون ما يخبروني يخلون واحد ثاني يشتغل عليه !!! شو الدنيا فوضى !!

كم من مرة استوت فيني ! الصراحة انا وايد الف وادور ما اعطي كاش .!يعني في الموقف اللي فوق ما عرف كيف اعطي كاش واقولهم اني انا بيود هالشغل !! هل تحسون هالشي غلط في الدوام اني اقولهم بهالطريقة!@
\

انا متميزة بشغلي ، والحمدلله هالشهادة من الكل ، بس انا ما اشوف في قسمي حد يقدر هالشي، قبل كنت اتواصل ويا اقسام الثانية على اساس شغلي ، بس الحينة مسؤولي يعطيني اشغال ما فيها تواصل ويا الاقسام !! يخليني اشتغل واكمل الشي لين ما اوصل في المنتصف يقول فلان بيكمل الشغل !! حسيت من حركته هذي انه هو يبغي ينسب الشغل اللي انا اشتغله حق فلااان اللي ويانا في القسم !!
\
والشي اللي يقهر اكثر ، اني الصراحة مكتسبة خبرة لا باس فيها ، وعندي في القسم كلهم زلمات وهنود ، بس والله يعاملوني مثل السكرتيرة ، واحد ما يخصه فيني يقولي طرشي ايميل حق الاقسام عسب ييون قسمنا ، اقوله لييش انته ما اتطرش ، يقولي انا بيزي شوي ، وعقب اقوله خلاص مو مشكلة واسوي !! انا الصراحة بسرعة بسرعة بسرعة اقتنع من كلام الناس
من يقولون كلام ما عرف ارد عليه بعشر ! ويوم ما عرف ارد اعطيهم مليون عذر

مثلا مسؤولي ساعات يقولي الحينة ابغيج تنزلين هالقسم ، على طول اقوله ان شاء الله ، مع اني اكون مشغولة بشي ثاني !

والقهر الاكبر اني يوم اشتغل على شي ، يقولي مسؤولي ابغيج تعلمين فلان على شغلتج عسب يشتغل عليه وانتي تسوين شي ثاني ، بس هو من الاساس فكرته اني انا ما اتعلم اشياء يديدة وكل حد يعرف شغلتي عشان ما اكون مميزة في شي؟!

والحينة القهر انه يسوي كل شي من تحت لتحت ، مرات الاقسام ثانية يبون شغلة ، ما يطرشلي اياه على طول يكلم فلان عسب يسوويها ،.! والمسكين يطول مع اني اقدر اخلصه في ثانيتين بس هم ما يبون يخبروني شو اللي قاعد يصير

مليت من دوامي ، لا تقولين اصلا انتي شو مهامج الوظيفية لانه قسمنا شوي مخربط واهني المشكلة المسؤول ما يعرف كيف ينظم الشغل من بيننا ، وساعات احسه يتعمد انه ما يبغيني اتعلم وايد !

ما دري شو مشكلتي بالضبط ! هل انا اعاني من ضعف النقاش وما اعرف كيف اوصل المعلومة صح ؟!
بليز عطوني آرائكم لاني احس عمري ساعات وايد ضعيفة وعادي اذبل وينآكل حقي وانا ما اتحرك من مكاني !

المزيد من آخر المواضيع من نفس القسم:

**Back 2 Home** · 2011-04-15, 20:48

up up up

**حــــلاوه** · 2011-04-15, 20:56

لااله الا الله

**مجنونة و تجنن** · 2011-04-15, 22:52

لا حول ولا قوة الا بالله

**ح ـوؤور** · 2011-04-15, 23:03

وعلييج آلسلـآم والرحمهـ

حلو يوم تكونين قنوعه بس مب تكونين قنوعه كله برأي آلنآس لج برأيج أنتي أكثر خلج قنوعه . .~

أنتي قبل لـآ تردين ع حد فكري ولو شفتي نفسسسج مقتنعهـ بكلـآمج وهآلشي يريييحج لـآ تغيرين لو شو مآ يقولون

لج اهني مآ بتندمين ولـآ بتقولين ليش وليش وليش!

وبالنسبه حق لـآبج بمآ إنج مآ تبغين تعطين أخوج خلـآص قوليلهـ مآبغي أو قوليله أنآ حآطه صور ربيعآتي ومآبغي

أعطيك ولو قآلج حطيهم ففلـآشج قوليله مآبي المهم خلي كلـآمج يقنعج ولـآ تخلين كلـآم غيرج يقنعج وفوق هذآ

تندمين بعدين . .

وبالشغل لو شفتي شغله أنتي تعبتي عليهآ وبعدين تروح لغيرج أخذي حقج بس بأسلوب حلو أسألي ليش! وقولي

عآدي أنآ فآضيهـ وبسويهآ ! وعن آللي يبغيييج تسوين له شغلته لو فآضيه وعندج خبره فيهآ سويه لو مب فآضيه

بعد رمسيهم بأسلوب حلو إنج مشغوله ومب فآضيه ولو فضيتي بتسوينهآ بس لـآ تضآيجين نفسسسج . .

ومن كل آلكلـآم عن آلدوآم أنتي مآلج شغل يوم المديرهو مآ يعرف ينظم أنتي خلج سآكتهـ وشوفي آللي يبآه ولو شفتي

ضغط عليج رمسيه لـآ تسكتين لـأن آلنآس لمآ يشوفون حد يصخ يخورونهآ . .

أهم شي تخلين لج عذر واحد وتمييين ع هالعذر وربي يحففظج من كل شر ويوفقج دنيآ واخرهـ

إن شآء آلله تكونين أستفدي من كلـآمي وآلبنآت مآ بيقصرون ويآج

..

**ابداااع للتصميم** · 2011-04-15, 23:07

يلسي ويا عمرج وسويلج كوفي ووشوفي شو السلبيات اللي فيج وحاولي اتغيرينها وحافظي علي الايجابيات بس بدون ما تتنازلين عن حقج وخلي شخصيتج قوية"

**bellegirl** · 2011-04-16, 01:18

الله يسر امرج

نصحتج في اغلب مواضيعج السابقة

ياريت تستفيدين من ردود الخوات

**صوت الشعب** · 2011-04-16, 01:43

باجر صيام يابنات

**<<وديمه 1>** · 2011-04-16, 04:01

الله يسهل امورج

**MisS.Katkota** · 2011-04-16, 12:32

thaaaanx all

**غلا القحطاني** · 2011-04-16, 16:34

حسيت ببعض المواقف انتي شراتي

يعني تستحين ترفضين صصصصصصصصح

ياربي قهههرر الناس ماينعطون ويه

**لمسات هادئه** · 2011-04-16, 18:45

انا مليون مره نصحتج مشكلتج ما تقبلين نصااايحنااا ... كيف ننصحج جي .؟. ما بقول غير الله يسهل لج كل شي...؟ ويوفقج دنيا واخرررره ..

**MisS.Katkota** · 2014-06-28, 01:01

فوووق

**ماسه حساسه** · 2014-06-28, 01:14

بصراحة أنتي حساسة شوي يعني تاخذين الامور من نظرة عاطفية مش عقلية

**شعاع امل** · 2014-06-28, 01:19

هذا الموضوع قديم! بس مفيد من ناحية الشخصيه الحساسه

يعني مشكلتك مثل مشكلتي يوم كنت في الدوام *عاد ماعرف اذا الاخت تقرا المشكله او حلتها ياريت تخبرنا*

انا نفسي الشي بس انتي حسب كلامك شاطره يعني ماعندك اغلاط انا كان عندي اغلاط كثيره خاصه في الطباعه

فكان المسؤول يسحب مني كثير مهام تتعلق بها ولكن زودها في الاخير بحيث صار كل شي يسحبه حتى الامور الصغيره

فمثل هذا المسؤول يكون مايوثق او غير راغب بالموظف من خبرتي

ام موضوع انك تقولين لا انا نفس الشي مثلا بنات يطلبن مني اطلع وانا تعبانه ممكن اوافق وجي

ولكن صايره احاول اقول لا وحط حجج ولكن الحين احاول اكون سيده اكثر

هذا بتدريب يصير احسن

الموضوع: ما عرف شو مشكلتي في الحياآة

أدوات الموضوع

عرض

ما عرف شو مشكلتي في الحياآة

المزيد من آخر المواضيع من نفس القسم:

رد: ما عرف شو مشكلتي في الحياآة

رد: ما عرف شو مشكلتي في الحياآة

رد: ما عرف شو مشكلتي في الحياآة

المواضيع المتشابهه

مشكلتي مب من حياتي الزوجيه مشكلتي باللي ساكنه معاي بالبيت