اخويه وحرمته .................

**عرب دبي** · 2011-04-15, 15:42

السلام عليكم ورحمه الله وبركاته.......

شحالكم بنات

اانا بدخل ف الموضوع دايركت لاني ابي اعرف اللي قلته غلط ولا صح

اخويه الله يسلمكم عرس من سنه تقريبا وايد في مشاكل بينه وبين حرمته

واللحينه حرمته بتربي جررريب

المهم اخويه يحب بحرمته وايد

وهي تقول انها تحبه ..بس من فتره ابوي مرض علينا وواضطر انه يسافر برع البلاد علشان يتعالج

وف البدايه راح مع حد من الاهل وبعد فتره كان لازم حد منا يسافر فمحد كان عنده وقت الا اخويه هذا والباقيين عندهم

اشغال ..تخيلو قالت لا لا تسير وليش تودرني ومادري شو المهم هو لبسها وسافر ويا ابويه علشان

علاجه وف النهايه رضت واللحينه بعد ماسافر لانه هي بتربي ... من كم يوم يقولي انه حاب يغير جوو

وعقب ماتربي بفتره بيسافر ويا ربعه يمكن يسير تايلند ولا مصر ولا المانيا جي يعني يغير جو

تخيلو تيلس تضاربه وتزعل وتصييييييييييييح وتطلب الطلاق وتسوي وايد مشاكل مالها داعي

فهو يا قالي شاورني وانا رديت عليه قتله عادي من حقكك مافيها شي بالعكس هذا الشي بيخليكم تشتاقون حق بعض اكثر

فشو رايكم اللي قلته صح ولا غلط

عكوني رايكم ؟؟؟؟؟؟؟؟؟؟؟؟؟؟؟؟؟

المزيد من آخر المواضيع من نفس القسم:

**ميميه88** · 2011-04-15, 15:48

اوك يبا يسير يشلها ويسيرون يغيرون جو
مب شرط الحين عقب ماتربي بفتره
يعني انتي تقوليله عادي عقب يمكن يتم دوم ياب يسافر برا واروحه او مع ربعه
لاتدخلين هم كبار ويعرفون يتصرفون ارواحهم

**حرم المرزوقي** · 2011-04-15, 15:50

هو عادي ومب عادي بعد هي من حقهاا انه ريلهاا ييلس وياها ..

يعني لو انا كنت مكانها بعصب بس يعني مب اطلب الطلاق واسوي مشاكل .. يتفااهم ويااهاااا

**Perfetto** · 2011-04-15, 15:53

وعليكم السلام والرحمه ..

أنا بقول رايي .. لأنه في سفر الريال كل وحده لها رايها ..

أنا ما أشوف فيه شيء .. بالعكس أنا أشجع الريال يسافر عقب الربا ..
الوحده بتكون مشغوله ويا النونو .. ويا الزيارات إلي ماتخلص ..
مافيها إشكاليه هو يغير جو ويا ربعه .. وترا أكيد 9 شهور قبل هو عنده طواري .. :P
ويباله فجه شويه .. ^^

شيء حريم معارضات فكرة سفر الريال ويا ربعه .. والسبب الله أعلم به !
الثقه موجوده ولله الحمد .. وهب أنا إلي بقدر بمنع غيري إنه ينحرف .. لاسمح الله
دينه هو إلي يمنعه .. >> وجهة نظري .!

الزبده رمستج صح حبوبه .. ها إلي أشوفه أنا ..
وإن كنتي قريبه من حرمة أخوج لدرجة تسمح لج تنصحينها ..
حاولي تلمحين لها إنه الريال مايحب الحنه والزنه بليا سبب ..
ممكن تقدر ما تخليه يسافر .. بس بطرق مثاليه وبإسلوب فنان .. بالنهايه الإسلوب هو إلي بيفرق وياها ..
بس إنه بحجة والله ليش ويا ربعه ؟! .. ترا الرياييل هالعذر مايدانونه ..

موفقه وهلج بحول الله ..

**شيخه بمعانيها** · 2011-04-15, 15:55

مب من حقج تقولين له عادي .. !
هم يقررون الي شو يصير بينهمـ .. والاحسن اخوج مايقولج اي شي يصير بينه وبين حرمتهـ !
هاي حياتهم الخاصه وهم ادرى كيف يتصرفون ~

هو متزوج وسفرات المتزوجين الاحسن تكون لهم ويا حريمهـ .. اوك يسافر ويا ربعه لو هي راضيهـ مع اني ماارتاح لسفراتهم ابد ..
بس الفتره الي يبا يسافر فيهآ بتكون حرمته توها مربيه ونفسيتها تعبانه عشان المسؤوليه اليديده .. المفروض يكون وياها

ولا يشلها وياهـ عشان يغيرون جوو ..~

**ابتسامة قمر** · 2011-04-15, 16:00

المشاركة الأصلية كتبت بواسطة شيخه بمعانيها

مب من حقج تقولين له عادي .. !
هم يقررون الي شو يصير بينهمـ .. والاحسن اخوج مايقولج اي شي يصير بينه وبين حرمتهـ !
هاي حياتهم الخاصه وهم ادرى كيف يتصرفون ~

هو متزوج وسفرات المتزوجين الاحسن تكون لهم ويا حريمهـ .. اوك يسافر ويا ربعه لو هي راضيهـ مع اني ماارتاح لسفراتهم ابد ..
بس الفتره الي يبا يسافر فيهآ بتكون حرمته توها مربيه ونفسيتها تعبانه عشان المسؤوليه اليديده .. المفروض يكون وياها

ولا يشلها وياهـ عشان يغيرون جوو ..~

صح كلآمج

الحين انتي بهالطريقة بتزيدين مشاكلهم
ليش اتقوليله عآدي ؟
اتخيلي عمرج مكانها
الحرمة اتربي وتتعب وتحمل وحالة
والريال بكل برود اتقوليله سافر ويا ربعك عادي
وتعب الحرمة وين سار ؟ مب من حقها بعد اتغير جو ؟

الله يهدييج
لاتهدمين بيت اخوج بهالطريقة

اللي سويتي غلط
قوليله يسفر مرته ويآه
او انه يتم مراعآة لمشآعرهآ

حطي نفسج مكانها عسب اتحسين فيها

**طماطة** · 2011-04-15, 20:31