دفعت الثمن غالي (2)

**لحن التعاسه** · 2011-04-14, 02:45

السلام عليكم بنات
شكرآ وايد لكل بنت تعاطفت معاي والله حسيت أن عندي خوات ماعرفهن ولا ألتقيت فيهن عسى الله يحفظكن ويبعد عنكن المشاكل
مابطول عليكن ...
ألي ماتعرف سالفتيى هذا رابط السالفه
http://forum.uaewomen.net/showthread...2#post30432002
حبيت أوضح نقطه قبل ما أكمل أن الريال لو ماخذني مستحيل ياخذ أختي هذا رده علي لما راحوا اهله وقتله عن الغلط بالعقل يعني كيف ياخذها ؟؟؟ وأرد على البنات ألي يقولون أن سالفتي قصة فلم هندي عسى ربي لا يبليكن بالمشاكل وبكره اذا قلتي لحد مشكلتج بيرد يقولج فلم هندي... ولا يهمني حتى أنا حبيت أفضفض وبغي الشور لا أكثر ولا أقل

طبعا هو صارله يومين يتصل ويطرش مسجات وأنا مارد عليه وأمسح المسج بدون ما أقراه ....اليوم قمت العصر من النوم ونومي كله كوابيس دخلت المنتدى وشفت ردودكن وتشجعت اني اقول لأختي ... دخلت غرفتها لقيتها تشل صبغت الأضافر حق الصلاه ...ماقدرت اصبر لين ماتخلص صلاتها ... فتحت لها صفحة القصه ألي كتبتها في المنتدى وحطيت اللاب في حضنها وقلتلها أقريها اول ماقرت سفرتنا لمصر وعدد خواتي وزاج أختي الأولى والثانية رفعت راسها قالتلي شو هذا منو كاتب عنا ؟؟ قلتلها كملي وأنا ارتجف وخايفة من ردت فعلها ووصلت لين المسج من الريال قالتلي ينتي انتي وتهاوشني ....وهي للحين مب عارفه المشكله بالضبط ... قلتلها اقريها كلها وبعدها هاوشيني بكيفج قرتها لنهايه ولاحظت عليها لما وصلت للخطبه والغلطه الي صارت حطت أيدها على حلجها وانا بديت أصيح لأن شكلها فعلا انصدمت ولا رفعت عينها علي وقعدت تقرأ ردودو الصفحات الأولى وحطت اللاب عدالها ولبست شيلت الصلاه وقالتلي أطلعي برى أبا أصلي بدون ماترفع عينها علي... انا صدمت أختي وجرحتها عشان خاطره احس أني ذبحتها بسبته أنا أحبه بس هذه أختي وأحبها بعد ... الظاهر الموضوع يتشربك بالزياده
والله مالي خلق أكتب بعد ولا أطلع من الغرفه السموحه منكن ولو صار شي ببشركن في كلمتين عشان مايصير فلم هندي مثل مايقولن بعض الخوات

ملاحظه : ألي تبا تغلط تغلط علي انا بس.... لاتغلط على أختي مالها ذنب لأنها الحين عرفت أني كاتبه الموضوع ومادري اذا انتبهت على اسم المنتدى بس أكيد متابعه معانا

المزيد من آخر المواضيع من نفس القسم:

**اسرار الطبيعه** · 2011-04-14, 02:49

الله يسسر اموركمويسهل عليكم
برد اقرا الموضوع الاولي ..

**ام-غزوووله** · 2011-04-14, 02:51

متاابعه لمشكللتج ..>>>

ربي يوفقج لما يحب ويرضى و يتمم لكم على خيير
فيي انتظاار البشااره حبوبه

**غمووض انثى** · 2011-04-14, 02:55

ياقلبي علييج

ربي ييسسسر اموورج ياارب ويهدي اختج ويرزقج اللي يستاهلج =)

متابعه لج ان شاء الله واتريا البشاره قريييب يارب

**قطرية من قلب** · 2011-04-14, 02:59

ليش ما سويتي مثل ما قالولج البنات !!!!!
شكله الموضوع بيتشربك زيادة ....
الله يكون في عونج ....

**أم مشاعر** · 2011-04-14, 03:02

الله يوفقك وماعليج من لي قال فلمهندي وغيره لان مب كل وحدة مرت باللي مريتي فيه ولاحست بهالاحساس واسلوبج في كتابة لي فخاطرج خلت قصتج عاطفية والحب قليل فهالزمن فلاتستغربين من ردود البنات...ان شاءالله اختج بتتفهم لي صار والحمدلله ان الريال مالعب عليج وتقدملج من الباب وبشرينا ببشارة حلوة

**عواشي11** · 2011-04-14, 03:03

ربي ييسسسر اموورج ياارب ويهدي اختج ويرزقج اللي يستاهلج =)
ماعليج الغالية ان شاء الله اختج بتتفهم الموضوع وبتفرح لج مهما كان انتوا خوات والله ييسر اموركم يارب...
وبشرينا خير الغالية نترياج ... وماعليج من البنات اللي يقولون فلم هندي انتي اكتبي اللي بخاطرج.... وبالتوفيق لغلية

**سرى القلب** · 2011-04-14, 03:09

تنصدم اختج وتنجرح الحين ولا بعدين
والله يوفقج ان شاء الله مع حبيبج
وان شاء الله نسمع اخبار حلوه قريبا

**دفى القلـوب** · 2011-04-14, 03:11

عااادي اختي .. لا تحاتيين .. ان شاء الله خير ..
الموضوع الحين بينج وبين اختج .. اتفقي وياااها وان شاء الله هي تساعدج وتقدر الوضع ..

.. والله بيرزقها ان شاء الله الزوج الصالح .. ويرزقج الي تتمنينه ..

**سالي نون** · 2011-04-14, 03:12

ربي ييسسسر اموورج ياارب ويهدي اختج ويرزقج اللي يستاهلج

**عيناويهـ حلوه** · 2011-04-14, 03:14

الله ايسر امورج غلايه وان شاء الله خير يااربي ...
ونترياا البشاره...

**الريـم2009** · 2011-04-14, 03:21

الحمدلله على كل حال المهم ارتحتي من نص المشكله وماعليج حبيبتي اختج بتتضايج شوي عقب بتوقف معاج

ومن ناحيه ردود بعض البنات ماعلييييييييج حبيبتي تراهن ما يقصدن شي بس حسوا ان مشكلتج غريبه ونادر ماتصير

عسب جيه قالوا انها مسلسل او فلم ولو تلاحظين الكل متعاطف معاج

الله يوفقج ان شالله ويجدم اللي فيه الخييييييييييييير

**m.a.r.y.a.m** · 2011-04-14, 03:25

ما عليج هي الحين منصدمه
زين قالتلج ظهري برع بس هههههه زين ما انضرتبي من صدمتها

قولي الحمد الله انها يت على جيه وانكم كنتوا في اول المشوار
ولا انه الموضوع تتطور .. بتكون اختج الحين حزينه ومفتشله من اللي سوته
وانها فرحت ووووو الخ
لكن صدقيني بترد تفكر بعقل وبترمسج
وبتساعدج في انه المشكله تنحل وتتصلح
ولا تنسين تخبرين الريال انج رمستي اختج
عسب يكون الموقف واضح له ..

وعسى ربي يجمعكم ع خير

^^

**أنا الحزن** · 2011-04-14, 03:31

اختي ما شي احسن عن الصراحه
و الي سوتيه عين العقل
تخيلي صدمتها لو كاانت عرست بالريال
ولا ما تقدم لها من اساسه بتوسوس و تقول يمكن ما عجبتهم
الحينه ان شاء الله اختج تتفهم الموضوع و ترضا بنصيبها و تفهم ان الموضوع مجرد غلطة من اهله
متااابعه <<<<<<<< طمنينا عنج اختي ولا عليج من حد

**نبضه** · 2011-04-14, 03:38

ربي يسر أموورج .. وااايد اتفاعلت بقصتج ,,
امـممم إن شاء الله اختج بتهدا وبتستوعب الموضووع صح
وبتساعدج بعد ^^

امـمممم واتمنى من كل قلبي أن مشكلتج تنحل وتنخطبين لهالريال .. <<<< وانا حااسه ان هذا اللي بيصير

وإن شاء الله بعد اختج بهالفتره اييها نصيبها ويكوون رياال زيين وفيه كل الصفاات الزينه ^^

بشرينا خيتوو ..

الموضوع: دفعت الثمن غالي (2)

أدوات الموضوع

عرض

دفعت الثمن غالي (2)

المزيد من آخر المواضيع من نفس القسم:

المواضيع المتشابهه

دفعت الثمن غالي

اتفقت مع حبيبها على الفضيحة .. ثم دفعت الثمن !!

مهري غالي غالي غالي ... وانا .....؟؟؟؟؟

غالي الثمن