السفر الى اثيوبيا

**أم الحنيه** · 2011-04-13, 23:31

السلام عليكم خواتي بغيت استفسر عن السياحه في اثيوبيا شو رائكم فيها لأن ابو اعيالي مصر انه يودينا وأنا بصراحه محتاره ومتردده فلي عندها معلومات أو خبره فأرجوا عدم البخل علي والسموحه منكم

المزيد من آخر المواضيع من نفس القسم:

**LaurenChic** · 2011-04-13, 23:44

مره وحده اثيوبيا !!!

ماعرف ولا شيء عنها السموحه منج
بس اعتقد دوله فقيرة ومافيها مقاومات سياحية تجذب السايح يروح لها اتمنى انج تستبعدين كل البعد عن الدول الافريقية لأنه ابدا مافيها امان وخصوصا لو انتي سايرة مع عيالج بتتوهقين

الله يعينكم

الله يوفق لكم ..

**تعب حال** · 2011-04-13, 23:57

اثيوبيا!!!!!!!!!!!
بس عندي سؤال هو ليش يريد يروح اثيوبيا؟؟ناوين اتيبون خدامه؟؟
تراني امزح معاج بس ما اظن اثيوبيا فيها شي؟؟

**أم الحنيه** · 2011-04-13, 23:57

مسموحه أختي جزاج ألف خير

**أم الحنيه** · 2011-04-14, 00:02

الله ضحكتيني يا تعب حالي بس شو أسوي وياه هو كم مره ساير هناك ويقول والله متستانسون هناك والله يستر

**نونو دبي** · 2011-04-14, 09:24

لالا مستحيل شو فيها اثيوبيا دولة فقيره مثل ماقالت الاخت بتروح بيزاتكم على الفاضي من تذاكر وفنادق ومواصلات

**M!SS UAE** · 2011-04-14, 11:17

مافيها فنادق ع مستوى عالي ودولة فقيرة يعني مابتشوفين فيها شي ذاك الزود
بس اكيد فيها مناظر طبيعية وشلالات وعندهم آثار من ايام النجاشي الله يرحمه
وايام هيلاسي لاسي خخخخ
بس مافيها شي تنفع للاجانب اللي يشلون شنط ع ظهورهم ويمشون ..هذا ع كلام خدامتي الاثيوبية اللي اشتغلت عندي ست سنين لله يذكرها بالخير

**أم كنه** · 2011-04-14, 11:34

اختي شو يوديج اثيوبيا بتونسون عيالكم وديهم ماليزيا احسن

**بنت الفلاني** · 2011-04-14, 14:30

ما عندي اي فكرة عنها

بس اعتقد جوها نفس جو صلاله

يعني لو تروحون صلاله احسن لكم

**ام شهودي 07** · 2011-05-07, 21:43

وايد غلطتو على اثيوبيا وهي وايد حلوه واكبر منبع للشلالات يوجد في اثيويبا وفي دوله كبيره طمعانه فيها بس عشان طبيعتها الخلابه وتبه تحولها لمنطقة جدب سياحي وهم صح فقار

**fia** · 2011-05-07, 23:03

اكيد زوجك شاف شي طيب في اثيوبيا ؟؟؟
انك تستكشفين بلاد في قاره تانيه قمه التحدي والمتعه .

**حنين0** · 2011-05-07, 23:24

انا شغالتي دوم تقول مدام تعالي اثيوبيا وتقول فيه مناضر حلوه وشلالات وحتى فنادق اوكي وريلج ما بقولج الا انه شايف او سامع شي طيب عنها

**Om-3wash** · 2011-05-07, 23:51

لا حبيبتي أنصحج وأصر عليج أنكم ما تروحون هناك ،،،،البلاد كلها إيدز،،،حتى الي يشتغلون في سفارتنا هناك يقولون إذا نمرض مانروح المستشفى ،،،،يخافون يروحون مستشفياتهم متروسه من مرضى الايدز

**الشوق1** · 2011-05-08, 09:21

بالعكس وايد حلوة و المكان طر بصراحة روحي و انتي مغمضة

الجو فيها رووعه و المكان اخضر ف اخضر من كثر الاشجار و الخضرة اللي عندهم

و بيوتهم حلوووة رومنسية

في قروب من اهلي ساروا راوووني الصور وايد حلوة بصراحة

**alsaba** · 2011-10-17, 10:49

الله يوفقكم توكلوا على الله

الموضوع: السفر الى اثيوبيا

أدوات الموضوع

عرض

السفر الى اثيوبيا

المزيد من آخر المواضيع من نفس القسم:

المواضيع المتشابهه

اثيوبيا مسلمه خبره 5 سنوات

خدامه اثيوبيا

شحن الى اثيوبيا

خدمات للتنازل من اثيوبيا

طيران إلى اثيوبيا....