العمليه القيصريه ،،!! =)

**[ام حميد]** · 2011-04-12, 04:06

السلام عليكم ورحمه الله وبركاته

شحالكن ؟؟!

بغيت اتخبركن ،، انا مسويه عمليه 1\11\2010 .. يعني طاف ع العمليه 6 شهور تقريبا ،،!
ومب كبس ولا خياطه ،، ملزقه يعني لييزر اضني ،،!

المهم اللي بغيت اعرفه متى نحمل عقب القيصريه ،! ومنوو جرب وحمل ،،

ابا حد مجرب يزاكن الله خير ،،
وعادي او لا ؟

ووشوو الاعرااض ؟؟

وهل ربيتن طبيعي عقبها اوو لا ؟؟

وكم الفتره اللي مرت على القيصريه و حملتي ؟؟

لاني اول مره =)

وسلمتن

المزيد من آخر المواضيع من نفس القسم:

**ملكان** · 2011-04-12, 07:01

بالتوفيج يااااااارب

**سنيورة دبي** · 2011-04-12, 07:27

انا مربيه بعمليه واضني نفسج ليزر

بس انا حملت بعد العمليه بسنتين و3 شهور

الحين انا في الشهر الثامن الحمد لله ما احس فيها ...

وان شاء الله الولاده هالمره طبيعيه

**الماركه شما** · 2011-04-12, 07:34

حبوبه خلي فرق سنتين على الاقل عشان اتيج فرصه تربين طبيعي موفقه حبوبه انا مجربه ولو عندج اسءله. ثانيه حياج

**موزه السويدي** · 2011-04-12, 11:37

انا ماعندي فكره عن القيصريه بس اغلب الدكاتره يقولون المفروض بعد 3 سنين
بس بنت حميتي بنتها كملت سنه و 3 شهور وجان تحمل وربت طبيعي بدون مايصير فييها
اي شي سبحان الله هاي ارزاق الله يحددها بالوقت المكتوب ..

**بعيدة المنال** · 2011-04-12, 11:44

انزين. ممكن سؤال أنا كملت سنتين عقي قيصريه و دكتورة قالت ما أروم طبيعي وجرح بعده موجود ربي شو الحل صدق كلامها

**الضبي** · 2011-04-12, 11:49

لا تحاتي هالأمور من الحين إذا صار حمل أحمدي ربج عليه وممكن تربي طبيعي هالشي ما ينعرف إلا يوم الولاده أخت ريل ي حملت على ولده يوم كمل سنه وثلاث شهور وكانت مربيه فيه قيصري ويم الولاده ثانيه عطوها مجال وربت طبيعي الحمدلله هالشي ما يخصه كله بيد الله وتوكلي عليه أنا حملت على ولدي وعمره سنه ونص وبعدي في الشهر الخامس ما حاسه بالعمليه والله يسر وأولد طبيعي هالمره وترى كله تعب ولنا الأجر إن شاء الله

**نموثه** · 2011-04-12, 11:55

انا ربيت قيصرية و عقب 10 شهور حملت
يعني بنتي عمرها 10 شهور و طلعت حامل و الحين انا حامل 7 شهور
و سالت الدكتورة قالتلي ما نعرف ممكن تربي طبيعي ما يبين لي يوم الولادة
بس خبرتني انه ما يستوي يعطوني محفز للطلق عسب يسرعون الولادة
و الله يعينا ان شاء الله

**متى أحضن ضناي** · 2011-04-12, 12:12

بالتوفيق

**أم غزلان** · 2011-04-12, 12:39

في حريم بعد القيصريه على طول يحملن وعادي يابن طبيعي

ان شا الله تربين طبيعي بس عطي نفسج فرصه يعني سنه اقل شي

**كوفي** · 2011-04-12, 12:44

هلا اختي بس ممكن اتخبريني هل اليزر امبين في بطنج
واي مستشفى سويتي

**[ام حميد]** · 2011-04-13, 06:10

كوفي،،

امبين خط بس ،، في مستشفى الواحه في العين ،،

،،

الباقيات سلمتن //!

نترقب البقيه وتجاربهن

**Hno0odah** · 2011-04-13, 09:19

انا خالتيه من اسبوع مربيه وربت قيصريه
قالتلها الدكتوره لازم الحين ما تحملين لمدة 4 سنوات

وعاد خالتيه ما صدقت من الله
والحين سولها خياطه

والحمد لله خالوتي عندها اللي يسدونها فديت روحها يالبي على اليهال

**دلع الحوامد** · 2011-04-13, 11:13

هذا كله بايد الله والصراحه الي اعرفه لازم اتكملين سنتين عشان رحمج ما يتعب لان كل وحده وعلى حسب رحمها انا اقول الافضل سنتين بس اذا صار قولي الحمدالله والمكتوب عند الله بيصير

الموضوع: العمليه القيصريه ،،!! =)

أدوات الموضوع

عرض

العمليه القيصريه ،،!! =)

المزيد من آخر المواضيع من نفس القسم:

المواضيع المتشابهه

العمليه القيصريه

العمليه القيصريه

العمليه القيصريه

.. العمليه القيصريه ...