ما بقى شي للعرس

[كركر]

مرحبااا بنات
مالي غنى عنكم ودايما ما تقصرون وياي مابقى غير أسبوعين للعرس وبعدي للحين
1)ما حجزت صوالين لتنظيف البشرة والشعر والحمام المغربي كيف ما يجوز نتكشف وهل قدر نسويه للإيد والريول وأنا عندي خيمة الساونا كيف أسويه وشو الأشيا اللي أستخدمها ومتى أسويه
2)أبغي أنظف أسناني وهل تنصحوني بالتبيض
3) مشكلتي الدورة يمكن تنزلي يوم العرس او قبل وجدا مرتبكة وخا يفة ومتوترة المشكلة إنه تطلعلي إفرازات بنية بعد الدورة وأصوات ما عرف من شو انا أبغي أجدم الدورة هي يتني تاريخ 30 من الشهر الماضي
4)شو أخّذ للفندق بنبات لليلتين واليوم الثالث بنسا فر
5) خذت طقم أول يوم ماعجبني فبرجعه لانه شيفون شفاف أستحي ما نتبهت له خذته من البستان
6)بسافر أوروبا شو أخذ وياي للحين ما رتبت أغراضي جداااااااااااااااا متوترة
7)أبغي أفتح جسمي شو تنصحوني ويهي ذبلان بعد
8)بعدي ما سويت زفة ولا سويت باقة
9) بالنسبة للحف تنصحوني بتشقير الجسم كامل وبعدين الحف وما أبغي أحف ويهي بس أبغي أشقره سمعت عن التشقير بالليزر وين أحسن مكان


أدري طولت عليكم سامحوني ....أناااااااا من راك بس منطقتنا بعيدة شوي الله يخليكم تساعدوني ولي تعرف سواقة شاطرة ونظيفة ما تاخذ وايد تخبرني ربي لااااااااااااااااا يحرمني منكم

المزيد من آخر المواضيع من نفس القسم:

• صور تورتة اعراس غاية الجمال والرقي
• خلطات طبيعية سريعة ومضمونة لتطويل شعر العروس
• طريقة عمل ماسك الموز للعناية بشعر العروس
• صور بدلات عريس انيقة وجميلة
• صور ديكورات اعراس شتوية ساحره
• صور ديكورات طاولات زفاف راقية لحفل زفاف انيق
• اجمل تصاميم كروت زواج انيقة وعصرية
• كيكات زواج انيقة ومميزة باللون الازرق
• اجمل اشكال كيكات زواج لاعراس موسم الشتاء
• تنسيقات طاولات زفاف بألوان مبهجة وعصرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Rema 15]

up up up

[الرحمة]

ربي يوفقج فديتج انا مثلج بعد ما باقي شي لعرسي
فستان بسير اشوف لي عند ريم الحوسني او ميثاء المطروشي
واحتمال احجز لي عند فاطمة الزرعوني او ريم الحوسني
اما بنسبه لحمام المغربي بسوية بصالون رفيرا بالفجيره وبسير اتحنى عند اليازية

وفتكيت من زهاب خلصت ياختيه لكن الاهم بعده
وسرت عياده اسنان وسويت لي تبيض كامل لاسناني
وبنسبه لدورة لا تحددين موعد عرسج الا من بعد تاريخ انتهاء الدورة انا جذا سويت وعسى ربي يوفقني ويوفقج ويوفقك كل العرايس

[ترآنيم القصيد]

بـآلتوفيج لج آلغ ـآآليه = )

[bellegirl]

ربي يوفقج اختي

[كركر]

مشكورين بنات وين الباجين ..

[العنود 666]

الله يووفقج يااارب

[كركر]

بنات ساعدوني محتاية لكم

[دلة أم خماس]

هلآ حبيبتي

ربي يوفقج ويهنييج .. ويتمم زوآجج ع خيير وسعآآده وفرحه .. وتكون حيآتج مليئه بالحب والسعآده


أول شي لآتتوترين << أنصحي عمرج أول شي ><

المهم أختي حآولي أول شي تستغفرين وكل مآتوترتي صليلج ركعتين...

ثآآنيآ بخصوص حمآم المغربي... هو طبعآ عوره المرأه من السره الى الركبه... انتي سوي ريولج وايديج

وخلي أختج ولآ أمج تفركلج ظهرج وانتي فركي البآقي وجي ..

واذا تبين تفتحين جسمج.. وحده خبرتني أنهآ استخدمت الكريم الصآآبوني لتبييض الجسم .. اظني هني بتحصلينه فالمنتدى .. مآدري إسالي عنه..

سوييلج تنظيف بششره فصآلون أوكي فرآآك .. قبل العرس بكم يوم .. واذا مآتبين تحفين سوي تشقير إ‘ذآ تحسين ويهج مآفيه ششعر وآآيد.. وجسسمج سوي حلآآوه لكل جسمج .. وشي رآجعلج لو تبين تسوين تشقير.. بس أنآ مآ أأيد التشقير قبل..

حآآولي تسسوين ريآضه هالكم يوم قبل العرسس عشآآن تحسين بالثقه بنفسج .. ومآتتوترين


وبخصوص تبييض الاسنآن .. لو بآجر تروحين تسوين .. لأن عقب مآيسوون تبييض يقولولج فيه أشيآء مآتشربينهن أو تآكلينهن ..

وعشآآن الدوره انتي قلتي يتج آخر مره تآريخ 30 .... بس مىآحددتي دورتج كم يوم تيلس.. بس أتوقع أنهآ تيج ففتره العرسس... إذآ مآتبينهآ تنزل تقدرين تآخذين حبوب توقفهآ .. ومآفيهآ ضرر


وبالنسبه لشنطه الفندق عن الملآبس ( حآولي تآخذين ملآبس دآخليه حق هاليومين.. يعني أنتي أدبليهن) وخذي قميص النوم مآل أول يوم .. وخذيلج قميص نوم طويل لون ثآآني حق اليوم الثآني.. لأني أحس الطويل يغري اكثر عن القصير خخ بنظري طبعآ...

(شلي معجون وفرشآه.. وصآبون .. وملطفات ولوشنآت وعطور.. ولآتنسين غسول المنطقه الحسآآسه أهم شي.. )

ششلي ويآج ذهب خفيف.. وأكسسوآرآت..

وأكيد هو قبل لآتسآفرون بيوديج بيت أهله عسب تزورين أهله وتسآفرون.. فلآزم تشلين موديل حلو تلبسينه وعباه وشيله فخمه حق زوآره اهله..


وبمآ أنج بتروحين أوروبآ... البسي سكآرفآت وشلي ويآج بنآطلين تحت العبآه..


وموفقه ان شااء الله .. سوري طولت عليج

[ساره خالد]

اب اب اب اب

[أم شيخوو123]

للرفع

[اهلين و سهلين]

1)ما حجزت صوالين لتنظيف البشرة والشعر والحمام المغربي كيف ما يجوز نتكشف وهل قدر نسويه

حبيبتي سوي حمام مغربي ف الصالون لو ما تعرفين بس لا تتفصخين يعني البسي شي قصير و خليها تفرك سوي الحمام المغربي الحين و قبل ما تتحنين بيوميين بعد سوويه عسب تفتحين يعني سويه مرتين ...

سوي حمام زيت و اعشاب .... و شوفي ع حسب راعية الصالون شو تقولج ...

عن تنظيف البشرة ما ادري يا خوفي تسوين و تظهر لج حبووب و بلاوي لو تبغين تسوين سوي الحين ف عيادة او مركز نظيف و راقي يعني سويه خلال ها اليومين لا تأجلينه لين قبل العرس و يخترب ويهج ..



2)أبغي أنظف أسناني وهل تنصحوني بالتبيض

انصحج تسيرين اي عيادة معروفة عندكم ف راك
لازم تسوين تبيض اسنان تراج بتحسين بآلام خفيفة فسويه الحين احسن عسب ما تتبهدلين عقب و يوم تسوين تبيض لازم الدكتور يسوي لج تنظيف اسنان قبل

3) مشكلتي الدورة يمكن تنزلي يوم العرس او قبل وجدا مرتبكة وخا يفة ومتوترة المشكلة إنه تطلعلي إفرازات بنية بعد الدورة وأصوات ما عرف من شو انا أبغي أجدم الدورة هي يتني تاريخ 30 من الشهر الماضي

لا تتوترين ولا شي و حتى لو يتج الدورة خبري ريلج و صارحيه من الحين


4)شو أخّذ للفندق بنبات لليلتين واليوم الثالث بنسا فر

في موضوع خاص ف القسم مكتوب عن كل الاغراض اقريه


5) خذت طقم أول يوم ماعجبني فبرجعه لانه شيفون شفاف أستحي ما نتبهت له خذته من البستان

لا شو تستحين لو حلوو خليه خلاص لو شفاف شو يعني

6)بسافر أوروبا شو أخذ وياي للحين ما رتبت أغراضي جداااااااااااااااا متوترة

ع حسب الجووو


7)أبغي أفتح جسمي شو تنصحوني ويهي ذبلان بعد

حطي روب ع جسمج و على ويهج
سوي حمام مغربي مرتين
اخلطي ( سدر + ماي ورد + رووب ) و حطيه ع جسمج
اشربي حليب طازج يوميا ع الريوق
اشربي عصاير فرش شرات الموز و الهمبا ة الفرااولة و الاناناس و غيرها و الكوكتيل ترى تعطي نضارة للويه
يوم تسبحين افركي جسمج بملج

8)بعدي ما سويت زفة ولا سويت باقة

لو انتي حاجة ديجى تواصلي وياهم هم بيرتبون لج زفتج و زفة ريلج
وعن الباقة عادي سيري و افتري ف المحلات وشوفي الكاتالوج و اختاري باقة كلاسيك و حلوة مب لازم تكون مترووسة

9) بالنسبة للحف تنصحوني بتشقير الجسم كامل وبعدين الحف وما أبغي أحف ويهي بس أبغي أشقره سمعت عن التشقير بالليزر وين أحسن مكان

حفي جسمج كامل وعن ويهج شقريه ف الصالون لو ما فيه شعر
لو ظهرت لج حبووب اشتري لج كريم اسمه "فيسودين " من الصيدلية و حطيه ع جسمج مرتين ف اليوم
و ما ينفع تسوين ليزر الحين يمكن تظهر لج حبوب و تتوهقين