كنت حامل وسقطت !

**shgaweyah** · 2011-04-07, 12:53

.. شحالكم ؟ عساكم بخير

حبايبي .. انا كنت حامل و كل اسبوع كنت اراجع الدكتوره النسائيه تقريبا .. لان في البدايه اصعب شي . اول اسبوع شافتني قالتلي بطانة الرحم زينه و ييتها عقب وقالت لي كيس الحمل موجود . قالت بعد اسبوعين تعالي عشان نسمع دقات القلب .. ويوم يتها ما سمعنا شي قالت لي بنعيد تحليل هرمون الحمل اللي هو في الدم . وللأسف انا كنت لازم اكون شهرين ولازم اسمع الدقات و الحرمه يوم تكون حامل في شهرين لازم هرمون الحمل يكون عالي بس انا كان ألفين وشي و رمستني الدكتوره قالت لي ابدا النسبه ضعيفه بالنسبه لج وانتي في بداية الشهر الثاني هالكلام كان الخميس .. والجمعه نزل عليه افراز بني فظييع و خفت و فجأه نزل عليه قطرات دم و خفت زياده و سرت على طول اسوي صورة تلفزيونيه عشان اشوف الكيس اذا بعده موجود او لاء والحمدالله كان موجود بس الدم رد نزل عليه السبت و سرت االعياده يوم السبت عشان يشوفون الهرمون مره ثانيه و طلع نازل زياه وصل 1900 و يوم الاحد على طول الصبح سرت المستشفى و ترقدت هناك عشان يفحصوني مره ثانيه في صوره تلفزيونيه طلع كيس الحمل بو 4 اسابيع مب معقوله وردو سوولي تحليل هرمون الحمل
طلع نازل زياده وصل 1500 و قالولي خلاص بينزل الحمل بروحه .. و من هذاك اليوم تكرمون قام ينزل عليه الدم بس مب وايد وايد يعني عادي و رحت فحصت في المستشفى امس قالت لي الدكتوره كيس الحمل نزل بس بتم فيج الدوره كم يوم .. وقالت لي ما تحتاجين غسيل لان توه الجنين ما تكون ولا نبض قلبه .. والحمدالله على كل حال انا راضيه بقسمة الله و الله بيعوضني ان شاءالله

اسئلتي هي ؟
شوه سبب نزول هرمون الحمل ؟
هل العلاقه الزوجيه في بداية الحمل تؤدي الى الاسقاط ؟
وانا اداوم و دوامي شوي متعب يعني وايد نركب دري .. هل لاني بذلت مجهود في دوامي جيه استوا معايه ؟

السمووحه فديتكم و ان شاءالله ماكون ثجلت عليكم

المزيد من آخر المواضيع من نفس القسم:

**شوشو_24** · 2011-04-07, 12:55

الله يعوضج

**امل الامارات8** · 2011-04-07, 13:03

ربنا يرزقك ويعوضك خير

**ام زايدالغالي** · 2011-04-07, 13:04

فديتج اكيد في اول الحمل التعب بياثر على حملج والدري وحمل الاشياء الثقيله هذا كل يضر الحامل في اول شهور وبعد المعاشره بكثره في اول شهور
الله يعوضج يارب

**طيف الغربة** · 2011-04-07, 13:13

ربي يعوضك كل خير اختي

**أمونة2008** · 2011-04-08, 00:52

حبيبتي اللي اعرفه ان الحمل لما ينزل روحه يكون الجنين مب طبيعي
فانتي قولي الحمدلله على كل حال وادعي الله انه يعوظج بالجنين اللي فيه صحه وعافية
ولا اتلومين نفس واتعذبين نفسج

والله يكتب لج اللي فيه الخير وين ما كان ومتى ما كان
امين يارب

**سوسورورو** · 2011-04-08, 01:00

الله يعوضج خير ويرزقج الذرية الصالحة آمين
أختي أنا سقطت قبل أربع مرات بدون ما يكون فيه سبب إلا ان الله ما كاتبلي إياهم وبعدهم حملت والله رزقني إياه

**نونه دلوعه** · 2011-04-08, 01:14

مفروض يوم بتكوني حامل لا تتحركي لمده ثلاث شهور عشان يثبت الجنين

**FoOo** · 2011-04-08, 01:56

الله يعوضك
اكيد الحمل مو طبيعي على شان كذا نزل اختي صديقتي اسقطتت مرتين ويكون الحمل في بدايته سوت التحاليل الازمة بعد السقط ما طلع عندها شي بعد السقط الثاني اعطتها الدكتورة منشط قالت افضل حتى تنتج بويضة سليمة عند التلقيح تكون قوية والحمد لله في نفس الشهر الي خذت فيه المنشط حملت وكملت التسعة شهور
لما يسقط الحمل في الشهرين الاولى مو بسبب الاجهاد

**أم تمنى** · 2011-04-08, 05:41

نفس قصتي تماما .... اختي قالولي الحمل مب سليم او طبيعي ربي يحبج تخلي لو ثبت حملج يكون فيه نقص . كل شي بارادة الله وحكمته اكيد كان خير لج

**روضة بوظبي** · 2011-04-08, 07:03

الله يعوضج ..انا شراتج اول حمل لي سقطته ما يخص الحركه يكون في خلل في الجينات وهاي حكمه من الله ورحمه

**الـجـمـيـريـه** · 2011-04-08, 10:49

عزيزتي الغاليه
الله يعوضج ان شاء الله
وييزييج خير على صبرج
انا عزيزتي في كل حمل اييني نزيف
دم احمر صارخ مش بس بني
وينزل عندي هرمون الحمل بس الدكتوره عليا المنصوري يزاها الله الف خير كانت تعطيني ابار تثبيت حمل
اتمشيهن لي من الشهر الثاني لين الشهر الخامس او السادس على حسب متى ايوقف عليه النزيف
وكنت اقصر حركتيه على الصلاه والحمام وماانش وااايد
حد من الحريم حملهن خفيف وانا كنت من هالنوع
وبخصوص العلاقه الزوجيه يفضل انكم اتقللون الفتره الاولى يعني فالاسبوع مره عشان مايصير بعد فتور بين الازواج او مرتين
وفي شي امتنع عنه لين مااربي ابدن ابدن ماالبسه فترة الحمل
(الــــــــــــــكــــــــــــــــــــــــعـــــــ ـــــــــــــــب)
الدكتورة عليا قالتلي هو اللي يضعف الحمل بحيث ينزل الرحم وتبدا مشاكل الظهر وعرق النسا وبلاوي ثانيه بعد
في جواتي رياضيه بالوان حلوه كانو ايبيعونها في مذكر كير ماعرف اذا لين الحين ايبيعونهن بس هذيل مخصصينهن للحوامل يعني مسوين عليهن دراسات مش اي كلام وبتحصلين على الكرتون مالهن صورة دكتور هو اللي مسونهن
هذيل احسن نوع انا اشتريته حتى فالسفر صرت اشله لو اتشوفين شكله ايحزن الجوتي بس ارد اصبغه واعدله ماعرف اذا بحصل شراته مره ثانيه ومابا اعقه كمل عندي ثلاث سنين ووايد مرتاحه فيه واخليه ذخر للحمل ^_^

**الـجـمـيـريـه** · 2011-04-08, 10:51

هيه صح نسيت الفتره الاولى ابتعدي من السوائل الحاره
النسكافيه والقهوه والجاهي
عليج بالعصاير البارده والفريش مش المعلبه
دلعي عمرج يعني
لانه السوايل الحاره اتخلي الجسم حار وبالتالي ايسيد نسبة النزيف
وحتى اذا بتتسبحين لا تتسبحين بماي حار اغلب الوقت خليه دافئ اكثر على البارد

**تعب حال** · 2011-04-08, 11:31

حبيبتي لا تحاتين ..
كيس الحمل اذا نزل يكونفيه خلل عشان جيه الجسم يرفضه وينزل..
وسبحان الله وحده راحت عند دكاتره برع وقالوا انه في وايد حريم ايكون فيه كيس الحمل خلل فسبحان الله الجسم يرفض هذا الكيس وينزله لكن في حريم يرجعن ياخذن حبوب تثبيت من خوفهن عشان يثبت الكيس..لكن يوم ينولد الطفل الله لا يبلانا يكون فيه مرض او يكون مغولي او تكون عن\ه مشكله..

المهم انا حبيت اخبرج هالمعلومه عن واقع جفته ..فلا تشلين هم ختيه..
ويارب يكون حملج الياي سليم معافى^^..

**سوارة** · 2011-04-08, 12:46

الموضوع: كنت حامل وسقطت !

أدوات الموضوع

عرض

كنت حامل وسقطت !

المزيد من آخر المواضيع من نفس القسم:

المواضيع المتشابهه

وسقطت ورقة .....

كنت حامل وسقطت

حملت وسقطت ..الحمد لله على كل حال

اول حمل وسقطت ساعدوني خواتي

حملت وسقطت.....