الدين النصيحة ... انصحوني خواتي

**لصة شوكولا** · 2011-04-07, 01:08

بسم الله الرحمن الرحيم

السلام عليكم ورحمة الله وبركاته

خواتي انا بكتب لكم السالفة بختصار وياليت كل وحدة تعتبرني اخت لهاا وتنصحني .

السالفة هي :

وحدة من الاهل ( يعني من بعيد بينا وبينهم بس اتصالات بين الحريم واحيانا بالاعياد نشوفهم )

اتصلت وخطبتني لولدها وبعد فترة اتصلت وقلنالهم حياكم .

المهم مر شهر شهرين ثلاث وصار لين الحين تقريبا 8 شهور بعدهم ما يونا .

ام الولد تتصل يعني بالشهر مرة تسلم و تسال عن احوالنا ومرة تعذرت على التاخير لان الولد يدرس ومن فترة خلص دراسته .

اللي صار ان امي وابوي يشوفون ان الموضوع مو منطقي يبون على الاقل يتصل ابو الولد بأبوي ويقدم له مبرر مقتع ( للعلم ان ابو الولد بعده ما رمس ابوي بالموضوع ) واحنا مب مستعيلين وساكتين لانهم اهل .

فامي تقول لي بخبرها المرة الياية اذا مش ناوين على شي ان ننهي الموضوع ونظل اهل لان حرام نرفض اللي يتقدمون على فاضي .

انتو شرايكم خواتي شو ارد على امي ؟؟

لا تنسون ان الدين النصيحة وفي ميزان حسناتكم ان شاء الله والله يحقق امنياتكم يا رب

المزيد من آخر المواضيع من نفس القسم:

**صاحبة السمو85** · 2011-04-07, 01:15

اللي تشووفه الغاليه صح

وربي يكتب لج اللي فيه الخير يارب..

سلمي على الوالده الله يحفظها لج

**سراب الحياة** · 2011-04-07, 01:18

في راي وجهة نظر امج صحيحه
لازم تكلم ام الولد وتشوف شو قرارهم
حرام يعلقونج على الفاضي ويمنعون رزقج ويبعدين احتمال رفضهم وارد
يحسمون الموضوع احسن بدال التأجيل

*** ام خماس *** · 2011-04-07, 01:24

حبيبتي مدام انهم مااردوا عليكم فهذاا معنااه انكم حريين ^^

يعني اذا تقدم لج انساان غير ولدهم رياال مصلي واخلاااق فتوكلي على الله

لانهم ماا تكلموا ولااا استوت خطبه .. مثل مااقاالت الواالدة الله يحفظهااا ^_*

الله يرزقج الزوج الصاالح عنووووني

**نية صافية** · 2011-04-07, 01:26

كلموهم و شوفوهم عسب تحددون كل شي بشكل واضح
و مب حلوة يعلقونج جيه يمكن حد ثاني يبغي يخطبج
الله يوفقج الغاليه

**العهود111** · 2011-04-07, 01:26

حبيبتي شكله الام تباج بس الولد رافض لانه مايعرفج او لأسباب ثانيه

واكيد ام الولد مستحيه ومب عارفه شو تقولكم وكيف تكنسل الموضوع

لأنه مب معقوله يتمون 8 شهور ولا يخطبون رسمي

صلي الاستخاره قبل كل شي

والله بيسهل الامور كلها

والي فيه الخير بيصير

والسموحه منج على هالرد بس نحن خوات

**bellegirl** · 2011-04-07, 08:04

الله كريم

غاليتي

بنظري كلام الوالدة صحيح

والي يبغاج أختي لازم يتقدم رسمي أول شي للخطبـة

وبعدها يسوي الي يبغى يسويه

بس المهم ان كل شي يكون رسمي وجدام الجميع ^^

**pinky pearl** · 2011-04-07, 10:49

كلام انج صح

هذا المفروض يستوي

لاتموا تتريون على الفاضي .. يمكن الولد غير رايه وامه مستحية تقول

فاحسن امج تتكلم

**الأحلام الملونة** · 2011-04-07, 12:16

الله يكتب لك الخير حبوبة

**فجــر الليالي** · 2011-04-07, 12:57

:
:

حبوبهـ ..
انت {مب} مخطوبهـ لهـ رسميــاً {دامه مآ يآ} بيتكم
هو ولا أمه ع الاقــل ..
فـ لآآآآ ترفضون أي حد و تضيعون الفرص اللي
يمكن اتكون أحسن عنه ..

و عشآن اتكونون ع البر أكثــــر ..
اذا يا حد غيره ، خله أمــج تتصل فـ أمه
و اتقولهم انه في حد خطب بنتي غيركم ..
فـ جآن بعدكم تبونهـآ حيآكم البيت و كملو الأمور {رسميـاً} ..
و ان كانت ظروفكم مآ تسمح ..
فاسمحولنا كلن يروح فطريجه ..

:
:

**اهلين و سهلين** · 2011-04-07, 13:16

دام في ناس يتقدمون لج توكلي ع الله ولا تترييين ولدها

**يتيمه فرحتي** · 2011-04-07, 13:21

إذا تقدملج واحد ثاني خلي أمج تقول حق امه عشان يحدد موقفه ( يا نعم يا لا )
وحده من ربيعاتي خطبها واحد وتم محيرنها لا ملج عليها ولا شي والمدة طالت وكله يتحجج
وآخر شي خطبها واحد ثاني ويوم قالو له إن فيه واحد ثاني يباها قال خلاص هالأسبوع بملج عليها خخخخخ
يعني ما تحرك إلا يوم خطبها واحد ثاني وسبحان الله ملجو وعقب شهرين العرس.
الله يوفقج حبوبه ولا تسكتون عن الموضوع

**درة دار زايد** · 2011-04-07, 13:25

المشاركة الأصلية كتبت بواسطة * ام خماس *

حبيبتي مدام انهم مااردوا عليكم فهذاا معنااه انكم حريين ^^

يعني اذا تقدم لج انساان غير ولدهم رياال مصلي واخلاااق فتوكلي على الله

لانهم ماا تكلموا ولااا استوت خطبه .. مثل مااقاالت الواالدة الله يحفظهااا ^_*

الله يرزقج الزوج الصاالح عنووووني

**آم غآنم** · 2011-04-07, 13:30

انا الصراحه مع امج ...
و مش دايما يكون في كل تاخيره خيره ...
اتمنى لج التوفيق فحياتج يا رب

**{ آحلى دلع ..** · 2011-04-07, 15:08

كلآم الوآلـدة عين العقل ^_^ . .

آلله يكتب لج آللي فيه آلخير !

الموضوع: الدين النصيحة ... انصحوني خواتي

أدوات الموضوع

عرض