كلام أقوله للزوجات

**على خطى السلف** · 2011-04-05, 12:24

[FONT="Book Antiqua"]السلام عليكم ورحمه الله و بركاته

شحالكم بناات ،،، بخبركم مشكلة ربيعتي والله يا بنات دايما ربيعتي تتصل فيني تشتكي لي من زوجها تقول 24 مضاايق و تقول انا ما مقصره معاه بس ما اعرف ليش يسوي كل هذا و هي عايشة في بيت اهل زوجها و عزمتها عندي ف البيت و سألتها أسئلة

قلت لها : انتي تصلين كل صلواتج و تقولين الاذكار بالصبح و المساء و تقرين القرآن
قالت : والله أسوي كل هالأمور

قلته لها : انتي غرفتج دايما نظيفة و الحمام دايما نظيف قالت : مب دوم انظفها أحيانا ،،،
قلت لها : هذا أول سبب
السؤال الثاني : دايما تتكشخين و تلبسين له قالت : مب دايما و انا ما احب المكياج واايد
قلت لها : هذا ثاني سبب

السؤال الثالث : تطبخين لها وتسوين له حلويات و سويتات
قال : لا أبدا بس أساعد أهل زوجي
قلت لها : هذا السبب الثالث

قلت لها : والله سوي كل هالامور كل يوم مب احيانا اذا ما حسيتي بتغيير سوي اللي تبينه

و والله يا بنااات بس أسبووع راتصلت فيني تقول والله زوجي صار واحد ثاني حتى يقولها شو صاير فيج صايرة تلبسين و تكشخين ،، و حتى علمتها تسوي حلويات و صارت شوي شوي تتعلم مني

الزوج دايما يحب يدخل عرفته او بيته يكون نظيف و الريحة تكون حلوة
يحب دايما يشوف زوجته متكشخة و متعدلة خلي يحبج و يتعلق فيج و ما يفكر ف غيرج
،،
يعني شي أزواج يوم يروحون يتسوقون يشوفو حريم متمكيجات أكيد يقول بخاطره ياريت الحين ارد البيت أشوف زوجتي متلبسة و متمكيجة و ينصدم لما يرد يشوفها قاعدة ع اللاب او تلعب العيال و شكلها يخررع شعرها من شهر ما ساحتنها و ما حافة ايدها و ريولها و الجحال سايح مال البارحة و و الريحة ريحة أكل،،حتى لو انتي ف بيت عمتج ،،حاولي ترقدين العيال و تتكشخين مب لازم يكون بليل حتى العصر مثلا و مب لازم تكونين عند اهل ريلج 24 ساعة ،،والله لو تحسين ان ريلج ما يعاملج اوكي فكري قولي انا مقصرة معاه بشي لان والله أكثر الرياييل يكونون مضاايجين بسبب تقصير حريمهم ،، أنا اعرف وحدة الله يستر عليها تقول انا24ساعة ع الجات و تقول ما اتعرف الا على متزوجين و تقول والله يكسرون خاطري ،،تقول والله العظيم لما اقولهم ليش تدخلون الجات يقولون حريمنا مقصرين معانا و خصوصا من ناحية الكشخة تقول واحد منهم يقول والله اني اشتري لحرمتي لبس نومي ويقول تلبسه مرة و مستحيل بنفس اليوم تلبسه و واحد ثاني يقول : حرمتي همها كلها عيالها ما تهتم فيني ،،و واحد ىيقول :يوم اكون ف الدوام اتصل لها تكون كله مشغولة و يقول اشوف ربعي يكلمون حريمهم و وااااااايد اموور اذا بكتب كل شي الصفحة ما راح تكفيني ،،عالعموم انا بس بغيت أنصحكم لا تقصرون ف رياييلكم ،، والله انتو السبب ف خيانتهم و وايد امور ،،،و السموحة و اذا عندكم اي استفسار او مشكلة طرشولي رسالة ع الخاص فأنا حاضرة ما راح اقصر معاكم ،، [/FONT]

الكلام بسرعة بسرعة ،،، بتحصلون تنقيعات وايد ،، انا متزوجة و كملت 3 سنوات و والله ما أجامل بس أنا أحس اني أسعد زوجة ف هالدنيا ،، بسبب عدم تقصيري مع زوجي و احترامي لزوجي و الحمدلله على كل حال ،،و السلام عليكم

المزيد من آخر المواضيع من نفس القسم:

**سوارة** · 2011-04-05, 12:26

**remalfala39** · 2011-04-05, 12:33

أختي موضوعج حلو
بس أحس المفروض الحين البنات / الحريم ها السوالف بالنسبالهم صارت معروفة
من ما تعرف ها الشغلات الحين بس المشكلة انهن ما يسونها

انا اايدج 100%
و الله يهدي الجميع

أنا متزوجة من 8 سنوات واحس انهم اروع سنوات عمري الله لا يغير علينا

**جرح وحداوي** · 2011-04-05, 12:35

يزااج الله كل خيير.

**أم سيفان** · 2011-04-05, 12:39

صح كلامج

بس بعد شي حريم يكشخن وكل شي و ماتحصل كلمة حلوة من ريلها

يعني بدال لا يقعد ع الجات و يفتح قلبه للغرب

خله يصارح حرمته ويتحاور وياها عشان حياته تتعدل

و مشكورة ع النصايح الحلوة

**حزن قلبي** · 2011-04-05, 12:41

لا حبيبتي مب كل الحريم مقصرات في رياييلهم و عن ربيعتج اللي تدخل الجات ، مب كل شي ينكتب و ينقال في الجات صدق ، لازم الريال يوم بيدخل الجات بيطلع مليون عيب في حرمته ، و اللي يقول لها ان حرمته ما تكلمه ، اصلا لو تلاحظين ان معظم الحريم يشتكن من رياييلهم من قلة الكلام وياهم . الله يعين الجميع.

**بلوووله** · 2011-04-05, 12:41

مشكوره الغاليه على هاي النصايح بس بصراحه تضايجت من ربيعتج اللي ترمس الرياييل نصحيها ترا الريال يوم يبا يرمس اي وحده لازم بيقول ان حرمته مقصره اكثر الرياييل يوم يخونون حريمهم يطلعون الف عذر وهاي الاعذار احيانا تكون غير موجوده اصلا وفي حريم مب مقصرين ويه رياييلهم وبعد الريال يخووووون بس هذا مايمنع ان الحرمه تكون على اكمل وجه هي المسكينه تحاااول بشتى الطرق وهو مب عايبنه شي( مب الكل )واسمحولي طولت عليكم

**سدره المنتهى** · 2011-04-05, 12:48

انزين الغاليه فيدينا اكثر .. انا اريد اعرف الريال شو يريد من حرمته .. كشخه, ريحه حلوه , بيت مرتب , كلام حلوو شو بعد ؟؟؟

**زيباشو** · 2011-04-05, 13:59

المشاركة الأصلية كتبت بواسطة سدره المنتهى

انزين الغاليه فيدينا اكثر .. انا اريد اعرف الريال شو يريد من حرمته .. كشخه, ريحه حلوه , بيت مرتب , كلام حلوو شو بعد ؟؟؟

وتادية الواجب الليلي على اكمل وجه خخخخخخخخخخخخ

الريال يبا ويبا ويبا ويبا ويبا ويبا ويبا ويبا ويبا ويبا ويبا ويبا

اكمل

ويبا ويبا ويبا ويبا ويبا ويبا ويبا ويبا

بعد شو؟؟؟؟؟؟؟؟؟؟؟؟؟؟

مشكورة اختي على النصايح ..وكلامج صح ،، المفروض الحرمة تادي واجبها على اكمل وجه عشان ما يكون في عذر للريال انه يقصر معاها

**مشوطه** · 2011-04-05, 14:04

صدقتي بكل كلمه قلتيها وانا من يومي وادخل على المجلات وقسم الحياه الاسريه اتعلم ولله الحمد واتمنى هب مقصره في ريلي والله يهدي الجميع

**على خطى السلف** · 2011-04-05, 14:05

تسلمون على الرد و جزاكم الله خير

و والله اني كلمت الحرمة اللي تحدر الجات و الله بيعاقبها على اللي تسويه ،،

الموضوع: كلام أقوله للزوجات

أدوات الموضوع

عرض

كلام أقوله للزوجات

المزيد من آخر المواضيع من نفس القسم:

المواضيع المتشابهه

ما الذي أقوله في سجود الوتر

محتاره اسمع كلام ريلي واخته ولا كلام امي وامه ><

أقوله اني ادري ولا لا؟

شو حل الوحده اذا كانت ما تكتم اي كلام وتتاثر باي كلام بشكل كبير

أبغي أقوله بس استحي