احتجاااج تعالو يا حريم يشجعون ع لزوج من ثانية

**يدوه صغيره** · 2011-04-04, 15:49

استغفر الله

صدق هذا خراب بيوت

الله المستعان

**ريماني 1** · 2011-04-04, 15:50

متيازات تشجيعية منها أن يحصل الزوج على منحة صندوق الزواج ومنزل حكومي على أن يسجل باسم الزوجة الثانية لضمان حقوقها،

وليش هالامتيازات مايشوفها يوم تزوج الاولى شو هالظلم حسبي الله عليهم

**اصايل الشامسي** · 2011-04-04, 15:54

حسبي الله ونعم الوكيل
يعني بدل ما يعطونا نحن بيوت ومتيازات يخربون بيوتنا ليش
شكله الطلاق بيزيد وبيتشرد اليهال

**hidden_moon** · 2011-04-04, 16:05

هم خل يعطون اللي ماخذ زوجه وحده بيت عقب يشوفون حل حق الثانيه...
صدق الفاضي يعمل قاضي

**طي السنيين** · 2011-04-04, 16:05

تكلم من غير ما يدرس الموضوع من كل الجوانب والا الحلول لحل المشكله سهله

مثلا :

ينزل قانون بمنع الشباب المواطن من الزواج من غير المواطنه يعني يـأاخذ مواطنه الشاب
لو كل شاب مواطن خذ مواطنه ما بتستوي ازمه
وحتى الي يبي ياخذ الثانيه والثالثه والرابعه ما يأخذ الا مواطنه

هذا من وجهة نظري من القوانين الاساسيه لحل المشكله

والا شو رايكن ؟

**حبيته بجنون** · 2011-04-04, 16:14

وصلني الخبر ع البيبي

وشكله اللي منزل هالقرار مسونها ومتزوج وخايف لا ينكشف المستور

وتلعن بو اسلافه خخخخخ

خليه اقول يجهز بيت للاولى عشان يقدر يفتح بيت للثانيه خخخخ الحمدلله والشكر بس

**ام وعووودي** · 2011-04-04, 16:33

الحين اذا حلو مشكلة العنوسه في الدوله بتكثر حالات الطلاق والشباب بيعنسوووووووووووووووون هههههه كيف بيحلون هالمشكلتين
وبعدين خلهم يصرفون بيوت للعوايل عقب يرمسون عن هالمواضيع الفاضي يعمل قاضي على شي مادرسه من كل النواحي

**CUBA** · 2011-04-04, 16:35

يالله لاااااااااااااااا هاللي ناااقص بعد

**راك_84** · 2011-04-04, 16:36

شو ها الكلام
يعني نحن متزوجين و عندنا عيال و لين احين نحلم بالبيت
و الزوجه الثانيه اتيي على طول تحصل بيت و زوج مره وحده
و بعدين اللي متزوجه و يالسه في بيت ابوه يخليها في بيت ابوه و هو يسير يتهنا معاها في بيت روحهم
و الله مصخره

**دلوعه حمودي** · 2011-04-04, 16:44

قرار غبي والله غبااااااااااااء منهم هدا مب حل هدا خراااب

**pixy** · 2011-04-04, 16:44

خخخخخخخخ الحين كل متزوجة في رعب....

والريل من الله يتريا القرار كيف يقولون كان حلم مستحيل وتحقق هههههههه

بس عذرا كل وحدة تحترم العزوبية بدل تقول عانس ولا تقول تراه العوانس يستانسو ولاتقولون حراااااااااااام والله ماحرمة... ( مَا يَلْفِظُ مِن قَوْلٍ إِلا لَدَيْهِ رَقِيبٌ عَتِيدٌ ) تذكري أن الله يراك

**أنــــاقـه** · 2011-04-04, 16:46

بنات هي مجرد فكرة مطروحة مب قرار نزل وتثبت!! (لا سمح الله)

الفكرة جيدة من نواحي وسيئة من نواحي اخرى..
نحن مانرضى ازواجنا يتزوجون علينا.. انا بالنسبة لي الزواج الثاني يعني طلاقي كأولى.. بس يمكن وحده ثانية زوجها مقصر معاها كارهتنه وكارهه العيشة وياه وبنفس الوقت ماتبا تطلق.. ماتفرق عندها يتزوج ولا مايتزوج.. في هالحالة ممكن يتخذون هالحل!!
بس بشكل عام.. ما اشوف ان تشجيعهم الزواج الثاني بهالشكل فكرة جيدة.. لأن شبابنا جاهلين في الامور المهمة من الناحية الدينية في التعدد.. مب كلهم.. بس اقدر اقول الاغلبية..

واحب اقول.. الافضل يتم تركيز الاعلام على نشر الوعي والثقافة الاسرية الجيدة.. نحن محتاجين ازواجنا يتعلمون واجباتهم تجاه بيوتهم وحريمهم وعيالهم.. محتاجين مساكن.. بدال مشاكل اهل الزوج اللي ماتخلص.. واللي غالبا تؤدي للطلاق.. محتاجين وظايف لشبابنا .. انا اخوي يبا يعرس وراتبه 8 آلاف!! المجتمع محتاج توعية بغلاء المهور ونواتجه..

امور وايد ومشاكل وهموم وايد عندنا نحن المواطنين..
ويوم تنحل كل هالامور.. افتحوا القضايا الثانية!!

**بسمة الشتاء** · 2011-04-04, 16:48

هو حل للي وضعه يلزمه زوجة ثانية ... ما دامه متزوج ثانية أو مفكر يتزوج ثانية .... خليها تكون ضرة مواطنة
لاني شفت نسبة كبيرة من الكبار في السن (فوق 40 سنة) متزوجين وافدات ومن عدة جنسيات

**لم أعش طفولتي** · 2011-04-04, 16:51

نعم نعم نعم
من حق الزوجه الثانيه بيت حكومي ويتسجل باسمها بعد لضمان حقوقها وييييييين العدل عيل
عيل من حق الزوجه الاولى بعد بيت شرط يتسجل باسمها هي بعد تبى تضمن حقها

**مالكو حاية** · 2011-04-04, 16:54

ولكم في رسول الله صلى الله عليه وسلم اسوة حسنة ..ولكم في الانصار و المهاجرين رضي الله عنهم جميعا اسوة حسنة كذلك
يوم طلق الانصار زوجاتهم لكي يتزوجهن المهاجرين ..لا بل احدهم قال للاخر ان لي 3 زوجات انظر ايهما تسرك اطلقها لك..

انا كنت مع هالقرار ويوم من الايام كتبته في هالصفحات
شكلهم قروا موضوعي ^^

وانا احد من كتب مواضيع هوجاء ضد الوضع الحالي ..
وازدياد العنوسة ..و الطلاق..و الزواج من غير مواطنة
يبدوا لي فعلا ..حد قاعد يقرى مواضيعنا ^^
ويبدو لي ان الله سيستجيب دعائنا بإذن الله تعالى

المواطنات ..يستحقن خواتنا وبنات بلادنا ..وقوفنا ضدهن يعني وقوفنا ضد بلادنا وضد انفسنا ..
وضد بناتنا في المستقبل..

و الله الموفق

الموضوع: احتجاااج تعالو يا حريم يشجعون ع لزوج من ثانية

أدوات الموضوع

عرض

المواضيع المتشابهه

حريم تعالو أباكم ضروري

حريم بني ياس تعالو نتعرف على بعض !!

للي يحبون و يشجعون الصناعات اليدوية..