احتجاااج تعالو يا حريم يشجعون ع لزوج من ثانية

**نواري@** · 2011-04-04, 13:45

الزوجة الثانية

أكد مدير عام هيئة تنمية المجتمع في دبي خالد الكمدة، ضرورة العمل على تشجيع الزواج من ثانية بين المواطنين من خلال منح الزوجة الثانية امتيازات تشجيعية منها أن يحصل الزوج على منحة صندوق الزواج ومنزل حكومي على أن يسجل باسم الزوجة الثانية لضمان حقوقها، كما يجب حرمان الزوج من جميع الامتيازات عند زواجه من أجنبية، مطالباً المواطنات بتقبل فكرة الزوجة الثانية كأحد الحلول الجذرية لمشكلة العنوسة والتركيبة السكانية.

وذكر أن الهيئة أوجدت حلولاً جذرية لمشكلة تأخر سن الزواج، منها طرح خدمة توافق الزواج أو ما يعرف بـ«الخاطبة الحكومية»، التي تتولى توفير فرص زواج للمواطنين، بهدف تشجيع الزواج بين المواطنين، خصوصاً المواطنات اللاتي تأخرن في سن الزواج، وستعمل مراكز توافق الزواج عمل «الخاطبة» في التوفيق بين المواطنين الراغبين في الزواج، وفق شروط تضعها الهيئة منها تقليل تكاليف الزواج وتحقيق التناسب بين الزوجين.
الامارات اليوم

المزيد من آخر المواضيع من نفس القسم:

**عيون المهاااا** · 2011-04-04, 13:52

خلهم يزوجوا الشباب الي ما معرسين مالهم خص برياييلنا لو يبوا يخففوا العنوسه ع قولتهم

**Miss K&A** · 2011-04-04, 13:57

انزين ان زوج الثانيه طلقت الاولي يعني مافي فايده هههههههههههه شكله الكاتب خاطره يعرس

**أم غزلان** · 2011-04-04, 13:57

ان شا الله

جان فيه خير يقول هالرمسه جدام المعرسات

**صاحبة السمو85** · 2011-04-04, 14:00

المشاركة الأصلية كتبت بواسطة عيون المهاااا

خلهم يزوجوا الشباب الي ما معرسين مالهم خص برياييلنا لو يبوا يخففوا العنوسه ع قولتهم

ههههههههههههههه ضحكني ردج الله يحفظج ويخلي لج ريلج ..

بالنسبة للمووضوع فكره وايد حلووه ويزاهم الله خير ..شي طيب بصراحه

بس صح اول خلي يخلصوون اموور الشبااب وعقب يدورون حل للعنووسه عند المتزوجين خخخخخخخخ

**موزه عبيد** · 2011-04-04, 14:00

!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!

**خوخه22** · 2011-04-04, 14:01

ليش يعرس دامه مرتاح مع زوجته هدا خراب بيوت حراااااااااااااااااااام

**فــطــامـي** · 2011-04-04, 14:08

هجوووووم يالمعرساااااات

**عود ودهن عود** · 2011-04-04, 14:17

هيه والله هجوم يالمعرسات شو بنسوي يعني؟؟؟؟

**عيالي وبس** · 2011-04-04, 14:17

انزين انا بسوي وياهم صفقه اخلي ريلي ايعرس بمقابل 2 مليون ما يسوون شي بزمنا كل شيء غالي وارض تجاريه وزراعيه ويدرسولي عيالي بارقى المدارس البريطانيه الداخليه مالي خلق عليهم عوقب ما احصل المليونين بتفرغ لنفسي ويتعهدولي بتوظيفهم بعد التخرج وشو بعد شو بعد هيه يصرفولي راتب شهري 60000 شهريا متواضعه ما ابا اكثر وياخذون عوقبها ريلي ع صحن من الماس هب فضه بعد شعنه الهجوم ماله داعي هم بس ينفذون طلباتيه وانا بكون مسالمه لفت نظريه شيء كل الي طارحات هالموضوع اسمهم ياي من النور الله ينورلهم ايامهم وبدعي الهم اكثر يوم بيسوون الابروف على طلباتيه

**ماحد شراتي** · 2011-04-04, 14:22

مب صاحيين

**رســم** · 2011-04-04, 14:24

أنا أشوف إن سلبيات الفكره رح تكون أكثر من ايجابياتها بوايد
وبدال ما يشجعون زواج الشباب بسن مبكره يعني من الـــ 25وفوق .. يحثون على الزواج من ثانيه ..
ترى الشباب اللي فوق سن الثلاثين ومب معرسين وااااااااااااااااايد...
جايز رح يحلون مشكله العنوسه .. والطلاق اشلون رح يحلونه في حال رفضت الزوجه الأولى زواج ريلها ..

**الحنونه ^^** · 2011-04-04, 14:25

يا سلام شو ها القرار !!!!!!

الحين القرارمع المتزوجين والعزابية مساكين؟؟!!

اول شيء ليش ما يزيدون منحة الشباب العزابية ويعطونهم بيت.. مب يملج وايعرس والمنحه بعدها مانزلت ..وايقولون ضغط على الميزانيه!! يذلونه ذل على المنحه.

ثاني شي ليش ما ايكون في تشجيع على البنت اللي فوق الثلاثين مثلا 100 الف مثل المطلقة والأرملة..
يعني بس فالحين يخربون بيت الاولى !!
لا وبعد يعطونه منحه والبيت باسم الثانيه!! والاولى ام العيال البيت باسم الريال.!!

الحين البنت ما بتاخذ عزابي يفرها بدون بيت.. تاخذ لها متزوج علشان يسجل البيت باسمها لا والها في نصيب في بيت الاولى بما انه باسم الريال..

القرار محتاج تعديل..

**لحظات عابرة** · 2011-04-04, 14:26

المفروض اي مواطن ياخذ وافدة ينحرم من بعض الامتيازات وبتقل العنوسة

**نايله2007** · 2011-04-04, 14:26

الرياييل وحده ومب قادرين يوفونها حقها ليش ياخذ الثانية علشان يبهدل الثنتين

الحرمة كيف تقدر تربي عيالها اذت انبطت جبدها من ابوهم

هذيلا يبون يسوووون مشاكل وفتنة لا اكثر ولا اقل وعلشان تزداد مبيعات الجريدة

ومنو قال الشباب يبون الثانية مواطنة لا وحياتكم اول شي بيدور على المغربيات وبنات بلاد الشام

بعدين انا عندي فكرة احسن اللي مو معرس ومعدي سن الثلاثين ياخذ ثنتين مرة وحده علشان محد يزعل

هااا شو رايكم

الموضوع: احتجاااج تعالو يا حريم يشجعون ع لزوج من ثانية

أدوات الموضوع

عرض

احتجاااج تعالو يا حريم يشجعون ع لزوج من ثانية

المزيد من آخر المواضيع من نفس القسم:

المواضيع المتشابهه

حريم تعالو أباكم ضروري

حريم بني ياس تعالو نتعرف على بعض !!

للي يحبون و يشجعون الصناعات اليدوية..