شوفو مكر العياييز

**لحظات عابرة** · 2007-07-12, 16:11

يقولون كان فيه هناك عجوز انشهرت بمكرها وخبثها....وكانت مشاكلها ماتخلص....

حتى انها قامت اتنافس الشيطان في شغله...وخربت عليه مشاريعه...وطقت جبده منها.....

فجاها في يوم وقال لها:اما تتركين لى الديره والا اتركها!!!

قالتله:انا مانى تاركه ديرتى وانت كيفك...

قالها: انا عندي حل....

قالتله: سمعنى...........

قالها: انتى اتسوين مشاكل وانا احلها....ان حليتها تتركيلى الديره....وانما قدرت اتركها.....

قالت: خلاص تم .......

وتفارقو....وراحت العجوز لتاجر...وقالتله: ابيك تعطينى قطعة خام مالها اخت فالديره...

قالها: ابشري بس ليش تبينها نادره؟؟؟

قالت له: اولدي بيقدمها لمرة يحبها ومايبي احد يلبس مثلها من كثر غلاها....

وعطاها التاجر طلبها وراحت....ويــــــــــــن؟؟؟

لبيت التاجر....وطقت الباب وفتحتلها مرة التاجر قالتلها العجوز: يابنيتى الاذان اذن والصلاة..

اخاف تطوفنى ماتخلينى اصلي عندج؟؟؟

قالت لها المره: حياج الله تفضلى......ودخلتها المرة وراحت اتسوى القهوه....والعجوز في

الغرفه يعنى تصلي...التفتت العجوز الا المره مشغوله قامت وطلعت قطعت القماش النادره

وحطتها تحت المخده ... وتقهوت وطلعت من عند الحرمة ....

وجا التاجر كالعاده وتغدا....وراح للغرفه ينسدح الا المخده عاليه مهب عادتها...قام ورفعها...

الا الخامه الى عطاها العجوز تحتها...والله وتعكر وجهه واعتقد ان زوجته هي حبيبة ولد

العجوز....فنادا المعزبه وقال: اجمعى اغراضج بوديج لهلج....المره استغربة واسالته بس

مارد عليها والمسكينه اسكتت.....

وهذي المشكله الاولى....

نرجع لعجوزنا....العجوز اسمعت ان ولد السلطان بيمر من طريق بيتها....فقالت في نفسها:

وهذي المشكله الثانيه يا ابليس.....

راحت العجوز وشرت خلطة عطورات وزعفران وهالطياب الحلوه واخلطتها بالماي....

وقعدت على السطح تحتري ولد السلطان يمر.....يوم مر وقومى وكبي عليه الماي الخلوط...

بالعطورات....وانزلت تركض وهى تصيح....العفو ياطويل العمر العفو...

قالها : وش تعذرين منه ؟؟؟

قالت: بنتى مادرت وكبت عليك الماي حق وسخ شعرها<<....

قام ولد السلطان شم الماي المكبوب على ثيابه....الا الريح الى يزوغ العقل.....

وقال في نفسه: وش هالبنت الى وصخ شعرها عطر!!!!

قال للعجوز: بنتج هذي معرسه؟؟؟؟

قالت: لا ياطويل العمر..........

قال: اتزوجينى ؟؟؟

قالت: إلنا الشرف ياطويل العمر............

قال : بكره يجيج مهرها..........والاسبوع الجاي العرس.........

قالت:...الى تامر عليه يصير ياطويل العمر........

وهذي المشكله الثانيه............

وجت العجوز تمخطر وتضحك........قالت: ابليس قدامك مشكلتين....رجال فارق امرته..........

وسلطان اعرس على مره مالها وجود......ورنى شلون اتحلها

فكر ابليس واجد لين انفجر راسه......قال لها: انتى حليها وانا اتركلج الديره بالى فيها......

قالت: خلاص خلك عند هالوعد وجمع اغراضك........

قامت العجوز اليوم الثانى...واخذت سجادتها...وراحت لبيت التاجر وطقت الباب......

طق طق فتحلها التاجر..يوم شافها اطلعت اعيونه قالت: ياوليدي المره وينها؟؟؟

قالها: وش تبين فيها طبعا ابغضب...............

قالت: جيتها هاك النهار ونسيت عندها خامة شريتها لمرة ولدي يحبها...والحين انا جايتن..

اخذها بعد ماذكرت انا وين ضيعتها.....

طبعا التاجر فرح وعطاها الخامه وراح يركض لاهل امرته...وحمد ربه انه ماعلمها وانه ..

ماطلقها.........هذي المشكله الاولى انحلت بقي المشكله الثانيه وش يحلها؟؟؟

قعدت العجوز اتفكر وجابت بقشة مكرها وانثرتها قدامها.....وقامت اتقلبهن طبعا الافكار....

العرس قرب والعروس منين اجيبها؟؟؟ جذيه كلمت نفسها...

قالت مالى الا بير الجن هم الى بيحلونها لى........وراحت للبير في الليل...وانقزت داخله....

لقت الجن زعلانيين ومحد يرد عليها.......واسألتهم: وش فيكم؟؟؟

قالولها: ولد كبيرنا....مريض ومحنا عارفين اعلاجه......

قالت: دواه ان شاء الله عندي....بس عندى شرط............

قالو: اطلبي الى تبينه وابشري...........

قالت: ادبرولى بنت مزيونه من عندكم ازوجها ولد السلطان......

قالو: تــــــــــــــــــــم.....

وفعلا بعد الله عالجت ولدهم.....واتفقت معاهم على شنو؟؟؟ تابعو....

جت العجوز يوم الجمعه....والناس اتصلى.....ولد السلطان معهم.....وتجيب هاك الجذع الى

وش كبره.....وتقطه وسط الجليب<<...البير......وتصيح.....طبعا صوت الجذع داخل الجليب

قوي....وجو الناس يركضون من المسجد وعلى راسهم ولد السلطان.....وش فيه وش فيه؟؟

قالت وهى تصيح: بنتى طاحت في الجليب........
قال ولد السلطان: انزل اجيبها......

قالت :لالالالا محد يطلعها الا انا اخاف انها مكشوفه وانا مابي احد يشوفها في هالوضع.....

وجابو احبال ونزلو العجوز....يوم اوصلت لقاع الجليب الا الجن جايبين هاك البنت اللى تزوغ

العقل...واخذتها منهم....ونادت الى فوق...الحمدلله بنتى مافيها الا العافيه...اسحبونا.....

واسحبوها هي والبنت الى يعنى بنتها....وحمدولها بالسلامه....وقالت العجوز: الحمدلله...

بنتى مافيها الا العافيه والعرس في وقته ياطويل العمر....وطويل العمر فاتح فمه بنت الجن...

خذت عقله.....واعرس عليها..<<.
وجت العجوز لبليس وهى تضحك.....وقالت له: وين الوعد؟؟
قال لها: تاركها لج ورحل من الديرة....

مكر العجايز غلب مكر ابليس......

منقول

الموضوع: شوفو مكر العياييز

أدوات الموضوع

عرض

شوفو مكر العياييز

المزيد من آخر المواضيع من نفس القسم:

المواضيع المتشابهه

شوفو كيف

دعاوي العياييز الجديمة....