زوجــــــة ثانية

[albodor]

هلا بخوااتي الاماراتيات يالبى قلبكم , اليوم حبيت اطرح موضوع شوي حساس عن المرى المطلقة لمى فرصها تقل ويتقدملها ناس متزوجين ويبون الثانية ياترى هل بيكون زواج مستقر والا بيكون زواج مؤقت ويطلق بعد فترة

و ماهي الاسباب المقنعة للتعدد وانة يبغى ثانية ؟ وهل فية ظلم لي زوجتة ؟
وهل الزواج مثل هذا ناجح ام فاشل وبتسودة المشاكل ؟

انا طرحته عندنا بمنتدياتنا وحبيت اطرحه هنا واسمع رايكم ونصائحكم الرائعة دائما

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[أم سيّافي]

اكيد بتكوون الاولويااااات كلها للزوجه الاولى


انا ضد تعدد الزوجاااااااااات

[**أم غزلان**]

انا ماشوف ورا التعدد غير خراب البيوت

صح الدين حلل اربع لكن باسباب

يعني الزوجه الاولى مريضه ولا عقيم وماتيب عيال او اخلاقها زفته تنفر الزوج في اسباب

بس ريايييل هالزمن وقبل بعد يتزوجون على حريمهم بدون اسباب مقنعه والحرمه المسكينه ماتكون مقصره في شي شاله البيت والعيال والريل والطباخ والكراف ها كله مايبين في عينهم .....

يعني الحرمه اللي مب مقصره حرام الواحد يتزوج عليها واصلا الرياييل تفكيرهم جنسي فقط اسمحولي على هالكلمه مب لله ياخذون الثانيه !!!!

[أم خالد الحلو]

هلا بخوااتي الاماراتيات يالبى قلبكم

هلا بج زود حبيبتي

اليوم حبيت اطرح موضوع شوي حساس عن المرى المطلقة لمى فرصها تقل ويتقدملها ناس متزوجين ويبون الثانية ياترى هل بيكون زواج مستقر والا بيكون زواج مؤقت ويطلق بعد فترة

يعتمد على الرجل نفسه هل أخذها للمتعة أو أخذها فعلاً لأنه يبيها .. واذا كان صادق فالزواج بإذن الله بيكون مستقر

و ماهي الاسباب المقنعة للتعدد وانة يبغى ثانية ؟

الاسباب كثيرة .. مب شرط يكون في عيب في الزوجة الاولى .. بس أسباب ثانية تخلي الرجل يلجأ للزواج الثاني حتى لو الزوجة مب مقصرة

وهل فية ظلم لي زوجتة ؟
ما اعتقد بيكون في ظلم .. وما نقدر نتكلم في مثل هالامور .. دام الشرع أباح التعدد

وهل الزواج مثل هذا ناجح ام فاشل وبتسودة المشاكل ؟

طبيعي لازم تكون في مشاكل وهالشي يعتمد على الزوجتين والرجل نفسه ..

يعنى الرجل يمكن يكون عادل ويمكن لا ..

لو عادل طبيعي بتصير غيرة بين الزوجات .. لو ما كان عادل فالمشاكل بتكون أكثر

انا طرحته عندنا بمنتدياتنا وحبيت اطرحه هنا واسمع رايكم ونصائحكم الرائعة دائما

هذا رايي في الموضوع ونصيحيت للي تقدم لها رجل ذات دين وخلق .. تسخير ربها قبل ما تتخذ أي قرار ^_^

[ღcute girlღ]

[MEMOIR]

ربي يسعد الجميع ..

[سوارة]

[افاهم]

طبعا مليون بالمية أنا ضد تعدد الزوجات

[ام سيفوه1]

لي ما قدر الاولى ما بيقدر التانية

و نفترض الاولى هب زينه و ما رام يصلبها أونه بيقدر ع التانية اذا طلعت شرات الاولى

ما في حد كامل لهذا بقول حق الرياييل فكرو في عيالكم و خليكم مع الاولى

[@شوق@]

هذا نصيب اول شي
ثاني شي لازم الكل يخاف رب العالمين عشان العلاقات بينهم تكون صحيحة

والله ماشرع شي الا وله سبب سبحان الله حكمة واحفظ من الفساد من وجهة نظري بدال مايكون ماخذ وحده وشغال لعب

واهم شي يكون زوج صالح يخاف ربه

وربي يسعد الجميع

[غلا القحطاني]

الموضوع كله يعتمد ع الرجل نفسسه

[طيف الغربة]

شوفي الغالية اغلب رجال هالزمن الهدف من وراء الثانية زياده المتعه

لا هدفهم للاسف التقليل من العنوسة او ستر المطلقات ولا يحزنون

واساس التعدد العدل فلو كان الهدف اصلاً هو المتعه كيف بيعدل اخر شيء يفكرون فيه العدل اصلاً هم مش ملحقين على الاولى والبيت والاولاد كل وقتهم عمل في عمل شلون لما تجي ثانية ضيع الجمل بما حمل للاسف

لكن اذا كان هدف الزوج هو ستر المطلقة او فعلاً تقليل العنوسة مع اني ما اعتقد في رجال يفكر كده الا ما رحم ربي فاكيد بيكون زواج ناجح

وفقك الله

[أميرة الوجدان]

اخت غلا قحطاني كلامج صح

الاخت طيف الغربة وزواجه الاولاني مب متعه بعد اي شاب يعرس يفكر بمتعته اولا والاشيا الثانية تيي

كل حد وقسمته ونصيبه في هالدنيا سواء الانسان رضى او لا
الي يخرب بيوت الناس هي الي ماتخاف الله يعني ماتخليه يعدل بينها وبين الثانية
والريال لو حبستيه بغرفة وناوي يعرس بيعرس
لو يبا يلعب ويروح للحرام وتكون له عشيقه بتكون له عشيقة
اهم شي الريال الي يخاف الله
واي وحده تاخذ متزوج او اي حد ثاني مب متزوج تستخير

ذكرتوني بناس فكرة تعدد الازواج عندهم مرفوضة ولما يعرفون حد تزوج على زوجته وهات ياكلام
سبحان الله بعض بناتهم خذوا معرس ولا عليهم وماهتموا من كلام الناس وماشا الله مرتاحات
يعني الانسان مايعرف شو يصير له ووين نصيبه

وكل شي نصيب والله يوفقج الجميع

[طيف الغربة]

اخت غلا قحطاني كلامج صح

الاخت طيف الغربة وزواجه الاولاني مب متعه اي شاب يعرس يفكر بمتعته اولا والاشيا الثانية تيي

كل حد وقسمته ونصيبه في هالدنيا سواء الانسان رضى او لا
الي يخرب بيوت الناس هي الي ماتخاف الله يعني ماتخليه يعدل بينها وبين الثانية
والريال لو حبستيه بغرفة وناوي يعرس بيعرس
لو يبا يلعب ويروح للحرام وتكون له عشيقه بتكون له عشيقة
اهم شي الريال الي يخاف الله

هلا اختي صحيح زواجه الاول بعد متعه لكن في نفس الوقت يكون يبي يكون اسرة واطفال وبيت واستقرار وكده

لكن في الثاني ولا يفكر بتكوين اسرة ولا اطفال ولا اعمم طبعاً هناك من فيهم الصلاح لكن هكذا الاغلبية

حياك

[أميرة الوجدان]

هلا اختي صحيح زواجه الاول بعد متعه لكن في نفس الوقت يكون يبي يكون اسرة واطفال وبيت واستقرار وكده

لكن في الثاني ولا يفكر بتكوين اسرة ولا اطفال ولا عمم طبعاً لكن هكذا الاغلبية

حياك

وفي بعضهم مايبي عيال اول سنة اولى زواج لهم صح او لا يعني هذا لعاب ؟ لا مب شرط
على حسب الريال شوفي اخت طيف الي يتزوج من ثانية مايبي عيال ولا تكوين اسرة ومب صادق انه يبا يعف نفسه فهذا معروف مابيتزوج اولا بس بيقعد يلعب يمين ويسار بالاحرى بياخذله عشيقة مااعرف صديقة والعياذ بالله
تكون متأكده من سبب زواجه
مو ياخذها كم شهر ويعطيها ورقتها معها
بعدين لازم تتأكد من أخلاقه وصلاته

وكل شي نصيب
والله يوفق الجميع