الرحم المقلوب

**nada80** · 2007-07-12, 15:34

السلام عليكم خواتي

الغاليات بغيت اسألكم عن الرحم المقلوب و تأثيره بالحمل؟؟ انا سرت عند الدكتورة كاميليا و قالتلي عندج الرحم مقلوب؟؟ و سرت عند الدكتورة زينب شنار في دبي و قالتلي مائل اشوي يعني مش مقلوب بدرجه كبيره...

و الحين صارلي 7 شهور متزوجه و فعلا ابغي احمل؟؟

قالتلي الدكتورة كاميليا عقب الجماع انام على بطني؟؟ و سويت هالشي و ما صار حمل؟؟ لان هرمون الحليب كان مرتفع عندي؟. و الحمدالله خذت حبوب و رد طبيعي ؟؟ و الشهر هذا على امل باني احمل؟؟ بس خايفه من الرحم المقلوب؟؟

الغاليات اللي سمعت بهالشي او اتعرف حد جيه اتخبرني شو سوت؟؟

المزيد من آخر المواضيع من نفس القسم:

**nada80** · 2007-07-12, 15:54

الله يرضى عليكم خواتي؟ ردو عليه

**شماني1** · 2007-07-12, 16:39

الغاليه الرحنم المقلوب يمنع الحمل ولازم اتروحين عند وحده تمسج وتسويلج تمريخ او تخبين ولازم اتكون فيج الدوره الشهريه وحده من ربعي كانت مثلج والحين الله يبارك عندها ثلاثه يهال وعندي رقم الحرمه اذا تبغينه بس تراها من العين

**nada80** · 2007-07-12, 23:43

شكرا شماني

مشكوره الغاليه على الرد و ماتقصرين يا شماني.. طرشيلي رقمها على الخاص

**الشوووق** · 2007-07-12, 23:58

الغااااااالية يقولون المساح وايد زين في حااااااالتج
والجمااااع في وانتي فيو وضعية السجود وعقب ترقدين على بطنج
هذااااا كلااام الدكااااااترة
الله يرزقج الغااااالية وينولج اللي في بااااااالج

**dubai girl** · 2007-07-13, 01:12

لازم تروحين للممرخه

**Um mzoon** · 2007-07-16, 01:52

المشاركة الأصلية كتبت بواسطة الشوووق

الغااااااالية يقولون المساح وايد زين في حااااااالتج
والجمااااع في وانتي فيو وضعية السجود وعقب ترقدين على بطنج
هذااااا كلااام الدكااااااترة
الله يرزقج الغااااالية وينولج اللي في بااااااالج

انا رحمي انقلب بعد الولاده ... ورحت عند الدكتوره ناديا قالت لي هذا شي طبيعي .. ما في اي مشكله وما ياثر على الحمل وهناك 20 - 30% من النساء يولدون ورحمهم مقلوب .. ولا تروحين يسون لج مساج ولا شي
واختي انقلب رحمها بعد الولاده والدكتوره قالت لها ارقدي على بطنج .. واحين هي حامل
فلا تستعيلين على رزقج ... فالله يقدم الي فيه الخير لي ولج ولبنات المنتدى

**نونوتي مهاية** · 2007-07-17, 04:16

انا اعرف رقم حرمة اتمسح وهي فبوظبي
اللي يبا الرقم يراسلني وبطرشه له وادعولي اني أحمل يا جماااااااااااااااعه

**احلاكن** · 2007-07-13, 02:20

سيري انمسحي الغاليه.....ما بيفيدج العلاج في هالموضوع..الي بيفيدج صدق المساح....في وحده في الذيد ماشالله عليها مستحيل وحده تنمسح عندها وما تحمل...صدقيني شهر شهرين وتحملين بإذن الله.....وحتى تعطيج شراب....تشربينه ويفيدج بكل شي حتى ينظم هرموناتج وهرمون الحليب ...إذا حبيتي تساليني عن مكانها ورقمها خبريني عالخاص

**فطمطم** · 2007-07-13, 02:30

سيري انمسحي الغاليه والله احسن لج

**nada80** · 2007-07-13, 14:38

الشوووق : مشكوره فديتج على الرد و على الاهتمام الله يوفقج يا رب و يرزقج كل خير

Dubai girl: الغاليه تراني حاطه في بالي اذا ما حملت هالشهر بسير عند وحده تمسح، لان الشهر اللي طاف سويت فحص هرمون الحليب و كان مرتفع و الشهر ها الحمدالله رد وايد اوكي.. و ادعولي فديتكن .. الله يرزقج كل خير..

احلاكن: فديتج و الله تسلمين، طرشيلي رقم الحرمة اللي في الذيد، يوم بسير بيت ابويه في الشارجه بسير عندها ان شا الله.

فطمطم: مشكوره على مرروج .. و الله يرزقج كل خير يا رب

**عاشقه زوجي** · 2007-07-16, 04:21

انا سرت الشهر الى طاف للحرمه الى فى الذيد وقالتلى لو ماحملت تعالى بعد ماتغتسلى من الدوره والحين والله مغتسله من 3 ايام ولاسرت انشالله بسير باجر وانا ربيعتى من سنتين ونص ماحملت وماخلت مكان وماشالله سارت لهالحرمه مرتين واحملت وانا متفائله فيهااا وشو نسوي بنسوى الى علينا والباقى ع رب العالمين وادعولناااااااا

**ريحانة الجنه** · 2007-07-16, 08:11

الغاليه روحي عند وحده تمسح احسنلج لان المستشفيات ما بيسوولج شي وانشاءالله عقب اتبشرينا انج حامل

**دانة الصحراء** · 2007-07-16, 20:35

لالالا بالعكس قريت رد وحده من الخوات يقولون ان المساج او الخبان مومهم بالعكس الخبان مهم جدا جدا والا ما بتحملين ابد وعلى فكره الخبان يعور بس فيه فايده باذن الله مضمونه سيري للي في الذيد الي قالت لج عنها احلاكن ترا كلامها صح والله يوفقج ان شا الله بس لاتحاتين باجر بتمزرين البيت يهال وبتقولين ياريتني ما استعيلت الله يوفقج حبوبه

**سيدة البحر** · 2007-07-17, 03:03

أنا الرحم عندي مقلوب طبيعي على كثر ما مسحت ما عتدل والحمدلله عندي ثلاث بنات

الموضوع: الرحم المقلوب

أدوات الموضوع

عرض

العرض المتطور