ابى تعاونكم ؟؟

**دمعه سعيدة** · 2011-03-29, 14:20

بليز ابى ردودكم ونصايحكم وتجاربكم ... انا الحين قررت الشهر الياي اسوي حقن مجهري بس متخوفه اني اتعب واذا ان شاء الله حملت اخاف يبان التعب او مثلااا لازمني راحه .. شو رايكم لازم اقول لاهل البيت اللي هم ام زوجي مثلااا عشان تهتم وتحس فيني ولااا اتكتم عالموضوع ؟؟؟؟ بصرااحه محتاره انتم تعرفون لو درت بتهتم وبتعذرني ولو مادرت اخاف اتعب وماحد يحس فيني ؟ امااانة اللي مجرب يرد ع موضوعي بليز والله محتاجة نصايحكم خواتي لا اطنشون ؟؟ ابى اعرف اللي مجربات انا خايفه اذا حملت اجهض لا قدر الله ..

المزيد من آخر المواضيع من نفس القسم:

**العنود20** · 2011-03-29, 14:24

الغالية إن شاء الله إذا صار حمل خبريها ,. لا تجهزين الدوا قبل الفلعة ^_^

**دمعه سعيدة** · 2011-03-29, 14:33

ههههه مشكورة عالرد انا اكيد مو قبل مااحمل راح اقولها بعد مااحمل بقولها بس الحريم يخوفني يقولن انه تعب ويبان عليج انه وياج توام ومدري شو

**amal2011** · 2011-03-29, 14:39

يعتمد على نوع العلاقه بينج وبينها اذا حسيتي انها مابتخبر احد خبريها تعرفين اهيه اكثر وحده بتدعيلج وبتكون واقفه وياج وبتساعدج اذا تعبتي وبتفرحلج اذا طلعتي حامل واكدي عليها انج ماتبين احد يعرف الابعد العمليه وذكريها بحديث الرسول عليه الصلاة والسلام(اقضوا حوائجكم بالكتمان) اعتقد جيه افضلج اما اذا حسيتي انها بتخبر احد من الاهل احسنلج ماحد يعرف الا عقب العمليه واذا قالتلج ليه ماخبرتيني قولي ريلي قال مانبي نوتر احد معانا عشان اذا ماصار حمل ماحد يزعل علينا وان شاء الله تطلعين حامل وتفرحين بشوفة ضناج عاجلا غير اجل ادعيلي بسوي الحقن المجهري قريب
انتي ساكنه وياها بالبيت والابروحج ؟؟؟

**دمعه سعيدة** · 2011-03-29, 14:46

انا ساكنه وياهم بالبيت ..
انا اخاف اقولها وتخبر حد خالتي من النوع العصبي ومااحسها تحبني ذاك الزود ..واحس لو مادرت اني حامل ماراح ترحمني واحس بعد فيها غيرة لانها من فترة ماحملت هي واخاف تغار مني والله حالتي حاله ... واخاف لو قلنا سوينا انابيب وحقن مجهري بتسوي لنا سالفه بتقول توكم 3 سنين وليش مستعجلين ومن هالسوالف ؟ ياريت ساكنة بروحي والله اهل الزوج مايخلون احد في حاله حتى وانا اعالج احسها بتجن ...

**دمعه سعيدة** · 2011-03-29, 14:48

الله يوفقج ياااااااااااارب ويزرقج باذن وااحد احد بالذرية الصالحه والله يرزق كل محرومه ..

**amal2011** · 2011-03-29, 14:56

اذا انتي ساكنه وياها بالبيت خبريها لانه صدق بيبان عليج حتى لو كنتي مو تعبانه بس نفسيتج تلعب دور خلي ريلج يقولها واهم شئ ماحد يعرف انا يوم قررت اسوي العمليه قلتلها لاني اعرف ريلي مايخبي شي عللى اهله قلتلها قبل مايقولها بس اهيه متفهمه صح دايم اتقولي بعدكم صغار وشو تبوون اليهال بس خلالالااص لين متى سبع اسنين العمر يركض وانتم ثلاث سنين كفايه وخلي ريلج يتفاهم معاها وانتي سوي العمليه وسيري بيت اهلج لين تطلع النتيجه

**دمعه سعيدة** · 2011-03-29, 15:01

بشوف ريلي يقولها بس والله مب متفهمه ولانه من ولدها فهي مااراح ترضى عليه وبتقوله مافيك شي ومدري شوه ولا اتعالج ولاشي دوم تقوله كذي.... والمشكلة زوجي الحين يباني اسوي الحقن المجهري بس مشكلته اونه يقول لوحملتي عاادي كانج طبيعي اونه يعني مارسي حياتج وبلا دلع يعني مايحس .. وانا متخوفه اتعب ومايحس فيني .. ومتخوفه اني احمل بصراحه ماريد اخسرهم لاني تعبت واهو عاادي عننده

**amal2011** · 2011-03-29, 15:13

انا بعد يوم خبرت عمتي حسيتها ازعلت بس قلتلها ان الدكتور قال ان العلاج بالادويه يطول ويلعب بالنفسيه بروحه ريلي معصب واتخيلي مع العلاج شو بيصير واحسن شي الحقن المجهري مايأخذ الزوج اي علاج واحينه صار سهل وكل الناس اتسويه حتى اللي عندهم يهال واقتنعت بكلامي بس انا من راي انه لاتدخلين معاها وايد في هالموضوع اذا اهيه معصبه بس قوليلها جيه وبسسسسسس وخلي الباقي على ريلج وريلج يقول هالكلام احينه بعدين اذا طلعتي حامل اهو بيخاف عليج اكثر منج بس يقول جيه عشان ماتتوترين حتى ام ريلج بتفرحلج اذا طلعتي حامل ومابتخليج اتسوين شئ وخلي الدكتور يفهم ريلج عن حالتج احسن

**دمعه سعيدة** · 2011-03-29, 15:36

تسلمين والله وهذا اللي بسويه والله ... ريحتيني والله .. الله يرزقج يااارب ويعوض صبرج بفرج قريب ^^

**مشتاقه لربي** · 2011-03-29, 15:41

انا ما جربت بس راي بالاول سوي التلقيح وشوفي عقب الوضع اذا يحتاج تخبريها او لا

ورددي ربي لا تذرني فردا وانت خير الوارثين

**دمعه سعيدة** · 2011-03-29, 15:55

جربت التلقيح ومانفع عشان كذي بدينا بالحقن الحين

الموضوع: ابى تعاونكم ؟؟

أدوات الموضوع

عرض

ابى تعاونكم ؟؟

المزيد من آخر المواضيع من نفس القسم:

المواضيع المتشابهه

التاجرات و اللي شاركت في معرض من قبل - اتمنى تعاونكم -