كيف اكشفهاا ...؟؟؟

[همس قلبي!!]

السلام عليكم

شحالكم حريم وبنات

الله يسلمكم مشكلتي مع البشكااره

من يووم يت وهي كل يووم مظهره لنا سالفه ومشكله

ادري الغلط مني انا واختي

الله يسلمكم انا واختي معرسات وماخذين اخوان وعايشين في نفس البيت

كنت محتاايه بشكاره لاني حامل وكل ما ايب وحده يظهر فيها شيء يا مريضه او ما تبا تشتغل وربيت وما يت البشكاره
وآخر شيء بشكاره امي قالت اختها تبا تشتغل وصرااحه بشكاره امي ما عليها كلام شغيله وطبخهاا طررر وما تسمعين لها حس
المهم عشان الوقت يبنا اخت بشكاره امي البداايه كانت واايد اوكيه تشتغل وتنظف وعقب فتره قامت تسوي مشاكل تقوول مداام (,,,) عاطيه بشكارتها تيلفون ومدام (,,,) تودي بشكارتها السوق
ومدام (,,,,) معاش بشكارتها دبل

نحن ما عطينها تيلفون ولا نشلها مكان الا بيت امايه لان هناكي اختها بس المشكله ان يووم اليمعه الكل يتيمع في بيت امايه وتشوف البشاكير واتم تسوي علوووم

المهم سوت لنا مشكله كبيره عسب نعطيها تيلفون انا دووم اعطيها تيلفوني وترمس فيه وتعبر الرصيد وما اقولها شيء بس هي تبا تيلفون حقها روحهاا وعقب المشكله ريلي عصب وكنا بسفرها لكن اختي قالت حراام نقطع رزقها وآخر شيء خلينهاا لان خفت اظلمهاا

وبعد فيها طبع عووف اتم تتنشد وين سرتوا وين يتواا وريلج وينه ما شفته اليووم
\

يتني وقالت ابا تيلفونج ارمس اهليه قلت لها رصيدي معبر وبكل وقاحه تقولي يوم بيرجع ريلج من الدوام قوليلها ابا تيلفونه ارمس فيه

جرأه هالكثر ماشفت


المشكله الثانية دووم نسمعها ترمس ويووم ندخل عليها ترتبك واتم خاايفه شكينا ان عندها تيلفوون
تمت تباغم وتصيح وتقوول ما عندها وفتشنا حجرتها مالقينا شيء


ونحن متاكدين ان عدها تيلفون بس كيف نكشفها ما اعرف

مره اختي وريلها كانو راادين البيت ومحد فيه غير البشكااره اختي ساره فوق وريلها سار صوب المطبخ وسمع صوت مسج يااي تحرى تيلفونه ييووم شيك مااشي قال يمكن اتوهم عقب دقيقه رد وسمع صوت مسج ثااني والصوت يااي من حجرتهاا

وانا شفت سماعه طايحه من تحت حجابهاا بس يوم سالتها تمت تصيح وتقول هااي سمعات المسجل

والبارحه دخلت عليها فجأه وشفتها متغطيه بالبطانيه وحاطه ايدها على اذنها ويووم شافتني تمت خايفه وتبلع ريجهاا وربعت برع الحجره وانا ازقرها وهي بولبااس

انا متاكده مليوووون بالاميه ان عندها تيلفون بس كيف ازخه مب عارفه لان لو واجهتها بتنكر وايد بتخشه في مكاان

ابا طريقه ازخ فيها التيلفون وهي ترمس فيه

مشكلتي اخااف شوي لان اختي محد سايره تبات بيت اهلي لان ريلها فالدوام ويووم ريلي يدااوم اتم وياها روحي واخااف تسوي فيا شيء والا في ولدي


البيت صغير ومافيه شغل ولا حد يزورنا والبشكاره مرتاحه ع الاخر ونعاملها احسن معامله شو تبا اكثر عن جي ما اعرف

المزيد من آخر المواضيع من نفس القسم:

• طريقة ازالة الدهون من الاوني بسهولة وفعالية
• طريقة عمل منظف للزجاج طبيعي في المنزل
• خطوات تنظيف المنزل بوقت قليل وبدون تعب
• افضل طرق تعطير غرف النوم سهلة وفعالة
• طريقة عمل معطر هواء طبيعي في المنزل حصري
• طريقة تنظيف العباية السوداء من بقع المناكير
• طريقة تنظيف الجينز بسهولة وفعاليه
• طريقة تنظيف حوض المطبخ بسهولة وفعالية
• فوائد تخزين القهوه في الفريزر
• كيفية استخدام الخل لتنظيف السجاد