اكتشفي وساويس الشيطان عند قراءتج لسورة البقرة وادحريها ولا توقفين

**صوت الشعب** · 2011-03-26, 02:06

بسم الله الرحمن الرحيم

اخواتي الغاليات , تبون تقرون البقرة بدون ماتقطعون ولا يوم ؟

بقول لكم حيل الشيطان اللي طبقها علي , و نجح للأسف , لكن بالماضي , ان شاءالله ما راح ينتصرعلي مره ثانية لاني كشفته على حقيقته لعنه الله

حيل الشيطان هي :

1- التسويف :
توالناس , لا تقرينها الحين , اقريها وقت المغرب احسن الحين صبح و تو الناس , و اذا صار المغرب يقول لج : اقريها قبل النوم يمكن تحلمين حلم حلو فيه بشارة خير ! و آخرتها لا تقرينها و لاشيء !!

الحل : اول ما يقول لج جذي , على طووووووووووووول اخذي المصحف , لأنه بيكون وقتها اقوى وقت على الشيطان و انفع وقت لج و الله اعلم .

2- العجز :
ساعات تصيرين عجزانه تقرينها ,, و يقعد يقول لج : طوييييييييييييييييله , الله الله 49 صفحة وااايد

متى بخلص؟؟وايد طوويله

الحل : تقسمين السوره الى اقسام و تقرين شوي شوي .

الحين بيقول لج خدعة ثانية !!!

3- الخدعه اللي بعدها بيقول لج : يوه !! تقسمين السورة ؟؟ ما ينفع ؟ ما تستفيدين جي !! لازم تقرينها كلهااااا

الحل : تقولين له ( اعوذ بالله من ابليس) و ( اأعوذ بالله السميع العليم من الشيطان الرجيم من همزه ونفخه ونفثه ) واو (اعوذ بالله منك)و ما تسمعين كلامه ! لو كانت ما راح تفيدج جذي كان ما وسوس لج !! و خلاج على عماج !!

لكن بما انه متوهق الحين و ضمن انج بتقرين و مرتاحه , لازم يخرب عليج !!

عاد انتي و شطارتج بالاستعاذة و الحقران !

4- الخدعة الرابعة :
بيقول لج : مو إلا كل يوم , اقريها كل 3 ايام مره , و يذكرج بالحديث ان الشياطين ما تدخل البيت لمدة 3 ايام اذا قرأتي سورة البقرة , و يقول لج : خلاص المهم تقرينها كل ثلاث ايام

و ديري باااااااالج تطيعينه ,تدرين ليش ؟ لأنه راح يبدى يكسلج و يحبطج ويقول ( يوه ! معقوله انتي وقفتي القراءة 3 ايام بطولها ؟؟؟ عيل خلاص ماكو فايدة !! لازم تبدين من اول ويديد و تعدين الاربعين يوم و اكثر . يووووه وااااايد .لازم القراءة تكون متواصلة وانتي قطعتي بتعيدين حرام تعب))

فلا تطيعينه

الحل : تتعوذين بالله من شره و تقولين : اصلا انا اقراها لأن اخذها بركة و تركها حسره , و ابيها تصير سهله علي وايد وايد و ابي احفظها كل يوم , و هي سهلة و تهبل و بقراها غصبا عن خشمك !!

5- الخدعه الخامسه و هي الاقوى !!

خصوصا للي يقرونها و عندهم مشاكل , بيقول لج

( انتي تقرينها لوجه الله , او تقرينها علشان مصلحتج و الدنيا ؟!!

تر الدنيا زايله !!

انتي تقرين القرآآن علشان الدنيا .. ؟؟؟ ياللأسف !!

أصلا جذي ما يصير عندج اخلاص بالعمل ! و يصير عملج مو كامل ,, ما كو فايدة )
تقرين القران نفاق لحاجة دنيويه !!

اذا طعتيه , شوفي شنو راح يصير ( راح تبدين تفقدين الامل بأن مشاكلج تنحل بفضل الله ثم بفضل قراءة السوره , و تحسين ان السورة روتين و ان مشكلتج ما راح تنحل , و شوي شوي تملين و تبطلين قراءة )

و الخدعة الخامسة من اخطر الخدع !!

الحل : تقولين اعوذ يالله من الشيطان الرجيم

أصلا سورة البقرة أخذها بركه و تركها حسره و لا تستطيعها البطله , و ان الله رغبنا بقراءتها لخير الدنيا و الآخره , و الا كان ما بلغنا الحديث على لسان الرسول صلى الله عليه و سلم

كان قال لنا ان سورة البقرة تدخل قارئها الجنة مثلا , و سكت

عيل ليش قال لنا عن فائدتها الدنيويه , الا علشان يرغبنا فيها ؟؟

و بعدين في سورة البقرة آيه تقول ( و منهم من يقول ربنا آتنا في الدنيا حسنة و في الآخرة حسنة و قنا عذاب النار . اولئك لهم نصيب مما كسبوا . و الله سريع الحساب )

يعني شنو معنى هالآية ؟؟ مو عيب و لا حرام ندعي الله بخيري الدنيا و الآخرة , هذي الاية موجودة في سورة البقرة

يعني حجة الشيطان مردوده عليه ,,

المزيد من آخر المواضيع من نفس القسم:

**صوت الشعب** · 2011-03-26, 02:07

يزاها الله خير كاتبة الموضوع

نقلته لكم لتعم الفائده

ولاتنسونا من صالح دعائكم

**صوت الشعب** · 2011-03-27, 00:15

سبحانك اللهم وبحمدك اشهد ان لا اله الا انت استغفرك اللهم واتوب اليك

**smile2smile_4** · 2011-03-27, 01:50

يزاج الله الخير كله

**دمعتي الحزينه** · 2011-03-27, 02:16

يزاااج الله خييير

**حياتي معك غير** · 2011-03-27, 02:19

يزاج الله خير

**عشق ريلي** · 2011-03-27, 02:26

جزاج الله كل الخير اختي

**بنت مسافي** · 2011-03-27, 09:18

اللهم أني أعوذ بك من شر الشيطان وشركه
يزاج الله خير على الطرح الموضوع القيم في موازين حسناتج أنتي وكاتبة الموضوع إن شاء الله

**حلوه مرت** · 2011-03-27, 12:54

جزيتي خيرا ان شاء الله

**^^MzyoOona** · 2011-03-27, 13:02

يزاهــــا الله خييير

**كرزاية** · 2011-03-27, 13:14

يزاج الله خير ....اعوذ بالله من وساوس الشيطان

**دلوعة رشودي** · 2011-03-27, 14:45

مشكووورة اختي ع الموضوع الطيب
وف ميزان حسناتج
ترا حتى الشيطان يلعب علينا يوم نبا انصلي ..فلازم نتعوذ من الشيطان

وربي يرزق كل بنت بالزوج الصالح عاجلا غير آآجل

يارب يارب يارب ياسامع الصوت وياسابق الفوت وياكاسي العظام لحما بعد الموت صلي اللهم على سيدنا محمد صلى الله عليه وسلم اسالك اللهم ياحي ياقيوم ياذا الجلال واالاكرام ياجامع ياجامع ياجامع اجمع بيني وبين فلان على ماتحب وبما تحب واجعلني معه من المكرمين

اللهم آآمين

**صوت الشعب** · 2011-03-28, 23:25

بارك الله فيكم ورزقكم من حيث لاتحتسبون

**عسل بشهده** · 2011-03-28, 23:41

مشكورة أختي عالنقل هو فعلا التسويف و الكسل أهم سببين يخلونا ما نقرى قرآن كل يوم الله يبعدهم عنا

**Little Steps** · 2011-03-29, 02:18

الموضوع: اكتشفي وساويس الشيطان عند قراءتج لسورة البقرة وادحريها ولا توقفين

أدوات الموضوع

عرض

اكتشفي وساويس الشيطان عند قراءتج لسورة البقرة وادحريها ولا توقفين

المزيد من آخر المواضيع من نفس القسم:

المواضيع المتشابهه

متى توقفين المرضعه عن ولدج ؟؟؟

أستمعي لسورة البقرة بصوت أبوبكر الشاطري صوت خااااااشع جداً

كيف توقفين انتقادات عائلتك لك!

جدول تسميع الاسبوع الثاني لسورة البقرة ..