طلقني وانصدمت؟؟

**نقنوقة** · 2011-03-25, 19:13

روحي بيت اهلج يلسي مناك
بس لاتخبرينهم بسالفة الطلاق
يمكن ريلج يعقل .......!!

اتوقع لو شافج في البيت
يمكن يتذكر أنج خبرتي اخوه
ويرد ينقهر ويطلق .....!!

عطيه فرصة ييلس مع عمره
ويفكر في الموضوع ...!

بس يليت وإنتي بيت هلج تطرشين له
مسج أو إيميل تذكرينه فيهـ برب العالمين

وإنج ماخبرتي اخوه إلا لأنج تبين له
الزينة سوا في الدنيا أو الآخرة
وماكان قصدج التشهير فيه أو تعاندينه

أفضــــل تطرشين مسج شامل بإلي قلته لج
وتسكتين عنه .. ولاتطرشين له أي شي ثاني
إلين ماهو يرد يتواصل معاج ...!
عشان ع الأقل يحس بذنبه

مب كل ماسوا الريال مشكلة ربنعنا وراضيناه
بالعكس بيكرر الغلط .. بيقول في النهاية
بتي حرمتي وبتراضيني وكأن شي ماصار

تحياتي لج وربيه يهديه من هالسم يااااارب

اللهم أشف أبني وعاافة من الحمى اللهم آآمين
دعواتـــكم

المزيد من آخر المواضيع من نفس القسم:

**marwa2005** · 2011-03-25, 19:27

الله يهديه
اختي من الاول ما شفتي فايده لما خبرتي اخوه
فخلاص ما في داعي تخبريه مره ثانيه

استغفري الله وادعي ان شاء الله يرد لج
وادعيله الله يهديه بقيام الليل

**um theyab** · 2011-03-25, 19:28

ربي يهديه ويرده لعقله ولج
عليج بالاستغفار اختي وربي بيهديه ان شالله
سبحان الله وبحمده سبحان الله العظيم
استغفرك ربي واتوب اليك لا حول ولا قوه الا بالله العلي العظيم
لا اله الا انت سبحانك اني كنت من الظالمين

**مريوم هيثم** · 2011-03-25, 21:12

لا حول ولا قوة الا بالله ربي يهديه ويصلحلج الحال ان شاء الله

**MEMOIR** · 2011-03-25, 21:15

الله يهديه ويصلح شانه ويارب يسعدج ويكتب لج اللي فيه الخير لج ولبنتج امين

**ألستروميريا** · 2011-03-25, 21:18

ما شاء الله عليج قدرتي تصبرين !
الله يعيينج اختي ،،

و أما سالفة الطلاق و ما الطلاق !
ليش ما تشوفين مصلح اجتماعي او ما عرف منو
شخص عنده أسلوب و علم و يقدر ينصحج و عنده خبره في هالمجال

أتمنى لج من كل قلبي التوفيق ،،
و ان يصلج لج بعلج و يفتح عليكم ابواب رحمته

***أم شهد*** · 2011-03-25, 21:36

الغاليه ربي يصلح حالج ويهدي بالج ..... أنتي اللي عليج سويتيه صبر وصبرتي.... ومحاوله إصلاح منج ومن أخوه
ومافاد ..... حلف وهو بكامل قواه أنه مأ يشرب وبالقرءان (وهالحلفان ماله كفاره عزيزتي ) ومع ذلك ما استحى من ربه
وجاهر بالمعصيه .... أخوه مابغى الحرام بالبيت وطرده .... وما أظن انج ترضين لنفسج وبنتج إتعيشون مع شخص مطرود
من رحمة رب العالمين ..... ردي بيت أبوج وأمسحي هالانسان من حياتج أنتي وبنتج

أتمنى من قلبي لج التوفيق ولطليقج آلتوبه قبل موته

**سمراء العيون** · 2011-03-25, 21:43

الله يهديه

**ام علاوي.,** · 2011-03-25, 21:49

حياتي والله عورتي قلبي

ربي يحفضلج بنتج

مادري والله ان شاء الله غيري يعطوونج حلل

وربي يفرجها وياج

**أم غزلان** · 2011-03-25, 23:03

تطلقي احسنلج

**لميس احلى** · 2011-03-25, 23:26

الله يعيننننج حبوبه
سيري بيت اهلج والله المراة عندها كرامه
حتى لو عندي بنت ما بتم عنده
بعدين يمجن مهموم ما ساليه ليش يشرب ويسوي جييه
اوقات الرياييل يدسون بقلبهم ويسوون الشي الغلط
الله يفرج همج

**حلى دنياي** · 2011-03-25, 23:31

حياتي والله عورتي قلبي

ربي يحفضلج بنتج

مادري والله ان شاء الله غيري يعطوونج حلل

وربي يفرجها وياج

**ساره خالد** · 2011-03-25, 23:34

الله يكون في عونج عليج حبوبه بدعاء وقيام الليل

**مس ذوووق** · 2011-03-25, 23:37

الله يكون بعونج و يصبرج و يآجرج

**بنت الشوامس 2** · 2011-03-25, 23:41

الله يعينج والله ما تستاهلين
عسى الله يعقله

الموضوع: طلقني وانصدمت؟؟

أدوات الموضوع

عرض

العرض المتطور

المزيد من آخر المواضيع من نفس القسم:

المواضيع المتشابهه

طلقني

اشتريته وانصدمت ><

طلقني ..

يايه بحط تحاميل ملح وانصدمت 0_o !!!!!!

[جسمي تغير...وانصدمت!!!!