الحقووووا علي عرسي جريب

**ورده خجلانه** · 2011-03-25, 10:28

مرحبا خواتي..... كيف الحال

انا عرسي جريب ومب عارفه شو اسوي ، مب عارفه كيف اهتم بشعري وبشرتي وجسمي
وخاصة اللي مسويلي المشكله شعري هو من النوع الجاعد ومتقصف وقصييير الين الكتف خاطري يطول تعبت منه اهئ اهئ من وانا وصغيره كان هذا طوله ما يتغير واقصه ومووول ما يطول احسه يقصر عطوني حل دخيلكم خاطري يطول لو شوي بس على الاقل يعطيني امل انه ممكن يطول في يوم
ومحتارة الحين شو اسويله ؟ ساعدووني مب عارفه اسويله تمليس ولا كيراتين ولا يوكو
وشو احسن الصوالين في الشارجه ودبي اللي تسوي اوكي للشعر الخشن

انا ويهي كان شحلاته صافي وحليو وبشرتي حلوه فجاه قامت تطلع لي حبوب في ويهي كل يوم حبه وتروح الحبوب واتم البقع وشوهت لي ويهي وصار ويهي دهني استخدمت كريمات وكل يوم كريم

ومن غير ان ويهي كله شعر لاني كنت وايد اسوي تشقير اهئ اهئ
وان شاء الله راح اسوي ليزر بس اخاف تطلع لي بقع ، وخاطري يكون ويهي صافي بدون حبوب وابي كريمات تبيض

وبالنسبة لجسمي مب لون واحد كل منطقة لون خااطري يكون لون واحد اهئ اهئ و وشو الخلطات اللي تفتح الجسم ونتايجها سريعه وتنعم البشرة

وبعد انااا ضعييفه وزني 48 ابي امتن وريلي احسها مب سيده فيها تقوس مب شرات الاجانب شو اسوي
تعبت نفسياااااااااااااااا

مشكلتي ابداا مافيني صبر وما اداوم على الشي بس ان شاء الله هالمره غييير بلييز سااعدوني

ولو في مراكز تهتم بهذا كله خبروني عنها

طولت عليكم والسموحه منكم

المزيد من آخر المواضيع من نفس القسم:

**ابداااع للتصميم** · 2011-03-25, 11:06

الله يوفقج حبوبه

**ام شوق وعزوز** · 2011-03-25, 11:22

للررررفع

**bellegirl** · 2011-03-25, 11:59

ربي يوفقج اختي

وإبدئي خطوة خطوة

مب كل شي بيتغير في لحظة

**حلاتي بروحي** · 2011-03-25, 12:46

الله يوفقج ..

سوي سيرش بالمنتدى قسم البشره وو الشعر وشوفي وايد اشياء مفيده...

**وهج الذكرى** · 2011-03-25, 13:08

حبوبه ابدأي خطوه او سوي لج جدول وكملي عسب هالجدول عسب ما تتخربطين او تنسن شي

**وهج الذكرى** · 2011-03-25, 13:10

نسيت اقولج انه اهم شي النفسيه تلعب دور على كل شي ^_^

**باااااربي** · 2011-03-25, 14:45

موفقه

**بنوتة اماراتي** · 2011-03-25, 15:18

حبيبتي هدي لا تخافين
مسكي ورقه وقلم
وحطي لكل شي شو بتسوين
المنتديات و النت متروس خلطات و غيره
ترا كل شي يباله عنايه

جوفي شعرج دامه جذيه من يومه ما يطول ماريد احبطج بس انسي السالفه
لان هاي طبيعته
اهم شي تهتمين فيه ويكون صحي وما يتساقط وفيه لمعه
مش مهم طويل والا قصير
اشتركي فصالون وسوي جلسات عنايه بالشعر
من امبولات وماسك و غيره واستمري هب تقطعيين

بشرتج لازم تروحين لدكتوره جلديه وابدي عالجيها
واهتمي في العلاج ولا تقطعين

جسمج اول شي اهتمي بترطيبه لان الجفاف يخلي لونه مب واحد غير جيه ملمسه ما بيكون حلو
فرطبي كل يوم عقب السبوح و قبل لا تنامين

واشتركي في صالون وسوي حمام مغربي وهي بتحددلج او شي كم تسوين يمكن تبدين كل اسبوعين و شوي شوي لين تستوين اسوينه بس مره فالشهر
وغير الحمام المغربي شوفيلج خلطه من النت اتسوينها فالبيت مره فالاسبوع

جسمج
انتي تبينه سيده؟ بدون تقوسات؟
مب حلو الجسم جيه جنج ريال
الحرمه كلها تقوسات خخخخ
شو تبينه جسم الاجنبيات مثل المسطره؟

سيري لدكتوره غدائيه او ابدي في نظام عشان توصلين لوزن حلو و يناسب طولج
و الرياضه مهمه لا تقولين ضعيفه ما يحتاي
مهمه للصحه
وتشد الجسم و ترتبه

وكل شي محتاي صبر فالحياه
اذا ما فيج صبر ترا ما بتوصلين لشي

وموفقه يالعروس ^^

**هنـد المـرر** · 2011-03-25, 15:36

انا بخبرج بعض اللي اسويه :

انا شعري الحمدلله طويل وناعم بس سويت اشتراك حمام زيت ، وفنفس الوقت اهتم فيه
خذت خلطة زيوت من مركز اعشاب وداومت عليه احطه فالليل واغسله الصبح
خذت حمام زيت بخلطة الثوووم ومن الزيت نفسه صبيت 4 خاشوقات اكبار من الزيت وخلطته وسكرته واستخدمه عادي وف يوم الخميس
من كل اسبوع احط عنبر فالليل واغسله الجمعه الصبح والحمدلله شعري صار انعم و اقوى وحتى مال الصالون قالت لي انها لاحظت اختلاف
كبير ف شعري عن قبل لانقبل كان يتساقط

للجسم :

نيل + ماي ورد + كركم الجسم
تخلطينهم و تفركينهم مثل ماسك وتحطينه اقصى مده وعقب تسبحين عادي
بالصابون المغربي

وهاي خلطه من دكتور اعشاب
كركم الجسم + عصير رمان+ طحين
تخلطينهم مثل المااسك وتحطينه لين ينشف عقب تشلينه وتغسلين ويهج

ها مااسك للويه :
صندل بودره + اي كريم سنفره + فنيال ماي ورد

تخلطينهم وتحطينه ع ويهج لين ينشف وتشلين بطريقه دائريه
عقب تغسلين ويهج بصاابونة الصندل

اهتمي بشفايفج ورطبيهم قبل لاترقدين
اهتمي بريوولج وحطي فازلين والبسي دلاغ

انا مافيني شعر وايد ومريحه جسمي اقصد الاطراف والبطن والظهر
من الحلاوه والتشقير والكريمات الكيماويه لانه اصلا ماعندي مشاكل فيها
واذا بحضر عرس ولا حفله ولا شي ممكن استخدم الحلاوه ف ايدي والاماكن
المحتايه بس اذا الفستان بدون اكماام او مفتوح بس
استخدم كل شي طبيعي ويوم بيقرب عرسي بسوي ومتفائله ب النتيجه

عندي جدول عنايه حطيت لج الاشيا اللي تحضرني من الجدول

بخصوص الوزن انا وزني نفس وزنج ومارمت امتن يمكن لاني ما اداني الحليب ولا يمكن اشربه
اي سؤال انا حااضره
والله يتمم لنا ع خير ان شاء الله^^

**PENC!L** · 2011-03-25, 15:45

اللي اقدر اقولج ان مب زين تحطين كريمات وايد على البشره لانها تخترب من كثرة المواد الكيماويه اللي فيها

حاولي تستخدمين كريم واحد وتداومين عليه مب تقطعين

**اماني سيف** · 2011-03-25, 15:50

الله يوفقج يارب للرررررررررررفع

**ورده خجلانه** · 2011-03-26, 07:18

مشكؤوووورات حبيبأتي. على ردودكم. ان شاء الله راح أبدا ولا تنسون تدعولي
ان شاء الله راح أسوي اشتراك في أالصالون. وراح استمر في الاهتمام
وموفقين جميعا

**نقنوقة** · 2011-03-26, 07:30

نصيحتي لج الاستمرارية يالغالية
..
دوري في النت وبتحصلين خلطات
ياااااااااااااامااااااااا
..
الله يسعدج ويسخر زوجج لج غلاايه

**همسة دفى** · 2011-03-26, 07:53

اانا شعري ناعم بس قصير اذا قصيته ما يطوووول

وعرسي شهر 4 وسويت برنامج عرايس في مركز لروشا فالعين عالجولي شعري ووووايد طووول

واستوى انعم وهب مقصف والله علاجهم ولا غلطه

لكن في دبي والشارجه ماعرف

الموضوع: الحقووووا علي عرسي جريب

أدوات الموضوع

عرض