و انتي شو دخلج

**احلى فلونه** · 2011-03-25, 12:24

المشاركة الأصلية كتبت بواسطة أم سما77

والله انتو الحريم تسوو من الحبه قبة وبعدين هذي ام حمدان انسانة متطفلة ورزة شو يخصها بالسالفة يعني تبا تشتهر مثلا يوم شافت المنطقة ما عبرتها راحت لين الصحافة اونه كسرو خاطرها اليهال انتي شو يخصج
وبعدين المديرة الي سوته امر قانوني الكل يعرفه ان الطالب لازم اييب موافقة قبل الرحله مب اهله يطرشوه مكان الرحلة الحمدلله والشكر يعني قبل ماكانت تعرف ان في رحله شو هالمصخرة وبعدين المذيع وايد زودها كل شوي ويعيد لها نفس السؤال ونفس الكلام والله ماعندك سالفة في اشياء وااايد اهم من هالشي مخلين كل شي وقاعدين يتناقشو ويتضاربوا ع اشياء تافهه

انا رساله اوصلها لصاحبة المشكله (ام حمدان)بسج مشاكل ترى الكل طفر

الانسان ليش يعيش حياته كل مشاكل وماتخلص من البعيد والقريب
اصلحي ذاتج اسرتج اهتمي بزوجج وعيالج قبل كل شي
فشلتونا في البث المباشر (حريم وتضاربون )والله عيب مب سالفة الايتام احين سالفتكم والكل يضحك عليكم الصراحه بنت البلاد ما تسوي جي اقولكم بسكم والله عيب عليكم

**ام بدر** · 2011-03-25, 12:35

السالفه صارت مثل سالفه زوجين ومطلقين

ولعيال ضايعين امبينهم

**زهرة الشحوح** · 2011-03-25, 12:53

الصراحه المديرة راكبنها الغلط من ساسها لراسها يعني شو ذنب اليهال وحتى لو قلنا الحرمه انتقمت منها لانها ردت عليها باسلوب غير حضاري فها شو معناته ان المديرة غير لبقه بالكلام وساءت بالتصرف مع الاطفال
الصراحه مجرد قرايتي للموضوع خلاني ادمع على اليهال الا مالهم ذنب وحسستوهم بانهم ناقصين وايتام

**أم غزلان** · 2011-03-25, 13:14

ياختي نحن لا تهمنا المديره ولا اللي اشتكت

المهم اليهال اللي مكسووره خواطرهم مافي شي اسمه شفقه ؟؟

**حلاتي بروحي** · 2011-03-25, 13:25

الله يهدي الجميع ,,,

**ahlamthani** · 2011-03-25, 13:26

سؤال أوجه للمديره

اذاا كانت في شارع عام
ولقت اطفال صغاااار ضايعين

بتقول ما يخصني فيهم ونا تصرفي قانوني وما بتحمل مسؤوليتهم

ولا بتمسكهم وبتحاول تدور ع اهاليهم اول شي!!!!!!!!

**وا إسلاماه** · 2011-03-25, 13:26

لا حول و لا قوة إلا بالله
عزيزتي المديرة تعرف إنه هالأطفال أيتام و ظروفهم صعبة شو بتخسر لو من البداية تكفلت بهم و اتصلت بأمهم و خبرتها إنها بتتحمل مسئوليتهم بها الرحلة ؟؟؟
إنتي لو رحتي في يوم من الأيام حديقة و لقيتي طفل عمره ثمان سنين و تعرفينه و سألتيه وين هلك ؟؟
و قالج خلوني في الحديقة و راحوا ،،، بتخلينه و بتروحين عنه و إلا بتهتمين به لين ما ايون هله ؟؟؟
فرضا القريبة خلت العأيتام في الحديقة و روحت عنهم لكن أنا كمديرة ما بودرهم بكمل واجبي و بأديه على أكمل وجه بهتم بهم و بخليهم ويا باجي الطلبة و بوصلهم البيت بعد ،، عزيزتي هاييل طلبة من المدرسة مب أغراب عنها واجبنا نرعاهم وهتم بهم دام إنحطوا في هالوضع مب نذلهم و نهينهم و نكسر خاطرهم و نعقدهم نفسيا ...
فلنتق الله و نفكر في الوضع اللي صار بعقلانية و نفكر شقايل كان لازم نتصرف فيه لو كنا في موضع المسئولية ،،،، ولية الأمر ما غلطت لأنها فكرت في الأيتام شقايل بيتمون أرواحهم و المديرة رافضة تدمجهم ويا طلبة المدرسة ،،، و رافضة حد يهتم بهم و طلبت منهم يروحون ،،، إنزين ظهروا من الحديقة وصار فيهم شي منوا المسئول ؟؟؟
لا حول و لا قوة إلا بالله العلي العظيم ...

**ahlamthani** · 2011-03-25, 13:36

**ahlamthani** · 2011-03-25, 13:39

**احلى فلونه** · 2011-03-25, 15:09

المشاركة الأصلية كتبت بواسطة احلى فلونه

انا رساله اوصلها لصاحبة المشكله (ام حمدان)بسج مشاكل ترى الكل طفر

الانسان ليش يعيش حياته كل مشاكل وماتخلص من البعيد والقريب
اصلحي ذاتج اسرتج اهتمي بزوجج وعيالج قبل كل شي
فشلتونا في البث المباشر (حريم وتضاربون )والله عيب مب سالفة الايتام احين سالفتكم والكل يضحك عليكم الصراحه بنت البلاد ما تسوي جي اقولكم بسكم والله عيب عليكم

**رفيعة الشأن** · 2011-03-25, 15:47

أكيد قريبتهم ماكانت متوقعه ان المديره بتطلعهم خارج الحديقه
يمكن مأمنه ان الاولاد بيلعبون ويا رباعتهم لين ينتهي وقت الرحله وعقب بتاخذهم.

والمديره هذه مكانها غلط ماتعرف الأصول وأول مره اعرف ان مديرة المدرسة تطلع رحلة ويا الطلاب!!!!

**همسات بارده** · 2011-03-25, 17:12

المشاركة الأصلية كتبت بواسطة ياقوتةخضرا

اختي العزيزة

كلنا سمعنا راي الطرفين وما خذينا أحكام مسبقة مثل ما انتي صورتي الموضوع ..

أنا سمعت الحلقة على البث المباشر عشان ما أظلم الحرمة ...

للأسف ختيه ...المسألة مب مثل ما انتي مصورتنها قضية حرمتين
كل وحدة منهم هددت الثانية وكل وحدة حبت تنتقم بطريقتها ..

المسألة أكبر من جذيه بواااااااااااااايد

النقطة اللي ما عليها خلاف أبدا من أي رد من الردود
ان تصرف المديرة قانوني !!

لكن الله يقول في حديث قدسي :"ورحمتي سبقت عذابي"

يعني ممكن الاتسان يكون تصرفه قانوني والقانون ما بيحاسبه عليه
لكن أحيانا المسؤولية تتطلب انه يكون في نوع من الرحمة والليونة في تطبيق القوانين
خاصة اذا كانوا متعلقين بأطفال وأيتام في نفس الوقت !!

لنفرض ان الأم مهملة ! ان اللي يابت اليهال غير مسؤولة !!
ولنفرض ولنفرض ..!

لكن اني أحرم الأطفال من اللعب في حديقة عامة وأخليهم واقفين برع الحديقة
يطالعون رباعتهم يلعبون وياكلون عقابا لأمهم اللي ما يابت ورقة موافقة !!

هذا شي ضد الانسانية والدين !

انزين شو فيها لو خلتهم يلعبون لين ما يجي حد ياخذهم ؟
هذي مب حديقة عامة الدولة سوتها عشان مواطنيها ؟

حتى المذيع قال للمديرة هذا الكلام :
قالها أنا ما أتخيل عيالي مكان هالأطفال !!

وعلى العموم لكل حد وجهة نظرة اللي نحترمها وأولهم وجهة نظرج

وعلى فكرة اللي خلى الناس ما يأيدون المديرة ان كلامها كان وايد فوقي
وأسلوبها أبدا ما كان حلو خاصة بعد ما جذّبت كل الأطراف ومن بينهم الإداري اللي في المنطقة التعليمية !!!!

المشاركة الأصلية كتبت بواسطة lailee

البلاد عمرها ما بتنمو اذا كان فيها فساد اداري وهب دايمن الغلبه اتكون للناس ال vip وخل الي يحتمون بفلوسهم ومناصبهم يفهمون هالشي واحنا انعرف شو الي بيرفع اسم بلادنا ترى الظلم بداية الفساد

.

المشاركة الأصلية كتبت بواسطة رتوـش

متأكدة ما تعرفينها d

أصلا هي اللي شو دخلها اتطلعهم من الحديقة هم يايين من البيت؟!!!!!!

حلوة هاي تطلعهم من الحديقة أونه مسؤولية ولا وضعها قانوني ؟؟؟

ومسؤولية شو ياعمي إذا لا قدر الله كان صار شي على اليهال وهم بره هييج الساعة بيطيح على راسها صدق

شوية رحمة يا ناس ((( فأما اليتيم فلا تقهر))

وكفو يا أم حمدان الله يبارك لج في عيالج يارب

مع هذي الردود 100% ... ويكفي ان الصحفيه سمعت كلام المديره واسلوبها في الرد على ام حمدان
باذنيها وهي وياها على الخط ...
بارك الله فيج اختي ام حمدان .. وما عليج من حد .. الله يكثر من امثالج .. ولو اني مكانج سويت اكثر من جذا

**نوني كشه** · 2011-03-25, 17:13

أنزيين

والحيينه شوو الفايده او الحكمه من الموضوع ^^

بلبله مثلا ؟

**be with me** · 2011-03-25, 17:14

ليش ما فكرتي بمشاعر الأطفال !!!!
نحن ما قطع قلوبنا غير هالايتام ... و أم حمدان مثلنا ..

و بعدين .. تتوقعين ها رد أو أسلوب حضاري لمديره ترد بهالرد [ انتي أشدخلج ] ..!!
المديره المفروض يكون أسلوبها أرقى عن جـي ..

**ام وعووودي** · 2011-03-25, 18:11

سخافة حريم والي ضايع امبينهن هالايتام بس الغلط الكبير عالمديره خله ايكون لها درس في حياتها وتتعلم منه طول عمرها اذا تمت على كرسيها
بس سؤال يدور في راسي وين امهم ليش مادخلوها في الموضوع ومنو ياب الصغاريه الحديقه هالشخص بعد لازم يتحمل المسوؤليه
اما تصرف ام حمدان تصرف كل ام بتتصرفه مب الا ام حمدان ولاتم تغلكن عالحرمه انها راعية مشاكل وتهتم في بيتها ابركلها هاي شؤؤن ماتخص حد ولاتقلبن الموضوع وتدخلن في حياة الحرمه الخاصه هاي تتسمى خصوصيااااااااااااااااااااااااااااااااااااااااااااا اااااااات

الموضوع: و انتي شو دخلج

أدوات الموضوع

عرض

المواضيع المتشابهه

~[ انتي الذوق انتي الحسن انتي الزين بألوانه..الدفعة (1)..أساور و سلاسل و تراجي كيووت

~[ انتي الذوق انتي الحسن انتي الزين بألوانه..الدفعة (1)..أساور و سلاسل و تراجي كيووت

~[ انتي الذوق انتي الحسن انتي الزين بألوانه..أساور و سلاسل و تراجي كيووت (الدفعه (1))