زوجة ثانية ؟؟؟؟؟؟

**الشوق1** · 2011-03-21, 09:36

السلام عليكم

وحدة من خواتي هي زوجة و لكن ثانية بالعربي نمبر 2
انزين وين المشكلة

يعني والله يا بنات نادرا ما نشوفها

خاصة نشتاق لها وايد لانها كانت شالة شغل البيت وهي تودينا وجي يعني قبل ما تكون اختنا ربيعتنا

الحين اوكي شو السالفة ؟

السالفة أن اللي يشوفها بيقول أن بعدها عروس من كشخه و اتكيت و لباقة و دلع و احترام و اخلاق وكل شي وحبووبة و قلبها كبير وفيها حنان الدنيا حتى عديلتها تحبها

يعني والله ما ابالغ تظهر وياها توديها مرات العيادة لانها ما تسوق يعني اللي يشوفهم ما يقول عدايل

و ريلها وايد فنان و مستانس وياها و مرتاحين وانا ما ابغي امدحه بس الحق يقال يعني لا ظلم اختي ولا ظلم ام عياله لو اشترى خاتم ذهب لأختي يسير يشتري خاتم ثاني لام عياله و العكس صحيح كلما يشتري لم عياله يشتري لأختي و طبعا بدون ما يخبر كل وحدة فيهم

و بالعكس ها الشي وايد حلووو كل وحدة منهم مرتاحة وايد وما يقصر ف الطلعات وما يقصر يعدل يوم يبات نفس الشي

الحين مشكلة اختي هي من النوع وايد جبانة يعني تخاف ترقد بروحها بما انها صغيرة ف بداية زواجها جدوله كان من الظهر لين المساء عند ام عياله و المساء عند اختي لين ما اختي حست ان هذا ظلم ف حق الاولى فقالت لريلها خلى حد من اليهال يبات عندي عسب ما اخاف

وهني ريلها ياب ولده طبعا صف رابع و بات عند اختي و استانس الولد و اختي تلبسه وكل شي و توصله المدرسة طبعا عديلتها راضية

و اشترت له سوني 3 و عقب اي باد وما خلت شي ما اشترت له من العاب و سياكل

وعقبها ريلها غير جدوله يومين عندها و يومين عند ام العيال و طبعا لدرجة اليومين اللي عند اختي الولد ما يبغي يرجع البيت من كثر ما يحب اختي << يعني استوى ملقووف

و الولد دخل بيتنا و يلعب مع عيال اخواني يعني خلاص جنه عيال ريلها--->> استوووا عيالها تحترمهم وجي

بس ع قولتهم الناس ما تخلي حد ف حاله

اهلي كلهم يحشون فيها وانا اتضايج انها زوجة ثانية وما ادري شووو غير خوات ريلها يجرجون الحرمة الاولى ان اكيد ضرتج مسوية سححر عسب جي الكل يحبها و ولدج ميت فيها اكيد مسوية شي

غير انهم يشتمون اختي وانا مرة تضاربت وياهم و يمكن غلطت فقالت

بنات ها الزمن يخطفون الرياييل ومن ها الكلام و يسحبونهم صوبهم و يتزوجونهم و ينسون حريمهم

وكانوا ينغزون اختي وانا ما ادري شو استوى فيني غسلت شراعهم و قلت لهم:\
الريال ما سار و غازل شرات رياييلكم كل واحد فيهم مرابع ......... << عاد تعرفون شو اقصد
هو تزوج ويوم رياييلكم ما يعرفون الحلال و عيونهم زايغة ع الاجنبيات و الوصخات و يحبون الزنا هذا شي ثاني

و بدت الضرابة و ريل اختي اتصل يعتذر مني و جي و استسمح و حتى عديلة اختي اتصلت تستمح مني تقولي هاييل ميانين و استايلهم مال ضرابة و ملسونات محد قدر عليهم

والحين احس اني خربت بيتها استوت ضرابة وانا السبب و رديت اتصلت اعتذرت لريل اختي و خبرتهم بالموضوع انهم يحشون ف اختي يدامي و يرمسون عنها وعن اخلاقها كيف اسكت وانا هني جني صبيت النار ع الزيت وانا مب حاسة

و اختي متضايجة ها اليومين و اعتذرت منها و اعتذرت من عديلتها

و قلت لأختي تخفف من روحتها لبيت اهل ريلها و ما تسير الا مع ريلها وهي متضايجة الحين

انا ما ابغي اعتذر لهم بس ما ادري اعتذر لهم عشان خاطر اختي ولا اطنشهم مب عارفة يعني اللي سويته صح ادري غلطانة لو سكت شو اسوي يا بنات يحشون فيها يدامي

وكل وحدة ريلها يزني و عنده درزن ربيعات هذا اللي قهرني

المزيد من آخر المواضيع من نفس القسم:

**اهلين و سهلين** · 2011-03-21, 09:47

انا بصراحة أؤمن و بشدة ان كل واحد ياخذ نصيبه
و اختج مرتاحة مع الريال بغض النظر عزابي ولا متزوج ومب مقصر ف بيته

اقولها اطنش اهل ريلها و تسمع من هني و تظهره من الصوب الثاني و الناس ترمس ترمس ما يعيبهم شي لا يعيبهم الحلال و يبعيهم الزنا و الحرام و اغلب الحريم جي

ولا تحتك فيهم ولا تروح بيتهم الا مع ريلها لان يدام ريلها ما اظني يرمسون او يشتمونها صدق ما يخلون حد ف حاله

ودام علاقتها زينه مع عديلتها فهذا شي حلووا تخلي العلاقة الحلوة بينها و بين عديلتها اتوقع عديلتها ساكنة مع اهل ريلها عسب جي المشاكل لانهم مستغربين ان اختج وايد كلوز من عديلتها فهذا الشي يقهرهم

**أم خالد الحلو** · 2011-03-21, 09:54

الواحد شو ما سوا وحاول يرضى الكل . .بعد الناس بتبقى ساخطة عليه

لأنه رضا الناس غاية لا تدرك

خلها تسوي الشي اللي تشوفه بنظرها صحيح

تزور اهل ريلها مع ريلها

توط علاقتها مع حرمته الاولى دام انها من البداية علاقته زينة ..
ولا تخلي اي أحد يخرب بينهم ..

وتتوكل على الله

**row3a** · 2011-03-21, 09:57

الصح تروح مع ريالها وتسلم وتقعد شوي وتروح وتخفف من الروحه ورحي مخها ولا تعتذرين ولا شي خلهم يتادبون

**ام رشوودي** · 2011-03-21, 10:02

ارضاء الناس مصيبة

**نجمة الفجر** · 2011-03-21, 10:11

يا أختي دام أختج مرتااحة لا تسوين لهاا مشااكل وماشاء الله

يبين أنه أختج عاقلة وتعرف تحل مشاكلهااا بروحهااا وهالزمن لا تدخلون

بحيااات الغير لانه اذا ستواا شي بحطون الووم عليج..!!

نصيحة طنشي علشااان خااطر أختج.^^

**بنت آمنة** · 2011-03-21, 10:17

ماعرف شو أقولج و الله

لكن الله يصلح بالهم يارب

**جرح وحداوي** · 2011-03-21, 10:51

لاحول ولا قوة الا بالله..

حبووبة خلييها اتسوي اللي يريحها وبشوورة ريلها اهم شي ريلها مومقصر وعلااقتها مع عدييلتها اوك والحمدلله...

ربي يوفقها ويعطييها على قد نيتها,,,

الموضوع: زوجة ثانية ؟؟؟؟؟؟

أدوات الموضوع

عرض

العرض المتطور

زوجة ثانية ؟؟؟؟؟؟

المزيد من آخر المواضيع من نفس القسم:

المواضيع المتشابهه

(( هل تقبلين أن تكوني زوجة ثانية؟؟ ))

أنا زوجة ثانية... بنات لا تهاجموني.. انا نادمة

تجربة أختي ،، زوجة ثانية