ضايج قلبي

**هـواجس** · 2011-03-20, 14:30

السلام عليكن ورحمه الله وبركاته

ضايج قلبي بنات وايد
صار لي سنه و4 شهور تقريبا متزوجه
كانت عندي ارتفاع في هرمون الحليب ونزلته بفضل الله
وقرحه وكويتها بالتبريد بعد فضل الله
والتهابات وعالجتها بفضل الله
والتبويض ماكان مش ولابد وبفضل من الله ورحمه اخر شهر كانت حجم البويضه 20 !
وايام التبويض الدكتوره حددتها لي بالسونار والحمدلله الله تمم عليه

ومن ايام كانت عندي حفله والكل ينغز فيه تعالجي ليش ماحملتي
والي قبلي وبعدي كلهم حملو وربوا وعيالهم على اياديهم الله يديم عليهم من نعمه
بس انا الحمدلله راضيه بنصيبي
وماقارن نفسي بحد
بس قلبي ضايج وايد امال علقتها على هالشهر
وموعد دورتي باجر
واحس من كمن يوم باعراض الدوره
الام في المعده والمبايض وشوي في ريولي وظهري
وعصبيه بزياده مستويه
وافرزات خفيفه

ف احسها بتشرف واحلامي بتتبخر
خصوصن الدكتوره قالت لي اذا ماجت للخميس تعالي افحصي عندي لانها لازم تشرف قبل الخميس
وانا اشوف من الحين اعراضها رايجه وجايه

هل ممكن تكون اعراض حمل
ولا ها تخيل وباجر بنصدم فيها
وهل تنصحوني اخذ جهاز التحليل ولا اطنش للخميس جت جت ماجت افحص عند الدكتوره

الحمدلله على كل حال

المزيد من آخر المواضيع من نفس القسم:

**رومانسيـ@** · 2011-03-20, 14:35

انا براي عشان ما تعبين بالتفكير تقدرين تفحصين دم الهرموني وبتعرفين النتيجه باذن الله الواحد الاحد تكونين حامل واذا ربي ما كتب تراه خير لانه هو الوحيد اللي عالم باي وقت خير لج وبيرزقج ولا تحطين بخاطرج الناس رمستهم ما بتوقف حتي لو عندج الخير ادعي بصلاتج وبكل وقت وربج كريم يرزق من يشاء بغير حساب

**""دلوعة زوجها** · 2011-03-20, 14:40

الله يرزقج الغاليه
انا مثلج صارلي سنه وثلاث شهور معرسه وما صار حمل
والحمد لله على كل حال
خلي ثقتج بالله وان شاالله ربنا بيرزقنا عليج بالاستغفار وقري قرآن وسورة البقرة
وتريي شوي اختي كمن يوم وسوي الفحص
وان شاالله تكونين حامل ويفرح قلبج انا اللي اعرفه انه أعراض الحمل نفس أعراض الدوره

**ريــ العين ـم** · 2011-03-20, 14:40

ربي يكتب لج حبيبتي ويتمم لج ع خير

**أنا وحبيبي** · 2011-03-20, 14:43

ما أبغي أرفع آمالج بس صدق أحيانا نحس بآلام الدورة في بداية الحمل وأنا صارت لي مرتين في عيالي ، ادعي ربي العالمين يرزقج إذا ما هذا الشهر فالشهر اللي بعده لرب العالمين حكمة في هذا الشي فلا تستعيلين في رزقج اللي الله كاتبنه بصير وأهم شي النفسية للحرمة عشان تحمل فلا تتعبين نفسج وخلج مرتاحة واضحكي ولا تتضايقين ولا اتفكرين في هذا الشي واايد ومع الدعاء إن شاء الله بيرزقج بطفل يفرحج إنتي وريلج قولي آمين

**ريلي حياتي** · 2011-03-20, 14:47

حبيبتي ما عليج من كلام الناس
انا قبل كنت نفسج
جايما الناس ينغزون ليش ما حملتي ؟
اانا اتضايج واشيل في خاطري
بس احين لا
اي حد يسالني اقول:متو ما الله كتب بيرزقني
وانتي ما عليج من كلامهم استغفري واقري سورة البقرة
وان شاء الله تكونين حامل

**نوارةUAE** · 2011-03-20, 14:49

اليوووووووم والحين ادعي الله سبحانه يرزقج الحمل
ادعي وقولي ياااااأرحم الراحمين
ادعي وقولي يا فرد يا أحد يا صمد يا حي يا قيوم. يا أرحم الراحمين يالله
ثقي بأن الله سبحانه ما أخرج الا لحكمه وهو ان شاء بيرزقج
حبيبتي سوي اللي قلت لج عليه
الدعاااااء ثم الدعاااااء والصلاة على رسول الله
والله يرزقج برحمته انه أرحم الراحمين *

**ام مهره و شمه** · 2011-03-20, 14:51

الله يرزقج بالذرية الصالحة ان شاء الله

**موزه السويدي** · 2011-03-20, 14:53

المفروض ماتفكرين ولا تهتمين لكلام الناس لأن الله هو المعطي لا سواه
اطلبيه وبتلقينه يمج ماينسى عبده والتفكير يقلل من فرص الحمل

**هـواجس** · 2011-03-20, 15:00

المشاركة الأصلية كتبت بواسطة رومانسيـ@

انا براي عشان ما تعبين بالتفكير تقدرين تفحصين دم الهرموني وبتعرفين النتيجه باذن الله الواحد الاحد تكونين حامل واذا ربي ما كتب تراه خير لانه هو الوحيد اللي عالم باي وقت خير لج وبيرزقج ولا تحطين بخاطرج الناس رمستهم ما بتوقف حتي لو عندج الخير ادعي بصلاتج وبكل وقت وربج كريم يرزق من يشاء بغير حساب

الله يسمع منج يارب ويستجيب لدعانا ويرزقنا الذريه الطيبه الي يرضاها لنا
مشكوره يالغاليه وبحاول اتصبر للخميس وعساني بعون وفضل الله اكون حامل وينجبر خاطري

**مياسوه** · 2011-03-20, 15:35

اتوكلي عالله

وبإن الله راح يكرمج بالحمل القريب

**ريماني 1** · 2011-03-20, 18:20

الله يرزقج ان شااااااااء الله ويرزقنااا بعد صبري وان شاء الله يكون خيرة لج

عسى أن تكرهوا شيئا وهو خيرا لكم

**سكون الليل** · 2011-03-20, 18:25

الله يكتبلج الحمل حبيبيتي

اتريي للخميس أفضل وفحصي عند الدكتورة أو فحصي بروحج ف البيت

وان شاالله تكونين حامل والله يعوضج بتواام يااااااااارب العالمين

**missalia** · 2011-03-20, 20:23

الله يرزقج بالحمل الصالح
لا تستعيلي على رزقج عزيزتي حطي في بالج عسى هالتاخير فيه خير لج وصالح
دام ان كل شيء طبيعي الحمدلله ان شاء الله الامور طيبة

الموضوع: ضايج قلبي

أدوات الموضوع

عرض

ضايج قلبي

المزيد من آخر المواضيع من نفس القسم:

المواضيع المتشابهه

طآر قلبي .. من ضولعي يتبعه !! قلبي .. اللي كلمآ يلقآه ضآأع ..!!

احس همي وصل حده ....وصدري ضايج ...ادعولي

سيدات المنتدى قلبي يتألم ...........قلبي وجعني..............عيني تأذت....والله حرام