زوجي محور حياتي

**أم حمووود** · 2011-03-17, 13:37

حبيباتي المتزوجات ...وزوجات المستقبل
الزواج نعمة من الله سكينه ورحمة وياما بنات يتمنون يحصلون زوج صالح يكملون معاه حياتهم
لاحظت في المشاركات والمشاكل الاخيرة ان اكثر المواضيع لزوجات يشتكون من عدم اهتمام الزوج فيهم سواء كانت متزوجة او فترة الملجة
الزوج من الطبيعي انه اتيله فترات يبتعد اشوي ...بنقولين امطنشني وما يسال عني ؟؟ اقولج : هذا طبيعي وكل المتزوجات مروا بهالحاله يعني كل الرياييل فيهم هالطبع اتمر عليهم ايام يبتعدون فيها عنج ..
اول فترة بتتضايقين وبتحسين انها اهانه في حقج بعد ما كان يدلعج ويسال عنج ويسمعج كلام حلو ..بس بعد فترة بتحسين بقيمة هالشي لما اتزيد عليج المسؤوليات بتحسين انه فعلا انتي بعد محتاجة لها الوقت
استغلي هالوقت بشي مفيد ولا اتضيعينه وانتي تنتظرين منه اتصال لانه بيرجع لج مشتاق اكثر من اول وكوني على يقين
دلعي نفسج ف هالوقت ..سيري الصالون ، اطلعي مع ربيعاتج ، زوري اهلج أو اهله وغيري جو عشان تتغير نفسيتج بس طبعا باذنه
عشان لما يرجع يلاقيج منتظرته بابتسامه مش بدموع وعتاب وليش ما سالت عني
اساليه بعد ما يرجع وين كان ووين سار وكيف كان يومه وانتي مبتسمة وسولفي له عن طلعتج وعن يومج اذا هو من النوع اللي يسمع
مب اتمدين بوز واتقولين ليش ما سالت عني وليش ما اتصلت فيني
حسسيه انج تبين راحته بس وانج قادرة اتقضين يومج بدونه بس ف نفس الوقت حسسيه انج اشتقتيله
الزوج يدور الحرمه اللي اتحب بيتها واتحب نفسها واتحبه
خليج قد المسؤوليه لما اتصير اي مشكله لا اتقولين الرياييل ما منهم امان وان ما يبين ف عينه ووو...
لانج انتي اتسوين باصلج وعشان ترضين ربج لانج ف النهاية مسؤوله عن زوج وبيت وان شاء الله عيال ف المستقبل لا تهملينهم عشان حياتج لانج لازم بتضحين عشانهم لا اتقولين حياتي ابي اعيشها وما اريد ادفن نفسي ف البيت لانج لما تتزوجين لازم اتحطين ف بالج انج راح اتكونين مسؤوله عن عيال وزوج ...لازم تعطينهم الاهتمام والرعاية واتوفرينلهم الراحة ..بس طبعا مب على حساب نفسج
اطلعي وغيريجو زوري صديقاتج بس لا اتكثرين من طلعاتج للحد اللي تهملين فيه عيالج وريلج..
لانج كثر ما تعطينهم بيعطونج وكثر ما خفتي الله فيهم الله بيعوضج بكل خير ...
اللي يقولون الزوج لازم ما يكون كل حياتج اقولج ...هو صار حياتج فلازم تتاقلمين مع ظروفه وحياته ولازم اتراعينه وما اتقصرين عليه بس خليج قويه ف شخصيتج
التفاهم والنقاش والحوار هو اللي بينظم حياتج وبيريح بالج..افهميه عشان يفهمج
واذا ف خاطرج شي او تبين منه شي اتكلمي ولا تخجلين او تنتظرين هو يبادر كوني انتي المبادرة باسلوب راقي وبكل الحب اللي تحملينه له عبريله عن اللي ف خاطرج عشان هو بعد يتعود انه يفضفضلج

الله يوفق كل المتزوجين ويديم عليكم المحبة والمودة والرحمة

المزيد من آخر المواضيع من نفس القسم:

**نخوبه** · 2011-03-17, 13:49

ربي لك الحمد ..

**كفايا جروووح** · 2011-03-17, 14:36

صااااادقة بكل كلمة قلتيها وتسلمين الغالية

**ابداااع للتصميم** · 2011-03-17, 14:45

**"ام خالد"** · 2011-03-17, 14:50

مشكوره
والله ان كلمج صح وحلووالله يوفقج لكل خير

**صاحبة السمو85** · 2011-03-17, 14:59

ماقصرتي غاليتي

**كريستال** · 2011-03-17, 16:04

اللهّم اغننا بحلالك عن حرامك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

**وداع الليالي** · 2011-03-17, 16:19

صح كلامج...
و تسلمين الغاليه على التنبيه..

**الطائر الهادى** · 2011-03-17, 16:28

جزاااك الله كل خيير

**أإمـ Nـــ99ف** · 2011-03-17, 16:57

الله يوفق كل المتزوجين ويديم عليكم المحبة والمودة والرحمة

**جرح وحداوي** · 2011-03-17, 17:00

مشكوورة ويزااج الله كل خيير..

فعلا الوحدة لاازم تمسك العصا من الوسط.

تكون حكيمة وذكية وصبورة..

**أم حمووود** · 2011-03-17, 22:35

مشكورات خواتي الغاليات والله يهني كل وحدة مع زوجها ويرزق العزابيات بالزوج الصالح

**ilmiss_kissli** · 2011-03-17, 22:42

مشكووووووره ع طرح حياتووو

الموضوع: زوجي محور حياتي

أدوات الموضوع

عرض

العرض المتطور

زوجي محور حياتي

المزيد من آخر المواضيع من نفس القسم:

المواضيع المتشابهه

لاتجعلي زوجك محور حياتي

زوجي هم حياتي

زوجي الحبيب: أنت شريك حياتي و لست كل حياتي..!!!

زوجي الحبيب أنت شريك حياتي ولست كل حياتي