بفقد اعصابي

**فلوري** · 2011-03-16, 02:00

بنات انا عندي مشكلة مع ريلي وهي اني ما اثق فيه
اسويله كل شي يخطر على بالكم و علاقتنا مافي احسن عنها بس
من كثر المشاكل اللي اقرى عنها في المنتدى و برع المنتدى سواء من اهله و لا من اهلي
ما اصدق انه هو ممكن يكون غير
ريل اخته يسهر لين الساعة 3 الفير و اخته تشتكيلي
و اخوه مأخذ بدال الوحدة 2 و يوم عرفت الاولى طلق الثانية
و ريل اخته الثانية كل اسبوع لازم يسافر و يوم اشوفها جنها عود من الهم اليهال على قلبها و اتقول ريلي
مشغول بس الاخت الثانية اتقول انه ريلها مسافر و لا يدري عنها
غير عن انه ربيعاتي كل وحدة تشتكي من صوب. وحدة من ريلها اللي
يقولها انتي تشتغلين صرفي على عمرج و الثانية اللي ما يخليها تطلع من البيت و الثالثة اللي تطلع و لا يسأل

و انا اتعقدت و صارلي شهرين كل ما يشل تلفونه اطالعه حتى هو قام يخاف يرمس جدامي
يقوللي انتي مينونة مافي شي و لا تختلقين شي من لا شي و انا اقوله لو اتحبني راوني التلفون
يقوللي لا
ليش لا
لانج المفروض تثقين فيني

و انا ازعل و ارد اطلب مرة ثانية

مرة اتصلت فيه وحدة الساعة 12 و نص في الليل و جدامي كلمها عن الشغل و عادي و لا جنه
و سألته منو هاي قاللي ردينا تراني كلمتها جدامج و سمعتي

و من كم يوم طرش مسج و وصله مسج و رد طرش و وصله و رد طرش
و انا كنت يالسة حذالة و الساعة قريب ال 12
فطالعته و نزلت رأسي حاولت اني ما اسأل و يوم شافني سألني شو فيج
قلتله ليش هالقد مسجات .. ليش ما تتصل و اتفك عمرك
قاللي انه هو اللي طرش و انه هالوحدة ردت قالتله انه عقب 10 دقايق بتتصل
و بعدين هو طرشلها انزين خذي راحتج و بعدين هي طرشتلج ما اقدر اتكلم الحين لانه
ولدي نش فكلمك باجر عن موضوع "الشركة الفلانية" و عن "ء" و شو لازم نقول
و ما صدقته !
قلتله يعني ما تروم تتريا لين باجر
قاللي لا لانه باجر الساعة 9 الاجتماع

من غير ما احس قلتله جذاب ما اصدق ! يعني كيف بالعقل ريلها وياها و ولدها ناش و اطرش مسجات ؟
كيف ريلها يرضى
و كيف هي ترضى
لو انا مستحيل ارمس واحد يشتغل وياي هالحزه

ضحك علي و قاللي تبين اتشوفين

قلتله هيه ابا اشوف

و المشكلة انه كل اللي يقوله كان صح
و حرفيا جي كان مكتوب
و رواني صورتها في موقع الفيس بوك

و بعد ما خلص قاللي ارتحتي ؟

بس انا ما ارتحت .. كنت اتوقع انه بيطلع خاين

هل انا مريضة؟ و شو اسوي عشان افتك من هالشكوك

اموت عليه و هو نفس الشي و يوم اتذكر ايام الملجة و الزواج و شهر العسل اقول اني محظوظة وايد ما كملنا 6 شهور معرسين و يايتني هالشكوك من فترة الحين

المزيد من آخر المواضيع من نفس القسم:

**ابداااع للتصميم** · 2011-03-16, 02:17

الله يهديه وييسر امورج "خليها علي الله يمكن يتغير ""

**ام اصيله** · 2011-03-16, 02:21

لاتخلي الشيطان يلعب فيج والافكار تاخذج وتوديج
دام انج تحبيه ويحبج لا تخلي الشك يدخل من بينكم لانج انتي اللي بتعبي وبتخسري ريلج فالنهايه
بس في نقطه حاولي تتفقي معه انه يحط حدود مع زميلاته
شو يعني شغل والساعه 12 يرمسوون فيه ليش انشالله
خليه يحط خطوط حمراء لها الموضوع
واللي تحسي فيه احس عادي كلنا نمر فيه بدايه الزواج بس حاولي ما تتاثري بغيرج

**العنود20** · 2011-03-16, 02:23

استغفر الله
استغفر الله استغفر الله
استغفر الله استغفر الله استغفر الله
استغفر الله استغفر الله استغفر الله استغفر الله
استغفر الله
استغفر الله
استغفر الله
استغفر الله
استغفر الله

**فلوري** · 2011-03-16, 02:25

المشاركة الأصلية كتبت بواسطة ام اصيله

لاتخلي الشيطان يلعب فيج والافكار تاخذج وتوديج
دام انج تحبيه ويحبج لا تخلي الشك يدخل من بينكم لانج انتي اللي بتعبي وبتخسري ريلج فالنهايه
بس في نقطه حاولي تتفقي معه انه يحط حدود مع زميلاته
شو يعني شغل والساعه 12 يرمسوون فيه ليش انشالله
خليه يحط خطوط حمراء لها الموضوع
واللي تحسي فيه احس عادي كلنا نمر فيه بدايه الزواج بس حاولي ما تتاثري بغيرج

و هذا اللي انا قلتله
يرد علي يقوللي انه في شغل ما يتأجل و فعلا طبيعة شغله انه التلفون وياه 24
انا متفهمة بس ماعرف ليش الشك في قلبي مع انه يطلع صادق و مافي شي

**دلووعتهم** · 2011-03-16, 02:33

الله يهديييييييييييييج ودرى عنج ها الشك

**سوارة** · 2011-03-16, 02:36

**المياسه 2** · 2011-03-16, 03:22

الغاليه معظم الحريم مرو بها الشي في النهايه مشاكل ما تنتهي ويبتدي الريال يتملل من حرمته
والحرمه بهالشكل تدفع الريال انه يدور على وحده تريح نفسيته
فــــــــــ توكلي على الله ولا تجلبين حياتج مشاكل وهموم وغيوم والسما اصلا صافيه
بقولج
انا مثلا كنت اشتغل في مكان مختلط وكنت اقولهم ما برد على اي اتصال من موظف عقب الدوام لكن احيانا بصراحه ارد لانه فيه شغل ضروري ولازم انتباحث فيه قبلها بيوم وهذا من مساؤى المكان المختلط
عشان جيه ظهرت من الدوام ... اما ريلج ما بيروم يظهر لانه مصدر رزق له ولج

حطي الرحمن في قلبج ولا تشكين ولا تهدمين حياتج بايدج
الله يوفقج

**um theyab** · 2011-03-16, 03:35

لا اله الا أنت سبحانك اني كنت من الظالمين

**marwa2005** · 2011-03-16, 04:47

لا اله الا أنت سبحانك اني كنت من الظالمين

**نجمة الفجر** · 2011-03-16, 08:06

مالومج مراات البعض يتصلوون في وقت متأخر من الليل علشاان يسألون

عن أمور الشغل طول الوقت ما يسألوون حبكت في الليل...؟؟؟؟؟

بس دام ريلج هب غلطااان لا تعبين نفسج بشك لانه هذاا أسمة مرض

حاولي تتعوذين من بليس والله يبعد عن ريلج بنااات الحراام.

**جواهر الصحراء** · 2011-03-16, 08:27

الله يهداج بس شكلج بتخربين بيتج، اووكي تقولين انج سمعتي من ربعج وتشوفين من اهلج انه ريل فلانه فيه وريل علانه فيه ، ماااااااااااااااا قريتي البنات اللي كاتبين مشاكلهم عن هالشك ويين وصلهم ؟؟!!
كل وحده كاتبه مشكلتها علشان ادور حلول لانها دمرت بيتها بايدها، كل وحده سارت بيت اهلها وصدقت اوهامها (وهوو أصلا مافي شي) واندمن وتبا ترد بيت ريلها بس مب عارفه كيف ترقع اللي سوته ، خلاص الحياه الزوجيه ثقة واذا راحت هالثقة انهدم اساس هالبيت الله يهديج ابعدي عن هالاوهام ولاتكونين مثلهم لانج بتندمين وااايد وبتكون حياتج كلها هم لانه ما بيكون همج غير ريلج وين راح ومع منو طلع وليش تاخر ومنو رمس وووووووو

الله يهديج بس

**jumana** · 2011-03-16, 09:18

تبين تدمرين حياتج انتي

الله يهديج حاولي تخففين من الشك ، مب شرط الكل يطلع خاين حتى لو محيطج جي

الله يخليه لج

**عذايب22** · 2011-03-16, 09:22

سبحان الله وبحمده سبحان الله العظيم
سبحان الله وبحمده سبحان الله العظيم

**غلا علي** · 2011-03-16, 09:27

استغفر الله
استغفر الله استغفر الله

الموضوع: بفقد اعصابي

أدوات الموضوع

عرض

بفقد اعصابي

المزيد من آخر المواضيع من نفس القسم:

المواضيع المتشابهه

اعصابي وقت الدورة

لو أفقدك بفقد روحي معك

ساعدوني فقدت اعصابي

من يريح اعصابي

موضوع تجميع طلبات بن ناي ......حرق اعصابي ..وتوترت ..