المستوى التعليمي

[خدن امورد]

السلام عليكم
يز
شحالكن خواتي عساكن بخير .. انا خطبني واحد من عايلة زينة والكل يمدح فيها والريال مصلي وخايف ربه والكل يمدحه .. بس يوم كان عمره 19 كان له ملف ف الشرطة هل هالشي بياثر ع علاقتنا ؟؟
وهو من عقب هالشي خلاص ما سمعنا عنه شي والكل يمدحه في دوامه ..

الشي الثاني هو عنده شهادة الصف السادس وانا جامعية هل هالشي بيخلق مشكلة بينا وبنقدر نتفاهم
لو ربكم كتب نصيب ؟؟؟؟؟؟

للعلم هو يداوم وراتبه زين والحمدلله ريال مقتدر ويصلي ومحترم واخلاق

انا استخرت الحمدلله وارتحت والامور تيسرت باجي استلم المهر فقلت اسال قبل ما اخطي خطوة

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

[* ام خماس *]

حبيبتي مداام انكم سألتواا عنه وسمعته طيبه واخلاااق ودين ماشااء الله

وانتي استخرتي وارتحتى فتوكلي على الله حبوبة

والله يجدم لج الي فيه الخير يااارب ^^

[افناان]

صراحة الفارق التعليمي وايد كبير
بتختلفون ع ابسط الامور
بعد لو عنده ثانوية بنقول ، بس سادس ابتدائي اسمحيلي
الحين الناس تراكض ورا الماستر وانتي بتاخذين واحد سادس
اللي تقول الريال مب بشهادته ، اقلها بشهادته و نص ، صح ان الشهادة مب كل شي بس هالشي وايد ياثر ع التفكير و السلوك الاجتماعي و احنا الحين في زمن العلم و التكنلوجيا
هذا رايي و انتي ع راحتج

[خدن امورد]

تسلمين ام خماااس ريحتيني :]

[اصايل الشامسي]

اختي بخبرج عن تجربتي ان شاء الله تفيدج ( بس بالمختصر )
انا خريجة جامعه وريلي مخلص سادس بالغش بعد وانا اكبر منه بست سنوات ومطلقه قبل لا ياخذني ......
شوفي الفرق بيني وبينه فرق كبير يعني هو اصغر مني وعنده شهادة سادس وانا جامعيه ومطلقه ...
والحمد لله زواجنا كمل 8 سنوات والكل يحسدنا على الحب والتفاهم اللي بينا والحين عدنا 4 عيال الحمد لله وشكر لك يارب ...
اختي دامج استخرتي ورتحتي توكلي على الله ... الله يوفقج ويبعد عنا وعنكم كل حاسد
نصيحه ( لا تخلين حد يتدخل بينج وبين ريلج حتى لو كانت امج )

[be with me]

ما يخصه المستوى التعليمي .. في منهم جامعيين و تفكيرهم محدود ..
و شئ ما عندهم شهاده و تحسين انهم فاهمين وواعيين

أهم شئ ارتحتي ،،
وإذا حصل نصيب .. و تبينه يكمل دراسته .. شجعيه بس بأسلوب. حلوووو

[عليا القمر23]

كل شي يمشي بالعقل وهذا هو الاهم مب بالشهاده وغيره ياما ناس خذو الشهايد بس تعالي شوفيهم كيف

الله يوفقج غناتي ويتمم لج ع خير ان شاءالله

[مريوم هيثم]

سبحان الله وبحمده سبحان الله العظيم

[دلة أم خماس]

شي ريآييل عندهم شهايد ماستر ومناك فالامور الحياتيه مايعرفون شي .. !

وناس مب متعلمين .. وفاهمين الدنيا بزينها وشينها


لاتاخذين الامور من الناحيه التعليميه ... ترا الدنيا اكبر مدرسة واكبر جامعه للشخص ..

وصدقيني لو صار نصيب باذن الله .. لاتفكرين تيبيله طاري الدراسه .. لانه بيحس انج تعايرينه بمستواه التعليمي

حبيبتي فكري فيها.. الريال يوم طلع من الدراسه .. طلع عشان يشتغل مب عشان يلعب فحياته .. اشتغل وكد ع نفسه

وشدراج ..!! ترا شي نوعيه من الرياييل يطلع من الدراسه لانه يقول فخاطره ليش اخلي اهلي يصرفون عليه .!!! احسلي اطلع واشتغل << وربي جي تفكير بعض الرياييل =) ..


اتمنالج التوفيق وان شاء الله يكون من نصيبج

[قايده الغزلان]

الله يسر امورج ويسعدج

دام انج استخرت وارتحت تكلي على الله

[سوارة]

[آم خ’ـآلد]

الاستخاره الحل

الريال بعقله مب بشهادته

[نقنوقة]

بالنسبة للماضي عفا الله عما سلف

والمستوى مايخصه

يختي في ريااييل ابتدائية وتفكيرهم احسن عن قوم الدراسات العليا

اهم شي انج ارتحتي في الاستخارة، وربي سهل الامور

[نجمة الفجر]

شو فايده أنسااان عندة شهااادة وخلااااقه زفت...!!


ياااااما نااااس ما عندهم شهااايد وما شاااء الله عليهم قد المسؤولية..


شو يعني الشهاااادة أنتي بتأخذينه علشااان أخلاااقة والأ علشااان شهااايدة...!!

[خدن امورد]

هلا خواتي انا مب معترضة ع انه اقل مني في المستوى التعليمي بس حبيت اخذ رايكم في الموضوع

والولد حسب ما عرفته بار بوالديه ويموت ف خواته وهالشي ريحني وايد

وتسلمون عالردود