سلطة الناجولز..بالصور

**لاليك** · 2007-07-09, 21:04

السلام عليكم ورحمة الله وبركاته..!!

اليوم يايبتلكم سلطه لذيـــــــــــــــــــــــــــــــــذه..واحلى شي لو سويتيها يوم يزورونج اهلج وله صديقاتج مابيصدقون ان انتي سويتيها..

المهم ما بطول عليكم الصور بتحكم اذا يستاهل وله لا..المقادير تقديريه يعني كم عدد الاشخاص اتزيدين..

المقادير:

خس امريكي..يقطع بالطول قطع وسط..

بصل اخضر انا حطيت 3..فلفل رومي (بارد) اخضر+احمر+اصفر+برتقالي..استغنيت عن البرتقالي لان ماكان متوفر..يقطع مكعبات

عصير ليمونه..

فص ثوم مهرووس عدل مدل..:22 (12):

علبة فاصوليا حمرا+علبه ذره..

لبنه بوك او اي لبنه تحبينها..

جبنة شيدير مبشووره..

تاكو سوس..صلصه مكسيكيه..مقدار ملعقتين او على حسب الكميه..

شبس ناجولز..انا استعملtoritia chips << هذا ينباع في ابيلا بس..تقدرين تستعملين نوع ثاني..

----------------------------------------------------------------------------------------

البهارات:

فلفل اسود+كزبره مطحونه

ملح+كمون مطحون..

مزيج السلطه..

اويجانو للبيزا

--------------------------------------------------------------------------------------------

الطريقة:

قبل التحضير شغلي الفرن من فووق بس عشان يكون حار..

تخلطين البصل والفلفل الملون والفاصوليا الحمرا بس قبل لازم تغسلييينه عدل عدل..مع الذره..
وتضيفين البهارات والثوم و اليمون وصلصة التاكو..مع مزيج السلطه و الاوريغانو..

تخلطينه وبيطلع بهالشكل..

تحطين الشبس في صينية بايركس ..(الطبقه الاولى)

اتحطين الخلطه اللي خلطناها..(الطبقة الثانيه)

واخيرا" تحطين الخس الامريكي اللي سبق وقطعناه..(الطبقة الثالثه)

اذوبين اللبنه بقليل من الماي وتظيفينه فوق الخس مب لازم تغطين الخس كله عشان ما يذبل الخس وتضيفين الجبن المبشور..

وخيرا" تحطينها بالفرن ماتخلينه واايد يمكن بس دقيقه ونص بس عشان الجبن يذوب..مب تخلينه لين ما يستوي حاار..:1 (22):

وهذا شكله النهائي..

ان شاء الله يعجبكم وصفتيه المتواضعه..وهني وعااافيه..

المزيد من آخر المواضيع من نفس القسم:

**catwoman** · 2007-07-09, 21:25

تسلم ايدج بنجربها ان شاء الله

**لاليك** · 2007-07-09, 21:26

ابصراااااااحه زعلتوني .وهاي اول مره انزل موضوع واحليلي اليوم سويتها وصورتها ونزلتها..

واخر شي..12 مشاهده وولا رد..!!

**لاليك** · 2007-07-09, 21:34

catwomen فديييتج والله جبرتي بخاطري..

عاد جربيها وكتبي رايج بالموضوع عشان اعرف اذا عيبتج وله لا..!!

**لاليك** · 2007-07-09, 21:35

لذيييييييييييييذه ويا الفاصوليا..لان طعمتها تكون غييير !!

الغلــــــــــــا جربيها وقوليلي..رايج!!

**غــويه** · 2007-07-09, 21:58

والله إني يعت بصراحه شكلها وووووووووايد لذيذ
تسلم إيديج فديتج ^^
بس حبيت اسألج شبس ناجولز وين نقدر نلاقيه يعني شي منه في الجمعيه او سبينس ؟؟
تسلمين على الوصفه حبيبتي

**القمزية** · 2007-07-09, 22:03

يااااااااااااي مابقول يوعتيني لني توني ياية من العشا وماكلة بشاميل بس اشتهيتها

شكلي بجربها يوم بسير عشي الصغير بنطعم بو الشباب

بالعافية عليكم حياتي ونتريا طبخاتج اليديدة

**بنـــت الفلاسـي** · 2007-07-09, 22:11

شكلها يمي بس ما احب السلطات >_< ...
سلمت يديج الغاليه .. وربي يعطيج العافيه ....

وبالعافية عليكم .. ^_^

**umRashid** · 2007-07-10, 01:13

شكلهااااااا لذيييييييييييييييييييييييييييييييذه السلطه يوعتيييييييييني
تسلم ايدج الغاليه

**العيـــوز** · 2007-07-10, 01:20

سلمت يديج الغاليه .. وربي يعطيج العافيه

**لاليك** · 2007-07-10, 02:07

اشكركن عالمرور ..عاااد هاااه جربوها..!!

**لوليانو** · 2007-07-10, 02:11

عجيييييييييبة ....شكلها وااايد روووعه ... لالالالالالالالازم اجربهااا

تسلم الأياااااااااادي

**لاليك** · 2007-07-10, 03:13

الله الله يلا جربيها واتريا رايج فيها..!!

عاد لا تنسين تدعيلي..

**mahra** · 2007-07-10, 03:40

rawaaaant walaa loooooooooool
areeeeeeeeeeeeeeeeeeeeeeeeeeeeeeeeeeeeeed

**هبه أيول** · 2007-07-10, 08:35

شكلها لذيذة ........... بالعافية .....................بنجربها شو ورانا

الموضوع: سلطة الناجولز..بالصور

أدوات الموضوع

عرض

سلطة الناجولز..بالصور

المزيد من آخر المواضيع من نفس القسم:

المواضيع المتشابهه

سلطة الناتشوز السهلة اللذيذة بالصور

}} سلطة الجرجير من مطبخ رومانه و بالصور

سلطة بالصوص الإيطالي ... بالصور..~

سلطة الزعتر ( بالصور المفصلة )

سلطة فواكة سريعة ومميزة ،،،،بالصور