متى ابدا أأكل بنتي

**حنان الهاجري** · 2011-03-09, 20:22

بنتي كملت الشهر الرابع ودشت توها الخامس برايكم ابدا اعطيها اكل ؟
وشو اعطيها ؟؟

المزيد من آخر المواضيع من نفس القسم:

**مرافئ صمت** · 2011-03-09, 21:21

مادري

انا افضل يوم يدخلون السادس

**ام-غزوووله** · 2011-03-09, 21:32

اناا بدييت اعطيهاا يوم عمرهاا 4ش ونص
وابدي باشياء بسسيطه باليوم مرره كانج تذوقينهاا وكلل يومين ثلاث زيدي الكميه شوي
انا بديت ببسكوت ميلوبا حبه وحده وبعدين عيش ميلوبا << بس ما حبته وايد اناعيالي اغلبهم يحبون اكل البيت اكثر
وعقب فورت لها ربع تفاحه وطحنته << حبته وزدته عقب لنص وممكن مع البرتقال تمكسينه شوي << العصير ماله
وكمثرى بنفس الطريقه
وبطاط او كوسا بنفس الطريقه
وبعد يين
بطاط وكوسا وممكن مع العيش تفورنه وتهرسينه وجيي كل اسبوع تزيدين لها شي الليين ماا تعود من عقب الخامس ابدي بالوجباات العدله
وبالعافيه عليها

**dnyailwalah** · 2011-03-09, 21:44

ومنكم نستفيد

**ahaat_2015** · 2011-03-10, 00:53

ام غزوووولة ما قصرت ابدي اكليها بطاط مهروي جزر كوسه قرع عدس عيش مصري فواكه مهروسه اي شي ما حبته او حسيتيه ثقيل لا تعطيها اجليه لين تكمل السادس سويلها جزر مع بطاط مع قرع وعيش وكوسه وعدس ثوريه واهرسيه وحطيله ملح نوعي احسن تبديلها بأكل البت وبالعافيه على قليبها عطيه سح في ماي وااايد زين

**ابداااع للتصميم** · 2011-03-10, 01:35

اتري لين الشهر السادس احسن"من تجربتي وياا بنتي كانت تاكل بس المشكلة ما اتهضم وبيجسها امساااك وهنااا مشكلة""موفقه الله يحفظها"::"

**حياتي ولدي** · 2011-03-10, 01:53

ياليت لو تصبرين لين ما تكمل ست شهور

ولدي صابته حساسيه ووقفت عنه الاكل لين ما كمل ست شهور نصيحة الدكتوره لي

**دريمه** · 2011-03-10, 03:21

انا بنتي من اسبوع كملت ست شهور وبديت معاها الاكل من اسبوعين
لاحقه عالاكل لا تستعيلين عليها لانه الجهاز الهضمي للياهل غير جاهز للاكل

**حنان الهاجري** · 2011-03-11, 17:06

بارك الله فيكم خواتي ما قصرتو كفيتو ووفيتو

**قلبي نفسي** · 2011-03-11, 17:16

انا درست تغذية الطفل

اول ماكمل 6 شهور تقدرين تبدين وياها بالعيش بس

لا تفكرين تبدين بالقمح او السيريلاك لان بعض اليهال يتحسسون ويصير عندهم حساسيه قمح طول عمرهم

ابدي بسيريلاك قمح او اطبخي العيش بروحج ...واهرسيه ...اول 3 ايام او اول اسبوع عطيها عيش
لان لو ياها اسهال او معص بيكون من الاكل اليديد او من الانتقال من اكل سائل الي هو الحليب
لشي صلب في فهالحاله ما بيكون اسهال من الحساسيه
بعدها تقدرين تبدين وياه بالقمح والسيريلاك

تحت الست اشهور ما انصح الام تعطي الطفل اي اكل الان جهازة الهضمي مب مكتمل ...
والكلى بيزيد الشغل عليها ...

**نونه دلوعه** · 2011-03-11, 17:29

عادي اكلها

**newmama** · 2011-03-12, 06:19

انا بفضل من الشهر السادس
وببدأ بخضار مسلوق جزر بطاطس كوسه

**سوارة** · 2011-03-12, 08:19

**حنان الهاجري** · 2011-03-17, 02:00

يعني ما ينفع. اعطيها. تفاح او كمثرى طبعا مهروسه بالخلاط؟

**om نصور** · 2011-03-19, 18:07

نصيحه مني اعطيها حتى في الصيدليات و الاسواق اكل حق عمر اربع شهور

انا اختي كانت تعطي بنتها تمر في الشهرين ابدي تعطيها السريلاك مع الحليب بالمرضعه يعني اي شي تسويه لها
سويه شبه سائل واعطيها بالمرضعه ...

الموضوع: متى ابدا أأكل بنتي

أدوات الموضوع

عرض

متى ابدا أأكل بنتي

المزيد من آخر المواضيع من نفس القسم:

المواضيع المتشابهه

متى ابدا أأكل ولدي ممكن نصايح

شو أأكل بنتي بعمر ال 6 شهور

كيف ابدأ أأكل بنتي

متى أأكل بنتي؟؟

شو أأكل بنتي اللي عمرها 4 شهورر } HELP ME