هل تؤمنين بالحب؟؟

**تراتيل الرحيل** · 2011-03-06, 14:04

السلام عليكم
وحشتوني يا سيدات الامارات
صار لي فترة ما دخلت المنتدى بسبب الاختبارات و الامتحانات
المهم اول شي باركوا لي لأني تخرجت

ثاني شي بغيت اتناقش معاكم اليوم عن موضوع الحب
يعني الحب بكل انواعه
حب الام لولدها
حب الولد لأبويه
حب الاخوان لبعض
حب الاصدقاء
حب الاهل
الحب اللي يكون بين البنت و الولد
حب الزوجين لبعض
و غيرها من انواع الحب

هل تعتقدون بوجود الحب؟؟
هل تعتقدون بوجود هذي الانواع ؟؟
أو تحسون ان بعضها ينتج عن مصلحة؟؟
و شنهو تقولون عن بعض الناس اللي تحب بس ما تصرح عن حبها ؟؟

و اذا كان الولد يحب امه و ابوه ليش اذا كبروا و صاروا يعتمدون عليه يقطهم بدار المسنين؟؟
اذا الاخوان يحبون بعض ليش يتخاصمون و تكون بينهم قطيعة لفترة طولية من الزمن بسبب حاجات تافهة؟؟( ترى هذا المثال انا شفته حقيقة)
و اذا كان الزوج يحب زوجته ليش يروح يتزوج عليها؟؟

هذي نقاط الحوار اللي نبي نتناقش فيها و كل و حدة تدلي بدلوها في هذا النقاش و تكتب رأيها بصراحة

لكل من سيشارك هنا

المزيد من آخر المواضيع من نفس القسم:

**أم دانووووه** · 2011-03-06, 14:08

مش شرط ان الحب يروح بس ساعات الاختلاف في وجهاات النظر يسبب مشاكل فالناس المتفهمين ممكن يوصلون لحل والبعض الاخر متسرع ويحكم باللي في راايه
الله يديم المحبه بين الناس

**bellegirl** · 2011-03-06, 14:10

غاليتي

الحب درجات وصفات وأحكام ^_^

الحب مشاعر راقيـة يعجز اللسان عن وصفها

ألفـة ومحبة ومودة ,,

وفي الحب في الله وهو أعظمهم مرتبـة

لكن في حب محرم شرعا ..

والي يكون وسوسة من الشيطان ويكون اعتقاد بالحب وليس حب حقيقي ^^

**ماحد شراتي** · 2011-03-06, 14:11

اول شي مبروووك ع التخرج وعقبال الوظيفه يااارب

اذا تقصدين بحب الام والاهل وغيره فانا اؤمن فيه
غير جيه ما اؤمن ^^

**الفراشهـ** · 2011-03-06, 14:23

مبروك ع التخرج ^^

حب عن حب يختلف ..

حب الوالدين مب شرات حب زوج او حب شخص غريب ..

والانسان يمر بظروف ومواقف وبشكل عام االانسان اناني . كله يفكر في عمره ويبحث عن الافضل وعن الي يريحه ..

واقصد بالظروف .. الناس الي حواليه وثقافته ..

مثل ماتفضلتي وقلتي ان الولد يعق امه وابوه في دار المسنين مع انه قادر انه يعتني بوالديه ..
بس الي حوليه اذا كانت حرمته او ربعه يقولون له هاي عيوز منتهيه وفضيحه تمشي وياها ومن هالكلام الي ماله داعي .. بس الي انا شفته ان واحد يحاول يذبح امه بأي طريقه مع ان امه توها شباب .. والسبب حرمته .. والمصيبه انهم مواطنين مب اجانب عسب احس ان الموضوع عادي ..

شفتي الظروف شو اتسوي ..

الله المستعان

*** ام خماس *** · 2011-03-06, 14:38

الصلرااحه واايد ناااس ماا تعرف ان ساعات الاحساااس الي يحسون فيه

ماا يكون حب ^^

ساعاات يكون اعجااب وساعاات تقاارب في الميول والشخصياات وساعاات صدااقه قويه

لكن اصدق احسااس حبناا لله وللاهل

والبااجي يكون شي ثااني ونسميه حب ^_^

هذاا رايي والسموحه حبوبة ومبروك التخرج ^^

**تراتيل الرحيل** · 2011-03-06, 15:07

شكرا للخوات اللي شاركوا في الموضوع
انا طبعا راي مثل راي لختي ماحد شراتي
اؤمن بحب الاهل و الوالدين بعد حب الله طبعا

و ممكن يكون الانواع الثانية مجرد اعجاب مثل ما قالت اختي ام خماس
لكن اذا كانت الظروف اهي اللي تحكم الحب ليش بعض الناس ما تتاثر بالظروف هذي؟؟

**أم دانووه** · 2011-03-06, 15:15

نعم طبعا و بدون حب و ألفة و مودة مافي حياة

حبج لنفسج و للناس ولريلج و اهلج و صديقاتج

حبج للخير للجميع ...!!

الحب كلمة معناها معروف و هو المعنى الحقيقي

اللي إنذكر في القرآن و عن نبينا محمد عليه ألف صلاة سلام

**يدوه صغيره** · 2011-03-06, 15:33

كلووووووووووووووووووووووش

الف مبرووووووووووووووووووووووووووووك

ههههه تبين رايي بصراحه الحب لابد من وجوده عسب يزرع ف كل إنسان الود و الرحمه

بس للأسف بالنسبه لي الحب نقطت ضعفي و اخاف منه واايد ما ادري ليش هههههه

والسمووحه

**تراتيل الرحيل** · 2011-03-06, 21:29

الله يبارك فيكم

بس في بعض الاحيان احس ان الحب مو موجود لأن تصرفات اي شخص ممكن انها تنتج عن مصلحة و اذا انتهت يكون ولا يدري عن هوى دار اللي يحبه

هل تتفقون معاي في هذي النقطة و الا لا؟؟؟

الموضوع: هل تؤمنين بالحب؟؟

أدوات الموضوع

عرض

هل تؤمنين بالحب؟؟

المزيد من آخر المواضيع من نفس القسم:

المواضيع المتشابهه

هل تؤمنين بالسحر .......(تجربتى)

التصريح بالحب.....

هل تؤمنين في هذا الـــــــــــــــــــــــــــــــــــــــ......... ..........؟؟!!!

ابدأ يومك بالحب...وودعه بالحب

التربية بالحب