الجدريي والحمل

**شذتي** · 2011-03-04, 00:23

السلام عليكم ورحمة الله وبركاته..

خواتي كيف حالكن

ممكن تساعدوني الي عندها خبره فالموضوع

ولد اخوي فيه الجدري توه بادي من 5 ايام وبنتي عمرها 5 شهور وانا توه حامل وخايفه اسير بيت امي لانه الدكتوره قالتلي ممكن يسبب تشوه للجنين وبنتي بعدها مناعتها ضعيفه ..
مرت اخوي بتسير بيت اهلها لين ما يخف ولدها لكن كيف اعقم البيت واخذ احتياطاتي ؟؟

مممكن تساعدوني

المزيد من آخر المواضيع من نفس القسم:

**احتاجك..** · 2011-03-04, 00:31

ماعرف فديتج
والله يبعد عنكم الشر ويحفظ جنينج ويتمم لج على خير..

**شذتي** · 2011-03-04, 00:32

مشكوره الغاليه

**@أم عمر@** · 2011-03-04, 00:34

[IMG]http://www.*******.org/images/gzddy9lja582f3t733cr.gif[/IMG]

**حلى دنياي** · 2011-03-04, 00:37

للرفع

**امنشفة ريجه** · 2011-03-04, 01:13

اختي

اذا انتي ياينج الجدري وانتي صغيرة فنسبة العدوى تكاد تكون معدوووومة لأن جسمج كون اجسام مضادة ضد فيروس الجدري.. وبالتالي ماعليج خوف ان شاء الله ولا على بنتج.. لأن الاجسام المضادة خذتها بنتج يوم كانت في بطنج.. واذا مب غلطانة.. تكون نسبة اصابتها خلال اول سنة من عمرها واااايد ضئيلة.. بس عقب ما تكمل السنة.. خلاص ممكن تنعدي بسرعة

ترجمت لكم هالكلام من مجلة أجنبية

وايضا سائلة دكتورتي من زمااااااااااااااااااااااااان

**امنشفة ريجه** · 2011-03-04, 01:19

بالنسبة للعزل.. اذا هم خلاص راحوا من بيتكم خلاص مافي خوف.. ممكن كزيادة للاطمئنان، ان تخلون درايش غرفتهم مفتوحة كل يوم مدة معينة واحسن بعد لو تدخلها اشعة الشمس وخلوا الباب مسكر طول الوقت.. وخل يغسلون شراشف الياهل واللحف وثيابه وبعد الغسيل يحطونهم فوق السطح علشان يتعرضون للشمس اطول فترة.. ويعزلون هالثياب والشراشف عن اغراض باجي افراد العايلة..

والمدة الكافية للعزل 21 يوم من ظهور اولى علامات الاصابة..

**شذتي** · 2011-03-04, 02:52

مشكوره الغاليه

**بنت آمنة** · 2011-03-04, 10:07

الغلاااا لا تخافيم اذا ياج و انتي صغيرة ما بيعديج حتى لو رقدتي عندهم بعد عادي

بالنسبة لبنتج ممكن يعديها و ممكن لا على حسب ..!! بس دامها اقل من سنة احتمال لا

لكن بقولج اليهال اذا ياهم بيكون زين افضل لهم صرااحة عشان ما ييهم فالكبر عرفتي ؟

انتي تقدرين تسوين تحليل دم يبين لج هل اصبتي بالمرض فالصغر و الا لا ؟

اذا ما ياج و انتي صغيرة لا قدر الله و اصابج بيكون وااايد صعب على الجنين و فعلا يسبب تشوه خطير جدا

لكن هذا إذا أصابج فقط يعني طلعت لج حبوب و أكياس مائية و تجي ...!!

و بالنسبة للتعقيم ما شي تعقيم ممكن فقط تفتحون الدرايش كم من دقيقة و الامور طيبة عادي

هو يعدي عن طريق التنفس بوجود المريض مع شخص غير مصاب في مكان مغلق

او مثلا ملامسة الحبوب و بالضبط الماء اللي داخل الحبوب فقط و غير هذا ما يعدي حتى لو كان موجود عندج بالبيت

الله يشفي الياهل و بسرعة بيروح و هو 5 ايام يعني باقي كم من يوم و يروح

**الرحيق** · 2011-03-04, 11:35

عيل انا بقولج عكس البنات

ولد اختي ياه الجدري وهو بعده ما كمل عشرين يوم انعدى من اخته مع ان امه ياها وهي صغيرة ..

وانا يايني وانا صغيرة بس لما يا لولد اختي انا كنت توني حامل وكنت اساعد اختي بعيالهااا ..

بس بعدهااا باسبوعين اجهضت ( مع ان ما صابني انا بشكل مباشر ) وقالولي من الجدري لان البيبي اثر عليه

حاسبي اختي الوقايه خير من العلاج

**Om mariam** · 2011-03-04, 11:47

يا اختي لا تجازفين بتزورين الوالدة بعدين وبنتج صغيرة وانت حامل
ربيعتي ياها وهي حامل صح ما صار شي للنونو بس وايد وايد وايد تعبت وكله تصيح

**شذتي** · 2011-03-05, 01:32

مشكورين خواتي ما تقصروون ..

**فطمطم** · 2011-03-05, 02:27

ان شاءالله ماعليج شر اختي

**تسونامي** · 2011-03-05, 04:27

الي الي اسمعه ان الجدري على نهايته ينفض في اي شخص يصييبه

انا ياني الجدري واناااا حامل بنتي البكر الله يحفظها لاني كنت اعالج اخوي كان مصاااب بلجدري الله يرحمه ذكريات

كنا نخليه ياااكل بروحه علشان لايعدينا لاكن انا رحمه وصرت ممرضه الخاصه اييب اكله ويكون مسخن اعطيه

الدواااا واحط له الدوء الابيض في جسمه علشان لايحكه ............ بعد فتره يوم راح منه انتقل لي وكنت في شهر
ر
السااابع بس كانو يعطوني تحميله للحراره وكان عيد كل مستشفيااات مسكره لاكن الحمد لله ماااصر بننتي شي ولله

الحمد ..........

**انفاس روحي..** · 2011-03-05, 14:21

اللي اعرفه اذا ما ياج اليدري وانتي صغيره يمكن يضربج الحين ويضرب البيبي اللي في بطنج
ويضره ..هذا من كلام حريم كبار..
استريحي في بيتج وان شاء الله ما ييج شر

الموضوع: الجدريي والحمل

أدوات الموضوع

عرض

الجدريي والحمل

المزيد من آخر المواضيع من نفس القسم:

المواضيع المتشابهه

الملوخيه والحمل

السونار والحمل

الفكس والحمل

الحمى والحمل