عجبني

[همس البحوور]

اهداء



صَدِّق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّلْ التأخيـر
رَحَلتْ .. وعِقبكْ الدنيا غلاها طاح مِنْ عينـي

أجَاوبْ اللِّي يسْألني عَنْ أخْبَاري وأقولْ بخيـر
وأنا لا خِير بغيابكْ .. ولا حَاجَـه .. تهنينـي

على طاريكْ كِلْ لحظه .. ولا أحتـاج للتذكيـر
حَريصْ القلب ما ينسَى عيونِكْ , لا توصينـي

مَحَدْ يِقْدَر يعَوِّضْنِي لأنِّكْ .. في عيُوني غيـر
ومَهْمَا شِفتْ أنا الفرحَه .. بدونِكْ ما تسلينـي..

وكيف الحَالْ وشلوني .. جَوابٍ ما يَبي تفسير
بدونِكْ إنتْ , ما تِضْحَكْ حَياتي وترْمِشْ سنيني

مِثلْ شَاعِرْ عِجَزْ يوصَفْ شعُوره وخانه التعبير
أنا ضايع .. ولا أدري مِنْ فراقِكْ .. أنا ويني

مِثلْ طيرٍ كِسَرْ بُعْدِكْ جَناحَه وما قِـدَرتْ آطيـر
أحَاولْ أبْتِسِمْ وأنْسَى ولكنْ وشْ ينسينـي..؟!

أشُوفِكْ في صباحي إنتْ مَعْنَى يا صباح الخيـر
وأشُوفِكْ في مَسَائي حِلْم وردي .. لا تصحيني

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَـا تدبيـر
طِلَبتْ النُومْ .. لحظاته وعيَّى النُـوم يعطينـي

تغيَّر وجْهَي .. مِنْ أوَّل غيابكْ وإبْتِدَى التأثير
حبيبي .. مِنْ التَّعَبْ كافي خذيتْ اللِّي يكفينـي

يا أغلى مِنْ رَحَل عنِّي يا كِلْ الحُبْ والتقديـر
تعَالْ: إنْ كان لِي عِندِكْ مَعَزَّه وكـان تغلينـي

تعَالْ: إنْ كِنتْ تعشقني وإذا فِعلاً تبي لي خيـر
تعَالْ: ومِدْ لِي .. كَفْ الوَصِلْ .. وآمِدْ كَفينـي

إذا كانْ الجِفا واجِبْ بدى مِنْ قلبـي التقصيـر
أبيكْ الحِينْ .. تِرجَعْ لِي ولا تِرجَـعْ تخلينـي

أنا ما أقولْ اللِّي صَار فِيني ما هقيتـه يصيـر
لأنِّي كِنتْ .. ( مِتأكِدْ ) .. بأنْ البُعـد ينهينـي

منقوووووووول

المزيد من آخر المواضيع من نفس القسم:

• الحكاية إنك أجمل من تفاصيل الحكاية
• مجموعة كتب لعميد الادب العربي : طه حسين
• سلسلة مؤلفات الروائية احلام مستغانمي
• لا يهمّ من لا يُذنب...
• أنا تراب...
• فالكاذب يكُنْ ما يريد ..!لعبدالحليم الطيطي
• هاتي جمالك...........لعبدالحليم الطيطي
• يممت الفؤاد
• الحُبّ ترينه إذا نزل...
• طريق طويلة جميلة،،لعبدالحليم الطيطي

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[خواطري]

سلمت اناملكي غاليتي
كلمات جوهرية ورائعة

[memee1]

[بهلولة]

أنا ما أقولْ اللِّي صَار فِيني ما هقيتـه يصيـر
لأنِّي كِنتْ .. ( مِتأكِدْ ) .. بأنْ البُعـد ينهينـي

تسلمين على هالاختيار

[دوا العوق]

حتى انا عجبتني الكلمات

تسلمين الغلا ^_^

[^^MzyoOona]

حبيبي ما بُقى عِندي صَبرْ .. يتْحَمَّلْ التأخيـر
رَحَلتْ .. وعِقبكْ الدنيا غلاها طاح مِنْ عينـي

أجَاوبْ اللِّي يسْألني عَنْ أخْبَاري وأقولْ بخيـر
وأنا لا خِير بغيابكْ .. ولا حَاجَـه .. تهنينـي

تسلميييييين عـ النقل ... وااااااايد حبيتهـــا

[بنت حريريه]

تِصَدِّق .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني

أنامْ شلونْ ومشكلتي عِجزتْ ألقى لَهَـا تدبيـر
طِلَبتْ النُومْ .. لحظاته وعيَّى النُـوم يعطينـي



رووووعه رووعه

تسلم يمناج ع هالنقل الكشوخي


والله يوفقج

[همس البحوور]

تسلمون كلكم ع المرور الطيب واللي قالت لي كشخة هي أكشخ شي واللي قالت أروع هي أروع شي وهلم جرى والله انكن مبدعات بأسلوبكن أسلب شي هههههههههههه

[رحاب الحياة]

صَدِّق وإلا ما تِصَدِّق .. أنا عَاجِزْ عَنْ التفكير
تعَالْ وشُوفْ في عينِكْ غِيابكْ وشْ عَمَلْ فيني

حبيبي ما بُقى عِندي صَبرْ .. يتْحَمَّلْ التأخيـر
رَحَلتْ .. وعِقبكْ الدنيا غلاها طاح مِنْ عينـي

أجَاوبْ اللِّي يسْألني عَنْ أخْبَاري وأقولْ بخيـر
وأنا لا خِير بغيابكْ .. ولا حَاجَـه .. تهنينـي

كلمااات راااائعه راااقت لي كثيرا
ننتظر جديدك غاليتي

[اللومه]

تسلمين على هذي الابيات الاكثر من رائعه انا احب الاشياء ورتاح لها

[همس البحوور]

تسلمين على هذي الابيات الاكثر من رائعه انا احب الاشياء ورتاح لها

أشكر الجميع على المرور والردود الطيبة التي تثري قريحتي الشعرية وتحملها مسؤولية المواصلة في الكتابة إلى الأفضل لهذا الجمهور الراقي والذي له من الذوق الرفيع مايثقل كاهلي في الابداع ولكن لكم كل الخير