الاطفال في المساجد ..........................

[المغربية]

السلام عليكم اخواتي
كيفكم ؟؟
ان شاء الله تكونوا بالف خير
صراحة في موضوع بيزعجني كل مرة اروح فيها المسجد و الي هي الاطفال في المساجد
خصوصا انه شهر رمضان باقي له تقريبا شهرين فقط
و طبعا الكل يبغي يروح المسجد للتراويح
اكيد الكثير بيقووا لي احسن لك في البيت
ادري بس في رمضان الانسان محتاج لخشوع اكثر
و يصلي جماعة ........
المصيبة انه المسجد صار الخشوع فيه مستحيل بسبب الاطفال الي يجرون و يلعبون فيه
و الرضع الي يصرخون
و المسجد صار على مستوى دنى من النظافة بسبب الاطفال يرمون فيه اكلهم ........
والله هدا وضع صرااحة مززززعج
اقول الي عندها اطفال تصلي في بيتها
ليش تجيبهم معاها للمسجد
هيك عوض ما تاخد اجر بتاخد اثم بسبب الناس الي بتزعجهم باطفالها
و صراحة اداراة المساجد لاززم تمنع منعا باتاا دخول الاطفال دون سن معين
ولا انتن شنو رايكم
دعوة للنقاش
:1 (7): :1 (7): :1 (6): :1 (6):

المزيد من آخر المواضيع من نفس القسم:

• مندوب يختلس 800 ألف درهم من شركته
• والد طفلة يتهم مستشفى بارتكاب خطأ طبي عند...
• إلزام مطلقة برد 187 ألف درهم لطليقها
• التمييز في دبي تقر أحقية الدائن بالورقة...
• إطلاق ساعد لتخطيط الحوادث البسيطة برأس الخيمة
• الحبس والإبعاد لآسيوي اختلس 49 ألف درهم من...
• حكم بأحقية امرأة في أداء شيك حرره زوجها...
• محاكمة 3 آسيويين بتهمة ترويج المخدرات...
• يقتل صديقه تحت تأثير المشروبات الكحولية
• 100 ألف درهم تعويضا لعامل أصيب بحادث سير

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم الذيب]

السلام عليكم

انا ضد فكرة قلب المسجد ساحة لعب

بس اختي فيه وايد اطفال يقعدون في المسجد احسن من الكبار وتحديد اعمار دخول المسجد بسن معين فيه ظلم لهالاطفال


وانا اول وحده اعارض هالفكرة وبسوي مناحه لو طبقوها


كيف بعود عيالي على الصلاة في المسجد وان الرجل صلاته في المسجد هب في البيت

كيف بعلم ولدي انه من ياذن يركض يتوضا ويروح المسجد عشان يلحق على الصف الاول مع المصلين

انا بصراحة مرة الامام كان يخطب في صلاة الجمعه وعقب قطعها وقال لا اتييبون عيالكم المسجد وكانوا عيالي يومها مع ابوهم وخوالهم في الصلاة وسالت عيالي اللي مسوين حشرة قالولي انه اول ما بدت الصلاة سكتوا لحد ما خلص الصلاة ما فيه واحد منهم تحرك والا قبل لا تبدا كانوا يتحركون ويتخبرون عن حواء وعذاريبها خخخخخخخخخخخخ


قلتلهم قوموا ودومي للمطوع

قالوا شو تبينه قتله بعلمه ان الرسول كان ياخذ الحسن والحسين معاه الصلاة

وقطع خطبته عشان ينزل من على المنبر ويرفعهم جنبه ويكمل خطبته

ومب من حق المطوع يمنع العيال يدخلون المسجد


ومن باب اولى نحن نعلم عيالنا آداب المسجد وتعاليم الصلاة فيه

واللي عنده يهال صغار يا تخليهم في البيت والا تيلس هي وياهم احسن



هذا رايي ومشكورة اختي على الطرح

[المغربية]

مشكوورة اختي ام الذيب على تعقيبك و انا اتفق معك تماما
و لكن الاطفال الي سنهم اقل من 3 او4 سنوات
اشوف انهم ما لهم معنى يكونون في المسجد
لانهم يعملون ضجيج صراحة يكرهك ترجعين للمسجد
طيب و الرضع؟؟؟؟شو يسوون في المساجد؟؟
صراحة ازعاج
و انتي عارفة الرضع لما يبتدون يصرخوا صعب تسكتهم
اما الاطفال الي مثلا سنهم 4 او 5 فما فوق فانا اتفق معاك على انه لازم نعلمهم الصلاة في المسجد خصوصا الدكور
الله يخلي لك اطفالك و يجعل فيهم خير و صلاح للاسلام
و جازاك الله خير على الرد

[أم الذيب]

تسلميلي فديتج

فعلا اقل من 3 سنوات هب لازم يروح انا عيالي اجربهم من عمر 2 ونص قعد هادي كمل سوى فوضى اسويله بلوك بس بدون دليت خخخخخخخخخخخخخخخخخخخخخخ

لحد ما يكبر واخليه يتشوق للمسجد

والحمد لله الحين باثنينتهم كل ما اجي اسير عند اهلي اول شيء يسالون عن دشاديشهم ونعولهم وانتي بكرامه عشان صلاة المسجد وييلسون يصيحون لو ما لقوا حد يوديهم المسجد واوديهم منفصلين واحد مع ابوه والصغير مع خاله عشان اذا شافوا حد يسوي فوضى ما ينضمون لهم


تسلميلي الغاليه


وفعلا اللي ترضع تقعد في البيت ليش تبهدل عمرها والياهل وتاذي الناس


والله يوم كنت اسير العمرة اتعب من صريخ اليهال يعني نحن في صلاة سرية وما تسمعين الا صريخ اليهال وامه لا هي تصلي ولا هي مسكتنه ولا هي خلت الخلق تخشع في الصلاة


الله يعين

[المغربية]

ما شاااء الله
الله يخلي لك ولادك
شكلهم حلوييين و متربيين تربية ممتازة
الله يخفظهم لك
و الله يكثر من امثالك اختي
ناس يخافو على دينهم و يحببوا الصلاة لاطفالهم
ما شاء الله عليك
مشكورة على اهتمامك بالموضوع

[المغربية]

اخواتي الي دخلت تقول رايها بالموضوع
و ما علينا الا نحتر رايها
قولي رايك و ابرزي وجودك

[bettouta]

السلام عليكم ورحمة الله و تعالى وبركاته

مشكورة غناتي على الموضوع و صدقج الصراحة في يهال ما شاء الله عيهم فوضويين
و في ما شاء الله ال هاديين

و الله نتمنى من الحريم ال يصلن في المسيد اذا تبا اتيب عيالها تيب ال اكبر شوي و تقدر تسييطر عليهم
عشان ما تزعج الناس و تاخد اثمهم وحتى هي اتصلي بخشوع و مرتاحة

الله يرزقنا و يرزقكم الذرية الصالحة البارة امين يارب

[المغربية]

مشكورة اختي على المشاركة

[المغربية]

؟؟؟؟؟؟؟؟؟؟؟؟؟؟
الموضوع فاضي لهده الدرجة؟؟؟؟؟؟
ما في ولا وحدة تدخل تقول رايهاا؟؟؟؟؟؟

[om salleh]

حبيبتي الموضوع وايد مهم وبصراحة الواحد ما يعرف يصلي بالمسجد من حشرة اليهال يصيحون ويصارخون
انا مثلا عندي بيبي عمره 8 شهور من الحين اكيد ما رح اسير المسجد برمضان انا ما رح اخشع و لا نترك غيرنا يخشع بس الله يحاسب كل واحد على نيته و صلاة المرأة في بيتها افضل و أبرك فلا داعي كل وحده تحمل اليهال وتسير

[المغربية]

متفقة معك اختي ام صالح
الله يخلي لك بيبيك^_^
و مشكورة على الطلة

[ام ندى ...]

انا مع هذي الفكره المفروض الي بياخذ اعياله المسيد يكون تقريبا عمره 5سنوات وما فوق ...عشان الواحد يقدر يخشع في الصلاه ...وما يلفت انتباه امه لو راح ابيعيد عنها بالذات الصغار الواحد وايد ايحاتيهم ...الياهل سرعه ايمل يباد ايسوي حركات ولا ايصيح الواحد ما يقدر حتى يسمع صوت الامام ...وايد صادفنا هذا الشي ...سبحان الله الاحظ الاولاد اكثر حركه في المسيد من البنات الله يحفظهم ولازعاج ما يحتاي اتكلم عنهم اكثر المفروض ايكون دور للاوقاف على اتنبه من هذا الشي ...والله يعينا ...

[المغربية]

مشكورة حبيبتي على تعقيبك
والله هالموضوع ينرفز

[المغربية]

سبحان الله و بحمده

[Baith]

المفروض الواحد يعرف عياله الياهل اللي ممكن يسوي ازعاج ماتبيه الام المسجد والام اجرها في البيت نفس المسجد ان اشاء الله واحسن ماتخلي حد يمكن قلبه فيه مرض يدعي علي الياهل ولا شئ عشان الازعاج والله يهدي الكل