سؤال لكل وحده ما تزوجت

**الأصالة** · 2011-02-21, 11:34

السلام عليكم يا عزابيات يا حلوات

طبعا الي حابه اتجاوب على سؤالي من المتزوجات حياها الله

شــو رايكم بالزواج عن طريق الخطابة؟

بعض الناس اتشوف ان الزواج عن طريق الخطابة عيب وفضيحة.. انتوا شورايكم؟

سؤالي للدردشة فقــط لا غيــر

أختكم
الأصـــالة

المزيد من آخر المواضيع من نفس القسم:

**Butterfly@** · 2011-02-21, 11:51

السلام عليكم و الرحمه

في بعض الناس يتحسسون من الخطابة.. في فريجنا وحده خطابه و الحريم دوم يقولونا لا تسيرون تسلمون عليها.. عشان ما تخطب لنا .. و في وايد ناس يوم يبون يخطبون بنت فلان يطرشون الخطابه عشان لو ما وافقوا ما تصير حساسيات..
وايد من الحريم يودون بناتهم عند الخطابه عشان يعرسون و ما يعنسون و بالنهايه كل شي قسمه و نصيب..

انا عن نفسي ما احب نظرات الخطابه اللي تدقق وحتى نظرات اهل المعرس..يعني ما حب انخطب بهالطريقة..

**الماركه شما** · 2011-02-21, 12:00

ما فيها شي أحس عادي هي حرمه شراتج وان كان لج نصيب بتاخذينه عن طريق الخطابه والا غيره

**بسمه دبي** · 2011-02-21, 12:01

اذا البنت كبيره ف السن اوكي ...يعني 30 وفووووق

بنظري ...

**اهلين و سهلين** · 2011-02-21, 12:01

ما فيها شي بشكل عام
الخطابة اتييب المعرس و الباجي عليج تسألين عن اخلاقه
انا بالنسبة لي عادي عندي مب عيب ولا حرام

لو قصدج نظرة الناس لو الناس مفتكرة ف البنت جان خطبونها من زمان يعني من المحبة الزايدة عندهم اما لو قصدج عن اهل المعرس معظم الخطابات ما يقولون لاهل المعرس فلانه يت عندي و ادور لها يقولون انا شفت وحدة زينه بهاي المواصفات اللي يطلبونها <<<<

**honest** · 2011-02-21, 12:20

عادي مافيها شي لا غلط و لا عيب

**المجهووولة** · 2011-02-21, 12:38

بوجهة نظري عاادي مافيها شي ... الخطابه وسيلة تواصل مثل اي وسيله ... وطبعا اغلب اللي يعرسون عن طريق الخطابه ما يقولون للناس عن طريق خطابه لانه هالشي شخصي ...

**شروق زايد** · 2011-02-21, 13:36

سؤال حلو ويطرح نفسه ..
مممم اعتقد انا مع هالشي ومافيه اي اشكال ..ممكن الواحد اللي يبي يتزوج للحين مالقى الشخص اللي يناسبه وللعلم الكثير من البنات يكونون في البيت طبعا .. فـ عن طريق الخطابه يمكن ان يتم لقاء او جمع راسين بالحلال اذا الله راد ما فيها شي (في اشخاص وايد محترمه لدى الخطابات وفي كل مكان فيه الصالح والطالح)

**snow heart** · 2011-02-21, 13:39

المشاركة الأصلية كتبت بواسطة شروق زايد

سؤال حلو ويطرح نفسه ..
مممم اعتقد انا مع هالشي ومافيه اي اشكال ..ممكن الواحد اللي يبي يتزوج للحين مالقى الشخص اللي يناسبه وللعلم الكثير من البنات يكونون في البيت طبعا .. فـ عن طريق الخطابه يمكن ان يتم لقاء او جمع راسين بالحلال اذا الله راد ما فيها شي (في اشخاص وايد محترمه لدى الخطابات وفي كل مكان فيه الصالح والطالح)

كلامج جدا اعجبني

**عالية الغالية** · 2011-02-21, 15:00

طبعا اذا الخطابة وحدة معروفة وانسانة محترمة والكل يعرفها ويشهد لها

عادي ليش لا

لانها تعرف البنات والشباب وممكن توفق ارسين بالحلال سواء بمقابل او من غير مقابل

لكن اذا عن طريج مكاتب الخطابة فطبعا لا ومستحيل لان هذي بس همها الفلوس

**S A R S H A** · 2011-02-21, 15:07

مستحيل اسويها لاني بعدني صغيره و توني 21

**أغليـــــــك** · 2011-02-21, 18:00

اب اب

**nana2020** · 2011-02-21, 18:43

هذا الموضوع جدا حلوو لاني بصراحه كنت افكر بموضوع الخطابه وشفت هذا الموضوع وحبيت اشارك

انا بعد متردده بهذا الموضوع

عندي اخوي اريد ادورله على بنت حلال وزينه وبنت ناس وكل ربيعاتي كبار في السن ومب عارفه وين اروح واليوم قالولي بموضوع الخطابه وحبيت اسمع اراء الاخرين

**قوطي فيمتو** · 2011-02-21, 18:46

اامم موضوع حلو

باعتقادي موضوع الخطابه عادي ومش عيب وحرام عادي جدن

ومنشرات بالقوه وماله داعي الحساسيه بسس لازم ننتبه تكون وحده موثوق فيها ومعرووفه

وبعدين ماله داعي يدرون الناس اللي حوليك عن طريق الخطابه مب انه مستحى لا , بسس في ناس تحب تتكلم فيعني لا تتكلم فيها لانه فعلن هذا شي شخصي

**بنوتةالامارات** · 2011-02-21, 19:24

المشاركة الأصلية كتبت بواسطة بسمه دبي

اذا البنت كبيره ف السن اوكي ...يعني 30 وفووووق

بنظري ...

الموضوع: سؤال لكل وحده ما تزوجت

أدوات الموضوع

عرض

سؤال لكل وحده ما تزوجت

المزيد من آخر المواضيع من نفس القسم:

المواضيع المتشابهه

كل وحده تخبرنا باي سنه تزوجت هههههههه

كل وحده تزوجت وكانت لديها تشققات << تعــــالوا

سؤال مهم لكل وحده

سؤال لكل وحده حامل بولد