قصة ولد الولد وولد البنت

**uaesoul** · 2007-07-07, 10:43

هلا بنات
عندي مشاركه ثالثه وهيه قصه جديمه سمعتها من يدتيه الله يطول عمرها
قالت كانت في عيوز عندها ولد وبنت وكلهم متزوجين وعندهم عيال اولاد، ولدها وحرمته وعيالهم ساكنين ويا العيوز، والبنت شلها ريلها وسكنت ويا اهله هيه وعيالها

لكن هاي العيوز (مثل باجي اليدات

) كانت تحب عيال بنتها اكثر من عيال ولدها
وكانت تشوف حرمة ولدها على انها عدوة لها

الحاصل يا طويلات العمر، في مرة ياهم سيل قوي وامطار قويه وطاحت العيوز في حفره وشلها السيل، وكانوا احفادها وياها، ولد ولدها و ولد بنتها، ولد البنت اتروع وما قدر يساعدها اما ولد الولد طف في نص السيل وظهّر يدته

عقب ما قامت بالسلامه جان تقول:

ولد الضنينه مارام لي بالسيل حيله
وولد العدوة ظهرني من السيل قوّة

مسكينه حرمة الولد، دايما مظلومه وبعدها عدوة

وسلمتوا
اللي ما قروا قصصيه القبليه اتفضلوا
المعنى في بطن الشاعر

قصة الغواص ... قصة جديمه

المزيد من آخر المواضيع من نفس القسم:

**عواااااااشة** · 2007-07-07, 21:11

ذكريتيني بقصة قالتها لي يدتي نفس الشي بس

هاييج طاحت في الطويي ..فلود بنتها يقولها وا غمي عليج يا يدتي يا أم الكسر ((لأنها كانت تعطيه كسر سح))

وفعلا ولد ولدها اللي أنقذها..

تسلمين الغالية ..

**ام عليا** · 2007-07-07, 21:20

تسلميييييييييييييييييييييييييييييييييين...

**uaesoul** · 2007-07-07, 22:35

المشاركة الأصلية كتبت بواسطة عواااااااشة

ذكريتيني بقصة قالتها لي يدتي نفس الشي بس

هاييج طاحت في الطويي ..فلود بنتها يقولها وا غمي عليج يا يدتي يا أم الكسر ((لأنها كانت تعطيه كسر سح))

وفعلا ولد ولدها اللي أنقذها..

تسلمين الغالية ..

مشكورة اختي ع مشاركتج، يحليلهم عيال البنت دوم مظلومين

**uaesoul** · 2007-07-07, 22:35

المشاركة الأصلية كتبت بواسطة ام عليا

تسلميييييييييييييييييييييييييييييييييين...

مشكورة اختي الله يسلم غاليج

**"مرحبانيه"** · 2007-07-13, 01:40

قريت قصصج الثلاث كلهن حلواااات مشكوره حبيبتي

**Dloo3t AD** · 2007-07-13, 02:31

شرات مايقولن يداتنا " ولد الولد ولا ولد الصلقلق"

**uaesoul** · 2007-07-13, 09:08

المشاركة الأصلية كتبت بواسطة "مرحبانيه"

قريت قصصج الثلاث كلهن حلواااات مشكوره حبيبتي

Thank you
الحلو ما اييب الا حلو
والحلوين ما يستاهلون الا الحلو

مشكورة

**uaesoul** · 2007-07-13, 09:10

المشاركة الأصلية كتبت بواسطة Dloo3t AD

شرات مايقولن يداتنا " ولد الولد ولا ولد الصلقلق"

مشكورة اختي صح كلامج سمعتها هاي بعد

**مرت يوسف** · 2007-07-13, 10:58

ناااااااااااااااايس

تسلم اناملج والله يحفظ يدتج وتزيد من قصصها

**فتنة الكون** · 2007-07-13, 11:03

( ( ينفعك ابنك وابن ابنك ولا ولد السلقلق لاا))

اذكر امااه كانت تقولنا اياها

مشكوووووووووور شختيه عالموضوووووووع الروووووعه

**uaesoul** · 2007-07-13, 13:33

المشاركة الأصلية كتبت بواسطة فتنة الكون

( ( ينفعك ابنك وابن ابنك ولا ولد السلقلق لاا))

اذكر امااه كانت تقولنا اياها

مشكوووووووووور شختيه عالموضوووووووع الروووووعه

تسلمين يا ذوق

**دلوعتكم** · 2007-07-13, 14:41

انا متابعه لقصصج نطمح بالمزيد

**uaesoul** · 2007-07-13, 15:19

المشاركة الأصلية كتبت بواسطة دلوعتكم

انا متابعه لقصصج نطمح بالمزيد

ان شالله من اقرا شي يديد ع طول بحطه بس خليج متابعتنا

مشكورة ماشالله قريتي القصص الثلاث الحمدلله انهن عجبوكم

**طيف وردي** · 2007-07-13, 16:05

هيه ترا حياة الشاعر بن ظاهر كانت عنده بنت ومب شاعره قال وماعنده غيرها
قال لازم تكون شاعره
طلعها فلليل ووداعها وين؟؟؟؟
عند مراح البوش وقالها هاتي 3 جمل تنتهي بكلمة(لا)
ولا بتباتين هنيه
يوم انتصف الليل قالت كلماتها المشهوره
الشعر ينبت في الجسم كله الا الكف لا..........
الناس تصبر عن الشي كله الا المال لا.........
ولد الولد ولدك وولد البنت لا

الموضوع: قصة ولد الولد وولد البنت

أدوات الموضوع

عرض

قصة ولد الولد وولد البنت

المزيد من آخر المواضيع من نفس القسم:

المواضيع المتشابهه

.. الفرق بين حمل البنت و الولد ..

الولد و البنت ساعدوني؟؟؟؟

ولااادة البنت او الولد

البنت اغلى من الولد؟؟