منو بيقولي شو اسوي .؟؟!

**قلبي تعب منك** · 2011-02-19, 17:04

السلام عليكم ..

بنات بليز ساعدوني قولولي شو اسوي.

ابي اغيير ريلي تعبت من هالحاله تعبت من تصرفاته صح اني صغيره وعمري 18 بس ابي اسوي شيء يغيره

ما ابي يطلع معه ربعه 24 ساعه وما يطلعني وابيه يتم عندي وما ابيه يخليني اطلع مع اهله وهو يطلع مع ربعععه ..

وما ابيه يسسسسسهر للفير برع ومخليني اتريا بالغرررفه وهو ولا هامنه ..

ابيه يكون بس حقي ما ابي يكون لربعه

انا بعدني صغيره وابي من تهتم فيني وانا والله اني مب مقصره معاه احاتيه واهتم فيه واسمع كلام وكل شيء يباه اعطيه

بلييز خبروني شو اسوووووووووووووووووووووووووووووووووووي ...!!!

المزيد من آخر المواضيع من نفس القسم:

**خطيرة الملامح** · 2011-02-19, 17:08

ان شاء الله بيتغير فديتج لاتحاتين

انتي ادعيله واستغفري واااايد

الله يفرج همج

**am.Boshra** · 2011-02-19, 17:09

الله يعينج اختي
وان شالله الخوات ذات الخبرة بيفيدنج

**سوارة** · 2011-02-19, 17:10

سبحان الله وبحمده

**روومانه** · 2011-02-19, 17:28

الله يهديه

**bellegirl** · 2011-02-19, 17:33

لا حول ولا قوة إلا بالله

غاليتي

أول شي ربي يعينج ويهدي لج ريلج ويصلح أموركم يارب

ثانيا أختي

ريلـج ما بيتيغير بين يوم وليلـة

بس لازم كبدايـة تعرفين هل في حد من أهلج أو أهله حكيم ويقدر يكلمـه ^_^

فهذي الخطوة بتستفيد منها علاقتكم الزوجيـة

ثاني شي أختي حاولي تحاورينه

الحوار شي مطلوب ومرغوب بين الزوجين

حاولو تسوون مع بعض جدول خاص فيكم

فيه وقت يقضيه مع ربعه

ووقت مع أهله ووقت معاج

يعني حاولي ما تحسسينه انج تبغين تستولين عليه وفهميه ان كل الي تبغينه جدول مقسم عسب ما يقصر في حقكم

ويرضي رب العالمين وحياتكم تكون فيها بركـة

وفي نفس الوقت غاليتي لا تجعلين ريلج مركز حياتج بالعكس ^_*

انتي المركز والاساس وبعدين يي ريلج

مهما زاد حبج له لازم دينج بالأول ثم انتي أختي

ركزي على نفسج زيادة

خصصي أوقات أكثر لدينـج

اهتمي بهواياتج قبل الزواج

وخلي حياتج مهمـة عسب ريلج ييه فضول ويستوي يقعد بالبيت أكثر

وبالأخير أختي ,, أنصحج تشوفين شو الي يعيب ريلج هالكثر عند ربعـه ؟

هل في شي يسويه وياهم يستهويه

هوايـة أو سوالف معينـة أو دوامه

حاولي تثقفين عمرج في هذا الشي أكثر

وفاجئيه بمعلوماتج وافتحي معاه حوارات طويلـة تستهويه ^_^

وان شاء الله مع الوقت ودعائج له في ظهر الغيب

بيتغير للأفضل

ربي يسخركم لبعض

**كريستال** · 2011-02-19, 17:34

ربي يسعدج

**عواشهـ** · 2011-02-19, 17:36

راسلنيي عالخاص بعلمج كمن طريقه تج>بين فيها ريلج و لا اتحاتين حبيبتي هاي بدايه حياه اشوي اشوي بتعدعتدل حياتكم..

**منى الفقى** · 2011-02-19, 17:53

خبرية انج مضايقة من اللى يسوية!!

**وهج الإمارات** · 2011-02-19, 18:37

الغاليه .. انا معاج مب ضدج .. بس مب حل انج تملكين ريلج لج روحج .. وتحرمينه من ربعه واهتماماته ..

خطوة خطوة تقدرين تغيرين الريال .. بس ابدا ابدا لا تحسسينه انج تمتلكينه او انج تقولين اباك ملكي روحي .. هالشي بيزيد الطين بله ..

الريال انا اقولج شو فيه .. الريال مطمن عليج لنج فبيت اهله ولو تأخر تراه مطمن انج مب روحج فبيت او شقه .. عندج اهله وخواته لو احتجتي اي ..

الريال الي ما يعرفه او راح عن باله .. هو انج محتاجه له عاطفيا وبدنيا ونفسيا .. ولو حصلتي هالشي .. انتي لاازم تكافأينه وتخلينه يقسم اهتماماته وما ينسى انه متزوج طبعا ..

انتي صغيرة وشكلج عاقله ما شاء الله .. بس الريال مهما سويتي ما يحب اسلوب الامر تعرفين شو تسوين استخدمي اسلوب الايحاء .. مثلا الريال لو تبينه يحافظ على صلاته لا تقولين له قوم صل .. حطي له السياده والمفروض هو يفهم .. ولو تبين الريال مثلا يسبح تحطين له فوطه وتجهزين الحمام ولا تقولين له قوم اسبح .. هالفكرة تعلمتها عند حده من الخوات هني فالمنتدى .. صح ما استخدمتها بس الصراحه اشوفها فكرة عين العقل ..

جربي والله يكون فعونج وينولج الي فبالج

^^

**نونه دلوعه** · 2011-02-19, 19:08

الله يهديه

**قلبي تعب منك** · 2011-02-19, 20:09

ثااانكس حبايبي والله ريحتووووني ..

ومن اليوم ورايح خلاص بسوي كل شيء ابيهه وما بحصر حياتي عليه

والله يهديه

**يدوه صغيره** · 2011-02-19, 20:41

الله يعيينج عسسوله

ما عليج غير تدعين له فالصلاه

وربي يخليكم لبعض إنشاالله

^^

**snow heart** · 2011-02-19, 21:08

المشاركة الأصلية كتبت بواسطة bellegirl

لا حول ولا قوة إلا بالله

غاليتي

أول شي ربي يعينج ويهدي لج ريلج ويصلح أموركم يارب

ثانيا أختي

ريلـج ما بيتيغير بين يوم وليلـة

بس لازم كبدايـة تعرفين هل في حد من أهلج أو أهله حكيم ويقدر يكلمـه ^_^

فهذي الخطوة بتستفيد منها علاقتكم الزوجيـة

ثاني شي أختي حاولي تحاورينه

الحوار شي مطلوب ومرغوب بين الزوجين

حاولو تسوون مع بعض جدول خاص فيكم

فيه وقت يقضيه مع ربعه

ووقت مع أهله ووقت معاج

يعني حاولي ما تحسسينه انج تبغين تستولين عليه وفهميه ان كل الي تبغينه جدول مقسم عسب ما يقصر في حقكم

ويرضي رب العالمين وحياتكم تكون فيها بركـة

وفي نفس الوقت غاليتي لا تجعلين ريلج مركز حياتج بالعكس ^_*

انتي المركز والاساس وبعدين يي ريلج

مهما زاد حبج له لازم دينج بالأول ثم انتي أختي

ركزي على نفسج زيادة

خصصي أوقات أكثر لدينـج

اهتمي بهواياتج قبل الزواج

وخلي حياتج مهمـة عسب ريلج ييه فضول ويستوي يقعد بالبيت أكثر

وبالأخير أختي ,, أنصحج تشوفين شو الي يعيب ريلج هالكثر عند ربعـه ؟

هل في شي يسويه وياهم يستهويه

هوايـة أو سوالف معينـة أو دوامه

حاولي تثقفين عمرج في هذا الشي أكثر

وفاجئيه بمعلوماتج وافتحي معاه حوارات طويلـة تستهويه ^_^

وان شاء الله مع الوقت ودعائج له في ظهر الغيب

بيتغير للأفضل

ربي يسخركم لبعض

ماشاءالله

كلامها جدا عجيب ..~ من نسج ذهبي ..~

**ابتسامة قمر** · 2011-02-19, 21:15

نصيحة من ملقوفة

لـآ اتخليين ريلج محور حيآتج ،،

ريلج جزء من حيآتج

وشوفي كيف بيركض ورآج يوم بتحسسينه هالشيء ^_^

الموضوع: منو بيقولي شو اسوي .؟؟!

أدوات الموضوع

عرض

منو بيقولي شو اسوي .؟؟!

المزيد من آخر المواضيع من نفس القسم:

المواضيع المتشابهه

ابي اسوي شي مميز حق ريلي لانه بيرجع من السفر بعد يومين واحب اسوي تغيير

+ + عرسي بعد شهرين وابغي اسوي كراتين متى ؟؟ ووين اسوي + +

كنت اسوي لحريم خواني عسب رياييلهم والحين اسوي لريلي كم هير بنات....

بنات اريد اسوي tan حد جربه وين ممكن اقدر اسوي tan ؟

بنات شو اسوي ما عندي ابدا كرش بس ترهلات الحمل شو اسوي زهقت