طب ولا بزنس؟

[Highness]

السلام عليكم ورحمة الله وبركاته..

بدش فالسالفه ع طوول..
انا ادرس طب وتوني سنة اولى، يعني وايد احس ان الكلية اوكيه واستانس ويا ربيعاتي ونقضي اوقات حلوة فالدوام ل وبعد مرات انتم ندرس ويا بعض لين الساعه 7 و 8..
بس المشكلة انا تيني اوقات يعني وايد احس اني ابا احول تعرفون دراستنا مب سهله وانا احس ان ماعندي وقت لعمري ولاهلي. وماعرف شو اسوي
مع اني يوم اشوف بنات الكليات الثانية مارتاح لهن وايد واحس ان تفكيرهن وتصرفاتهن غير. احس ان نحن عايشين ف عالم اروحنا، وبعد ادري ان الجامعة بهدلة وجيه .. بس وايد محتاره احول ولا لا!
افكر ادرس بزنس.. 3أو 4سنين وبكون مخلصة.
بس ماعندي خلفية عن دراستهم وعن الحياة فالجامعة بشكل عام، ف أبا استفيد من معلوماتكن.
للعلم انا درجاتي يعني اوكيه بس متخوفة من الدراسة على الاقل 6 سنين ولازم انسوي بحوث وهالسوالف..



انا اليوم بصلي استخاره
بس ياليت لو حد يفيدني عن دراسة البزنس والحياة الجامعية بشكل عام لاني انا فاست اوغرو يعني من الثانوية للتخصص وماعرف شي في نظام الجامعة.
واتمنى حد ينصحني يعني احول ولا لا .. وشو الاحسن طب ولا بزنس؟


بليز لاتنقلون الموضوع

المزيد من آخر المواضيع من نفس القسم:

• استفسار عن جامعه
• استفسار عن جامعات رخيصة
• كلية الأفق جامعية ؟ شو رايكم فيها
• طردوني من كليات تقنية سؤال في مجال أرجع؟
• الجامعة الامريكية في دبي
• علوم البيئة أو التصميم الداخلي (((جامعة...
• بنات جامعة زايد وجامعة الشارقة استفسار
• طالبة وبتخرج .. استفسار ضروري
• Syria
• قبول الاجانب في معهد ابوظبي للتدريب

[بس لحظه !]

اختيه كلن وميوووله !!

انتي شو ميوولج انتي شو تحبين ؟ !

انا طالبه في البزنس سنه ثالثه ,, تخصصي managemet
وطبعاا جو البزنس واايد حلو :*
وشرات ماتعرفين في عدة فروع في الكولج لي هي finance ,, management ,,MIS ,, public admin ,, Accounting

يعني لي تحبينه ترومين تدرسينه
وصحيح شرات ما قلتي اذا كنتي شاطره ترومين بـ 3 سنين ونص تتخرجين ,, والدراااسه مب سهله ولا صعبه,,

كله يبااله ولابد انج اتشدين حيلج ,, واذا عن سلوكيات بنات الكولج ما عليج بتتعودين عليهن لانج freshment عسب جي تحسين بها الأحساااس ولانج يايه من مدرسه ودلتي الجامعه فطبيعي شوي بتختلف عندج الأمور بس كلنا حسينا قبلج و الحمدالله احينه الأمور طيبه ..*

ماروم اقولج شو الأحسن لانح انتي الي لازم تحددين لانه هذا مستقبلج انتي رووحج ,,

شوفي عمرج ع شو ترومين وشو تحبين لانج بتبدعين في هالشي ,, وصلي صلاة الأستخااره وربي يكتبلج الخير ان شالله ,,

ونصيحه لاتتخذين خطوه الا وانتي متأكده منهاا لانه هذا مستقبلج عزيزتي ,,

[مجنونة و تجنن]

موفقة اختي و صلي استخارة احسن لج

[bellegirl]

ربي يوفقج أختي

[سكره الامارات]

الله يوووفقج
ختيه انا خريجه اي تي بزنسس بكالريوس لو الدنيا تدور فيني بسير ادرس طب شو احلى من هالشغله شو ارقى من انج تساعدين الناس ترفعين راس اهلج انج دكتوره
و الحين افكر ادرس طب لانه يصير ع الاقل بدون تخصص لان هذا النظام اليديد > سمعت به من دكتورنا
الزبده اختي
الطب غير البزنسس ترا ثلاث ارباع البلاد تخصصهم بزنسس و الباجي اي تي شو تبينه هالتخصص ممزور و متروس و ابشرج عطاليه بطاليه اللي يقولج شغل ما شغل اما الطب متعه و مساعده الناس ::
و ف الاخير القرار لج و انا اقول كملي ترا كل شي صعب حتى اللي يدرس رياضه يواجه صعوبات مافي شي بالساهل
بس الطب غيير
الله

يوووفقج

[فرحة عمر]

ادرسي طب احسن لج اختي والسنين تمر وكل شي فالبداية تعب ويباله شغل بس بعدين بترتاحين ..

[نسيم الليل37]

الطب حلوو

انا خآطري بـ طب
بس اخاف من الدم والابر

ولا هوو شي يرفع الرآس .. ويريح البآل عقب

صح بتتعبين بس عقب بتنجحين
وشغلج لو تدور الدنيآ بيتم موجود

والسنين موجوده

لو خلصتي من الدرآسه شبتسوين ؟ وظيفه حآلج حآل اي حد

بس الطب غير والله

حآولي تشجعين عمرج من عقب الاستخآره

وربي يكتبلج كل خير

[صمت الغلا]

بالتوفيق

[شمس رآكـ]

يا فتيات بعض ردودكم تييب الاحباط

شوفي حبيبتي ..انتي شوفي ميلوج و لا تسمعين لحد

الحين انتي دشيتي طب ..ليش ؟ عشان اسم التخصص ولا عشان تحبين دراسة الطب و لا عشان الشغل ولا ارضاء النفس و الاهل و لا عشان المستقبل و المعاش ولا عشان خدمة الشعب و لا ؟؟؟؟

انتي الي تقدري تحددين ..يعني البزنس عالم و الطب عالم ثاني ..انتي شوفي ليش دشيتي طب اصلا بعدين فكري شو الانسب لج

بالنسبه لي ما افكر بالطب ابدا ، بس يعبني بعض الامور الصحيه والعلاج بالاعشاب ..بس اني ادرس طب ابدا ابدا ما يا ف بالي ..
انا عندي هوايه البحث عن الاعشاب الطبيعيه و التداومي و عن امور التغذيه ..بس هاي مجرد هوايه احب اتفلسف فيها مع غيري مب شغله اباها ..عشان جي اخترت كلية تجمع بين هـ الامور تقريبا..

كل شي ف الجامعه مايي بالساهل، حتى مثل ماقالت وحده الرياضه يبالها دراسه و فيها صعوبه ..وكل الكليات تطلب بحوث و تقارير و اشغال..يعني لاتفكرين من ناحيه الكراف و والله ابي اخلص بسرعه..عمر السرعه مايابت الخير ..خلج ريلاكس

بس سؤال غريب..كيف يعني بنات الكليات الثانيه تحسينهم غير و مختلفين عن عالم بنات الطب ؟؟ يعني كلامج ياب لي علامات تعجب و استفهام خخ ..محتاجه جواب يهديني خخ

الطب حلوو

انا خآطري بـ طب
بس اخاف من الدم والابر

ولا هوو شي يرفع الرآس .. ويريح البآل عقب

صح بتتعبين بس عقب بتنجحين
وشغلج لو تدور الدنيآ بيتم موجود

والسنين موجوده

لو خلصتي من الدرآسه شبتسوين ؟ وظيفه حآلج حآل اي حد

بس الطب غير والله

حآولي تشجعين عمرج من عقب الاستخآره

وربي يكتبلج كل خير

ربااه ..كنت شراتج اخاف من التحليل و الدم..صح اشوف افلام القتل و الاجرام بس ما احب حد يسحب عني دم و يتعامل مع الابر

بس من دخلت كليتي العزيزه وتخصصي الجميل " لا تخافون مب طب خخ" ..والله حسيت بروعه الحياه و كليتنا ماتقصر ،، تقريبا كل مساق عليه لاب وشو اللاب ..احلى حياه وربي ..تستكشفين تبحثين تجربين ..والله وربي روووووعه..خخخ الكورس لي طاف خذيت بيولجي ومساق ثاني و ياما سحبنا دم و حللناه و سوينا مادري شو ..وعند البيولجي كل ما قالت المس اليوم التجربه تخص الدم اتنطط جدامها عشان تشكني ابره و يكون دمي هو اساس التجربه ..~> معقوله خهخه

انتي صدقيني لو حابه الشي بتنسين الخوف ..واذا خاطرج طب اشجعج عليه ..بس شلي الخوف عن بالج و خلج قويه مع اورنمين سي

[سوارة]

[نوني كشه]

الله يوووفقج
ختيه انا خريجه اي تي بزنسس بكالريوس لو الدنيا تدور فيني بسير ادرس طب شو احلى من هالشغله شو ارقى من انج تساعدين الناس ترفعين راس اهلج انج دكتوره
و الحين افكر ادرس طب لانه يصير ع الاقل بدون تخصص لان هذا النظام اليديد > سمعت به من دكتورنا
الزبده اختي
الطب غير البزنسس ترا ثلاث ارباع البلاد تخصصهم بزنسس و الباجي اي تي شو تبينه هالتخصص ممزور و متروس و ابشرج عطاليه بطاليه اللي يقولج شغل ما شغل اما الطب متعه و مساعده الناس ::
و ف الاخير القرار لج و انا اقول كملي ترا كل شي صعب حتى اللي يدرس رياضه يواجه صعوبات مافي شي بالساهل
بس الطب غيير
الله

يوووفقج

صححححححح كلاااااااامهاااااااااا

[نوف الطائي]

وين يقولون فلانه دكتوره
و وين يقولون خريجه قسم الفلاني بس
كلمه دكتوره هب قليله
و لو تييني فرصه بحياتي ادرس طب اكيد

فكري فيها كا مكانتج فالمجتمع
وانج بتساعدين الناس
وستايل غير
وبعدج صغيره عادي لو تاخرتي كم سنه طولتي

نصيحتي لج فديتج كملي طب
و الله يوفقج يارب

[miss Givenchy]

آكبر غلطة في حيااااااااتي سويتها درست صيدلة
آنا بتخرج الكورس الياي وآنا لليوم آقول ليتني درست بزنس وآلا شي ثاني

آنتي شوفي اللي يناسبج حبيبتي وآنتي وميولج و شو تحبين
الطب يبالج تدرسين ٢٤ ساعه و تنسين عمرج وكل تفكرين فالجامعة
وتضيع آيام من حياتج والله آنا كنت العزايم و الاعراس ما احضرها بسبب الجامعة
فكري في دوامج باااجر يوم بتتخرجين كيف بيكون ؟
الطب شفتاااات و مسئوليه و مناوبات و لازم تروحين مؤتمرات وغيره والله آحس ما يناسب البنت
آما البزنس دوام رسمي وحتى في سالفة الرواتب الحين صار البزنس اعلى من الطبيب
لا يغركم ترى رواتب الصحة ضعيفة آلا لو كنتي في الجيش او في بوظبي

هذا رايي آنا

[عالية المقـام]

ممممم
انا كنـت ادرس طب بشـري في جامعة الشارجه.. والعـام استخرت وحولت بزنس ..
وتخرجي بيكون ان شاء الله السنه اليـايه ..

الموضوع مب موضوع متى تتخرجين .. الموضوع شو ميوولج انتي ...

بالنسبه لي .. دراسة الطب ماكانت ممله بس يبالها كرف شوي ..
ونفس الشي كل سنه يبالها تشدين حيلج اكثـر وتدرسين ..
والطب مع الوقت الاشـيا تتطور يعني لازم تدرسين طول عمرج تقريباُ ..
وطبعا يوم تتخرجين طبيبه عـامه يعني لازم تتخصصين بعد اذا حبيتي ..
الدراسه يبالها طولت بـال وصبر .. مب طلعــات وســفر وغيره ..
يعني الانسـان لازم يكون متفرغ تفرغ تـام للدراسه ..

بالنسبه لي اكتشفت ان هذا مب جوي .. مع ان ماقولج انا مب شاطرره ..
بالعكس الحمدلله درجاتي اوكي ومعدلي زيين بس انا من النوع اللي ماحب مايكون عندي شي غير الدراسه ..
احب ادرس واحب اعيش حياه طبيعيه ..
وانا من النوع اللي اطلع واسـأفر وجي ..
ماحب الابــر ماحب الدم ماحب اشوووف جرووح ..

حالياً ادرس بزنس تخصص اكاونتنق .. مرتاحه فالدراسه وحابتنها وايد ..
وبالنسبه لجـامعتنا تخرجنـأ يكون بتخصصين .. يعني تخصص رئيسي وتخصص فرعي ..
الرئيسي اكاونتنق والفرعي للحين ماحددته احتمـال اخذ مانجمنت اذا مانزلوا موارد بشريه ..
يعني لو قدمت ف مكان ومايبون اكاونتنق يبون مانجمنت انا عندي شهادة بتخصصين ياخذوني ع اساس اني مانجمنت..
ويوم بكمل المـأستر ان شاءالله .. باخذ ادارة موارد بشـريه .. يعني لاحظي كذا فرع في تخصص البزنس ..
وهالتخصص مطلوب فالبلاد وقريت عنه وايد ..
انتي شوفي شو تحسين هل ممكن تتحملين وتكملين للآخر أو لا تبين تغيرين الحين لانج ماتقدرين ..
دام بديتي تفكرين ف هالـشي المفروض من الحين تقررين شو تبين اتسوين..

لان كل ما تأخرتي حراام بيضيع من عمرج ..
انا الصـراحه كان اخر شي بالنسبه لي اني احول بس سبحان الله حولت وكل شي تيسر ..

البزنس بعد حلو بس يختلف عن الطـب وايد !! ..

بس وايد يقــولون شي فرق بين دكتوره وبين خريجة بزنس ..
انا ماقولج ماشي فرق شي فرق وكبيــر بعد ..
بس كل شي له جـوانب سلبيه وايجـابيه ..
يعني مثـلا الطب تتخرجين خلاص وظيفتج موجوده فالمسـتشفى وكل عمرج بتقضينه هنـاك ..
البزنس ممكن انج تشتغلين وين ماتبين .. في حال توفر الوظيفه ..

ونفس الشـي للي يشوفون البزنس شهـادة عـأديه ..
انتي في حال كونج انسـانه طموحه .. ممكن تكملين المـأستر ..
وعقب الدكـتوراه .. وقتها حتى انتي بيكون لج اسـمج في الدوله وبتشلين اسم دكتوره ..
يعني نفس الشـي تقريباً ..
بس اهـم شي تعرفين انتي شو تحــبين ..

هالموضوع يخصـج انتي لا تمشين ع شور اي انسـان .. شوفي شو بيريحج انتي مب النـاس ..
لان في الاخير انتي بتدرسين وانتي لازم تشوفين وين تقدرين تبدعين و راحتج وين ..

وبالنـسبه عن نظرتج للبنـأت .. انا يوم كنت في كلية الطب كنت اقول نفس الكـلأام والله ..
وللعلم دراستنـا كانت مكــس ف الطب ..
بس يوم حـولت بالعكـس تعرفت ع بناات ذهب والله ..
وحبيت الدراسه ويا البنــات وايد طيبات وبتحسين وايد يساعدون بعض وجي ..
نحن نستعيل ونحكـم من خلال المظهر .. بس عقب بتعرفين الفرق ..

واذا تفكرين من نـأحية الراتب وجي ..
ترى لو تبين الصـدق انا سألت في هالموضوع وايد ..
وعندنا واحد من اهلنـأ دارس بزنس وحرمته طب ..
كلمني وايد عن المووضوع .. قالي انا بالنسبه لي اشوفج تدرسين بزنس احسن ..
حرمتي دارسه كم سنه طب ومتخرجه بامتيــاز ..
بس انا راتبي اعلى عن راتبهــأ مع اني ماتبعت فالدراسه مثلـها ..
وهي دوامها شفتات ممكن اي وقت يطلبونها اما البزنس دوام رسمــي ..


شوفي تبين الصدق انا انحيازي للبزنس خخ
بس كنت احب دراسة الطب والله .. واحيـانا اقول جان زين لو كملت ..
لكن اشوف ايجـأبيات البزنس بالنسبه لي انا اكثر ..
يعني حسيت صدق دراسة الجامعة مب دراسة الطب اللي كانت نفس المدرسه بالسنـوات..
غير هذا باالنسبه للمواد شي مواد وايد حبيت دراستهم وكيف يربطونها ويا الوظيفه ..
فكري عدل وشوفي شو بتســوين ..
واذا تبين شي حــاضرييين ..

[علـآآآيه]

انا كان ودي طب ,, بس يله الحمدلله ^^
واستخيري ,,, وبشرينـآآ شو قررتي ^^