طب ولا بزنس؟

[لحظة 88]

شو تبين ف الطب
كلة دراسة 24 ساعة
ولما تشتغلين لاتنسين الدوامات الليلية
لازم تباتين ف المستشفة حتى خلال فترة التدريب
وفوق كل ها التعب راواتبهم تعباانة حالهم حال اي موظف
ايساوونج بالموظفين اللي يداومون 7 ساعات في حين الطبيب يداوم اكثر
ولا تنسين الدوامات الليلية ودوامات الويك اند ولاعياد
يعني اذا اتفكرين تزوجين وتيبين اعيال ماراح ايناسبج الوظع ابدا
لاني انا مجربة
ووايد بنات درسو طب وطلعو من المهنة دورولهم وظائف ادارية اسهل ولا براتب اعلى
شوفي الواقع
هني محد يقدر الطبيب لا باميازات ولا براتب الا كلة تعب في تعب
وفوق ها تراه مسؤلية بعد
هذا راييي والقرار لج

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Highness]

أشكركن والله ،، يزاكن الله خير ..
انا استخرت البارحه، وبرد استخير اليوم بعد ..

وبشاور الوالده ..
حاسه اني بحول .. بس ان شالله خير

[فزعة قبيله]

انا بزنس ولو كنت طب مابلتفت للبزنس

نصيحه خلج ف الطب

بيستوي السوق فل من هالتخصصات لان الكل طايح فيه

[هنوده دبي]

بنات متخرجات امتياز من اي تي .. والبزنس ومب امحصلات شغل .. الكل داش هالمجال كم بيشغلون لبيشغلون !!

[حورية الجنة]

للرفع ..

[شمس رآكـ]

يا فتيات بعض ردودكم تييب الاحباط

شوفي حبيبتي ..انتي شوفي ميلوج و لا تسمعين لحد

الحين انتي دشيتي طب ..ليش ؟ عشان اسم التخصص ولا عشان تحبين دراسة الطب و لا عشان الشغل ولا ارضاء النفس و الاهل و لا عشان المستقبل و المعاش ولا عشان خدمة الشعب و لا ؟؟؟؟

انتي الي تقدري تحددين ..يعني البزنس عالم و الطب عالم ثاني ..انتي شوفي ليش دشيتي طب اصلا بعدين فكري شو الانسب لج

بالنسبه لي ما افكر بالطب ابدا ، بس يعبني بعض الامور الصحيه والعلاج بالاعشاب ..بس اني ادرس طب ابدا ابدا ما يا ف بالي ..
انا عندي هوايه البحث عن الاعشاب الطبيعيه و التداومي و عن امور التغذيه ..بس هاي مجرد هوايه احب اتفلسف فيها مع غيري مب شغله اباها ..عشان جي اخترت كلية تجمع بين هـ الامور تقريبا..

كل شي ف الجامعه مايي بالساهل، حتى مثل ماقالت وحده الرياضه يبالها دراسه و فيها صعوبه ..وكل الكليات تطلب بحوث و تقارير و اشغال..يعني لاتفكرين من ناحيه الكراف و والله ابي اخلص بسرعه..عمر السرعه مايابت الخير ..خلج ريلاكس

بس سؤال غريب..كيف يعني بنات الكليات الثانيه تحسينهم غير و مختلفين عن عالم بنات الطب ؟؟ يعني كلامج ياب لي علامات تعجب و استفهام خخ ..محتاجه جواب يهديني خخ

الطب حلوو

انا خآطري بـ طب
بس اخاف من الدم والابر

ولا هوو شي يرفع الرآس .. ويريح البآل عقب

صح بتتعبين بس عقب بتنجحين
وشغلج لو تدور الدنيآ بيتم موجود

والسنين موجوده

لو خلصتي من الدرآسه شبتسوين ؟ وظيفه حآلج حآل اي حد

بس الطب غير والله

حآولي تشجعين عمرج من عقب الاستخآره

وربي يكتبلج كل خير

ربااه ..كنت شراتج اخاف من التحليل و الدم..صح اشوف افلام القتل و الاجرام بس ما احب حد يسحب عني دم و يتعامل مع الابر

بس من دخلت كليتي العزيزه وتخصصي الجميل " لا تخافون مب طب خخ" ..والله حسيت بروعه الحياه و كليتنا ماتقصر ،، تقريبا كل مساق عليه لاب وشو اللاب ..احلى حياه وربي ..تستكشفين تبحثين تجربين ..والله وربي روووووعه..خخخ الكورس لي طاف خذيت بيولجي ومساق ثاني و ياما سحبنا دم و حللناه و سوينا مادري شو ..وعند البيولجي كل ما قالت المس اليوم التجربه تخص الدم اتنطط جدامها عشان تشكني ابره و يكون دمي هو اساس التجربه ..~> معقوله خهخه

انتي صدقيني لو حابه الشي بتنسين الخوف ..واذا خاطرج طب اشجعج عليه ..بس شلي الخوف عن بالج و خلج قويه مع اورنمين سي

[دمعتي الحزينه]

دراسة الطب تضحيه انا اعرف وحده من ربيعاتي درست ويايه تقول الطب تضحيه من كل النواحي حتى بالزواج والعيال مابتعطينهم حقهم يعني ريلج بيكون في عالم وانتي عالم والحرمه ماينفعها شي غييير ريلها وعيالها ..

[مسايل55]

الطب اختي بينفعج يا حلوها يوم يقولوج الدكتوره فلانه... وبعدين مادام انج تدرسينه خلاص كملي لا تترددين 6 سنين بطوف كأنهن 3 سنيين والايام تركض

[بنت حريريه]

الله يووفقج ويسهل لج اموووورج

[النرجس]

ربي يوفقج ويسهل امورج

استخيري

[الماركه شما]

بالتوووووووووووفيق

[عيمانيه]

صلي الاستخاره

و شوفي ميولج لاي تخصص

[without heart]

ربي يوفقـج * سواءً طب أو بزنس ^__^

[اهلين و سهلين]

ادرسي الي تحبينه

انا وايد احب الطب بشكل عام بس اخاف من الدم و الابر و ف نفس الوقت كنت افكر وايد 6 او 7 سنين

و درست هندسة 5 سنين و كمت ماستر سنتين و نص يعني سبع سنين و نص ^...^

بس ميووولي اكثر للهندسة لاني احب الماث و ها السوااالف


شوفي وين ميووولج اكثر ولا تشوفين بنات اول سنة لان توهم يداد ----------------->>>> عقب بيظهر انواع الكرررراف